Month: June 2022

ລາຍລະອຽດການຈັບຢາບ້າ 12​ ລ້ານເມັດທີ່ແຂວງບໍ່ແກ້ວ (ມີຄລິບ)

ໃນວັນທີ 4 ມິຖຸນາ 2022 ຫ້ອງຕໍາຫຼວດ ພະແນກສະກັດກັ້ນ ແລະ ຕ້ານຢາເສບຕິດ ແຂວງບໍ່ແກ້ວ ໄດ້ມ້າງຄະດີຢາເສບຕິດລາຍໃຫຍ່ໄດ້ 01 ລາຍ, ສາມາດກັກຕົວຜູ້ຖືກຫາ ຈໍານວນ 2 ຄົນຄື: ທ້າວ ຕູ່ມົງ ຢ່າງ ອາຍຸ 30 ປີ, ອາຊີບ ສ້ອມແປງ, ຊົງເຜົ່າມົງ, ຢູ່ບ້ານໄຊອຸດົມ, ເມືອງຜາອຸດົມ, ແຂວງບໍ່ແກ້ວ; ທ້າວ ພົມມາ…

ລັດຖະບານຍີ່ປຸ່ນ ມອບລົດຮັບ-ສົ່ງຄົນເຈັບ 74 ຄັນໃຫ້ລັດຖະບານ ສປປ ລາວ

ຕອນ ຕອນເຊົ້າວັນທີ 6 ມິຖຸນາ 2022 ນີ້ ທີ່ກະຊວງສາທາລະນະສຸກ ລັດຖະບານຍີ່ປຸ່ນ ມອບລົດອຳບູລັງ ຫລື ລົດຮັບສົ່ງຄົນເຈັບຈຳນວນ 74 ຄັນໃຫ້ລັດຖະບານ ສປປ ລາວ ເພື່ອຮັບໃຊ້ເຂົ້າໃນວຽກງານປ້ອງກັນ ແລະຕອບໂຕ້ພະຍາດໂຄວິດ 19 ຕາງຫນ້າກ່າວຮັບໂດຍ ດຣ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ຕາງຫນ້າກ່າວມອບໂດຍ ທ່ານ ເຄັນນິຈິ ໂຄບາຢາຊິ ເອກອັກຄະລັດສະທູດຍີ່ປຸ່ນ ປະຈຳລາວ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ,…

ກະຊວງການເງິນ ຕິດກາໝາຍລົດຮັບໃຊ້ວຽກທາງລັດຖະການທຸກຄັນແລ້ວ

ວັນທີ 2 ມິຖຸນາ ຜ່ານມາ, ກະຊວງການເງິນ ໄດ້ຈັດຕັ້ງປະຕິບັດຕິດ ກາໝາຍ(ໂລໂກ້) ລົດຮັບໃຊ້ວຽກທາງລັດຖະການ ໂດຍມີ ທ່ານ ບຸນໂຈມ ອຸບົນປະເສີດລັດຖະມົນຕີກະຊວງການເງິນ, ມີຮອງລັດຖະມົນຕີ, ຫົວໜ້າຫ້ອງການກະຊວງ, ຫົວໜ້າກົມຄຸ້ມຄອງຊັບສິນແຫ່ງລັດ, ພ້ອມດ້ວຍຄະນະຮັບຜິດຊອບ ແລະ ພາກສ່ວນກ່ຽວຂ້ອງເຂົ້າຮ່ວມ ທັງນີ້ ກໍເພື່ອສືບຕໍ່ຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໂດຍສະເພາະພາຍຫລັງສຳເລັດການເຜີຍແຜ່ດຳລັດວ່າດ້ວຍລົດ ຂອງລັດສະບັບເລກທີ 599/ລບ ແລະ ບັນດານິຕິກຳທີ່ກ່ຽວຂ້ອງຂັ້ນສູນກາງ ແລະ ທ້ອງຖິ່ນໃນຂອບເຂດທົ່ວປະເທດ, ທັງເປັນການຕິດຕາມ, ຊຸກຍູ້ການຈັດ…

ຂ່າວດ່ວນ ລາຍໃຫຍ່ອີກແລ້ວ 12 ລ້ານເມັດທີ່ບໍ່ແກ້ວ

ຂ່າວດ່ວນ! ຈັບລາຍໃຫຍ່ອີກແລ້ວ 12 ລ້ານເມັດທີ່ບໍ່ແກ້ວ ປກສ ແຂວງບໍ່ແກ້ວ ຍຶດຢາເສບຕິດປະເພດຢາບ້າໄດ້60ເປົ່າ ມີ6000ມັດ ມີຈໍານວນ 12.000.000 ເມັດ ໃນວັນທີ4.6.2022ນີ້, ສວນລາຍລະອຽດເຈົ້າໜ້າທີ່ຈະຖະແຫຼງຕາມທີ່ຫຼັງ(ຂໍ້ມູນເບື້ອງຕົ້ນ). . . . .

ແຈ້ງຂ່າວມໍລະນະກຳ ທ່ານ ນາງ ໄມຕຼີ ສຸພານຸວົງ (ລູກຄົນທີ 9 ຂອງ ປະທານ ສຸພານຸວົງ)

ແຈ້ງຂ່າວມໍລະນະກຳ ທ່ານ ນາງ ໄມຕຼີ ສຸພານຸວົງ, ລູກຄົນທີ 9 ຂອງ ປະທານ ສຸພານຸວົງ ຫ້ອງວ່າການສູນກາງພັກ, ຄອບຄົວສຸພານຸວົງ, ທ່ານ ດວງແກ້ວ ນໍລະສິງ ພ້ອມດ້ວຍລູກຫຼານຍາດຕິພີ່ນ້ອງ ຂໍແຈ້ງຄວາມເສົ້າສະຫຼົດໃຈມາຍັງການຈັດຕັ້ງພັກ-ລັດ, ເພື່ອນມິດສະຫາຍ, ຍາດຕິພີ່ນ້ອງ ທີ່ຢູ່ໃກ້ ແລະ ຢູ່ໄກ ຊາບທົ່ວເຖິງກັນວ່າ: ທ່ານ ນາງ ໄມຕຼີ ສຸພານຸວົງ, ລູກຄົນທີ 9 ຂອງ…

ເຫດຄົນຍິງກັນເສຍຊີວິດ 2 ຄົນ ທີ່ເມືອງຫ້ວຍຊາຍ

ໃນວັນທີ 4 ມິຖຸນາ 2022 ເວລາ 02:03ນາທີ ໜ່ວຍກູ້ຊີບອົງການກາແດງແຂວງບໍ່ແກ້ວໄດ້ຮັບແຈ້ງເຫດຜ່ານເບີ 084 1625 ວ່າມີຄົນຍິງກັນເສຍຊີວິດ ຢູ່ທີ່ບ້ານ ຫ້ວຍຊາຍໃຕ້ (ເຂດລ້ອງຫວຽດ) ເມືອງ ຫ້ວຍຊາຍ ແຂວງບໍ່ແກ້ວ ເມື່ອໜ່ວຍກູ້ຊີບອົງການກາແດງແຂວງບໍ່ແກ້ວໄປຮອດສະຖານທີ່ເກີດເຫດພົບເຫັນຜູ້ເສຍຊີວິດ 02ຄົນ: •ຜູ້ເສຍຊີວິດ:ທ້າວ ແອ່ນຄຳ ອາຍຸ28ປີ.ຢູ່ບ້ານ ສີດອນແຍງ ເມືອງ ຕົ້ນເຜິ້ງ ແຂວງບໍ່ແກ້ວ. -ມີຮອຍລູກປືນຍິງເຂົ້າຫົວສອດແຕ່ເບື້ອງຊ້າຍຫາເບື້ອງຂວາ. •ຜູ້ເສຍຊີວິດ: ນາງ ຕຸ້ຍ ອາຍຸປະມານ…

ລົດໄຖປີ້ນທັບຄົນເສຍຊີວິດຄາທີ່ ຢູ່ເມືອງປາກລາຍ

ລາຍງານຈາກປະຊາຊົນໃຫ້ຮູ້ວ່າ ໃນເວລາ 11:00 ຂອງວັນທີ່ 3 ມິຖຸນາ 2022 ໄດ້ເກີດເຫດລົດໄຖ ປີ້ນທັບຄົນຂັບເສຍຊີວິດຄາທີ່ 1 ຄົນ ເປັນເພດຊາຍ. ຮູ້ຊື່ແມ່ນ ທ້າວໝັ້ນ. ເຫດເກີດທີ່ ບ້ານດອນ ເມືອງປາກລາຍ ແຂວງໄຊຍະບູລີ. ເປັນອຸທາຫອນແກ່ທຸກຄົນ ໃຫ້ລະມັດລະວັງ ໃນການໃຊ້ຍວດຍານພາຫະນະ. ສະແດງຄວາມເສຍໃຈກັຍຄອບຄົວຜູ້ເຄາະຮ້າຍ Cr: SF Fon Nsd

ມອບເງີນຊວ່ຍເຫຼື່ອໃຫ້ກັບຄອບຄົວທີຖືກຜົນກະທົບໄພພິບັດນໍ້າຖວ້ມ ແລະ  ມອບເຄື່ອງໃຫ້ຄອບຄົວອານາຖາ 

ພິທີມອບເງີນຊວ່ຍເຫຼື່ອໃຫ້ກັບຄອບຄົວທີຖືກຜົນກະທົບໄພພິບັດນໍ້າຖວ້ມເຮືອນ ແລະ ຜົນຜະລິດຂອງພໍ່ແມ່ປະຊາຊົນຢູ່ສອງບ້ານຄື:ບ້ານປາງຄໍາ ແລະ ບ້ານນາກາງເມືອງປາກລາຍແຂວງໄຊຍະບູລີ ເຊິ່ງໄດ້ຈັດຂື້ນໃນວັນທີ2ມິຖຸນາ2022ນີ້ທີ່ຫໍປະຊຸມບ້ານປາງຄໍາ ໂດຍການໃຫ້ກຽດເຂົ້າຮວ່ມມອບເງີນດັ່ງກ່າວຂອງທ່ານ ບຸນພະລັງວິໄລສັກຮອງເຈົ້າເມືອງໆປາກລາຍປະທານຄະນະກໍາມະການຄຸ້ມຄອງໄພພິບັດຂື້ນເມືອງ,ມີອົງການປົກຄອງບ້ານພໍ່ແມ່ປະຊາຊົນພ້ອມດວ້ຍຂະແໜງການທີ່ກ່ຽວຂ້ອງຂອງເມືອງເຂົ້າຮວ່ມ. ທ່ານ ສົມເດດ ທອງຄໍາມີ ຮອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງໄດ້ລາຍງານໃຫ້ຮູ້ວ່າ:ໃນວັນທີ18-19ເມສາ2022ຜ່ານມາໄດ້ເກີດມີຝົນຕົກໜັກຕິດຕໍ່ກັນຫຼາຍຊົ່ວໂມງເຮັດໃຫ້ນໍ້າຮວງ ແລະ ນໍ້າຫວ້ຍນ້ອຍຈໍານວນໜຶ່ງຂອບເຂດບ້ານປາງຄໍາແລະ ບ້ານນາກາງໄດ້ເກີດມີນໍ້າຖ້ວມເຮືອນ ແລະ ຜົນຜະລິດກະສິກໍາຂອງປະຊາຊົນຢ່າງກະທັນຫັນເຮັດໃຫ້ມີຜົນເສຍຫາຍຄື: ບ້ານປາງຄໍາມີ36ຄອບຄົວ ແລະ ບ້ານນາກາງໄດ້ຮັບຜົນເສຍຫາຍມີ9ຄອບຄົວລວມມູນຄ່າເສຍຫາຍທັງໝົດ462ລ້ານກວ່າກີບ ດັ່ງນັ້ນເພື່ອເປັນການຟື້ນຟູຊີວິດຈິດໃຈ ແລະ ໃຫ້ກໍາລັງໃຈຕໍ່ກັບຄອບຄົວທີ່ໄດ້ຮັບຜົນກະທົບຈາກໄພພິບັດນໍ້າຖວ້ມໃນຄັ້ງນີ້ ທາງອໍານາດການປົກຄອງເມືອງຈຶ່ງໄດ້ມອບເງີນຊວ່ຍເຫຼືອເບື້ອງຕົ້ນໃຫ້ກັບຄອບຄົວດັ່ງກ່າວລວມມູນຄ່າທັງໝົດ 7.500. 000 ກວ່າກີບ ຈາກນັ້ນໃນວັນດຽວກັນທາງທິມງານຂອງທ່ານຮອງເຈົ້າເມືອງສົມພົບກັບຄະນະຫ້ອງການແນວລາວສ້າງຊາດເມືອງກໍ່ໄດ້ໄປມອບເຄື່ອງນຸ່ງຮົມ ແລະ ອຸປະກອນຮັບໃຊ້ໃນຄົວເຮືອນຈໍານວນໜຶ່ງໃຫ້ກັບຄອບຄົວທຸກຍາກອານາຖາຢູ່ບ້ານນາງຄະຍາງຈໍານວນ17ຄອບຄົວ ແລະ ຕິດຕາມເບິ່ງການກໍ່ສ້າງຕໍ່ເຕີມກຸດຕິຂອງບ້ານນາງຄະຍາງຕື່ມອີກ. ຂ່າວ: ກ່າ ຄຸດທະວົງສັກ

ນາຍົກລັດຖະມົນຕີ ແຫ່ງ ສປປ ລາວ ເຂົ້າຢ້ຽມຂ່ຳນັບເຈົ້າຊີວິດໄທ ແລະ ກົມສົມເດັດພະເທບ 

ໃນວັນທີ 2 ມິຖຸນາ 2022 ນີ້, ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ທ່ານ ນາງ ສີຈັນ ວິພາວັນໄດ້ເດີນທາງເຂົ້າຢ້ຽມຂ່ຳນັບ ພະບາດສົມເດັດພະວະສິຣະເກົ້າເຈົ້າຢູ່ຫົວ ແລະ ພຣະຣາຊີນີ ແຫ່ງ ຣາຊະອານາຈັກໄທ ແລະ ເຂົ້າຢ້ຽມຂ່ຳນັບກົມສົມເດັດພະກະນິຖາທິລາດເຈົ້າ ກົມສົມເດັດພະເທບພະຣັດຣາຊະສຸດາ ສະຫຍາມບໍລົມຣາຊະກຸມາລີ ແຫ່ງ ຣາຊະອານາຈັກໄທ ໃນໂອກາດເດີນທາງຢ້ຽມຢາມ ຣາຊະອານາຈັກໄທ ຢ່າງເປັນທາງການ ໃນຖານະແຂກຂອງລັດຖະບານ ໂດຍການນຳພາເຂົ້າຢ້ຽມຂ່ຳນັບຂອງທ່ານ ພົນເອກ ປຣະຢຸດ ຈັນໂອຊາ ນາຍົກລັດຖະມົນຕີ ແຫ່ງ ຣາຊະອານາຈັກໄທ ແລະ ພັນລະຍາທ່ານ ນາງ ວະຣາພອນ ຈັນໂອຊາ. . . . ພາບ: ອ່າຍຄຳລ

ນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມ ຣາຊະອານາຈັກໄທ ຢ່າງເປັນທາງການ 

ໂດຍຕອບສະໜອງຕາມຄຳເຊີນຂອງ ທ່ານ ພົນເອກ ປຣະຢຸດ ຈັນໂອຊາ, ນາຍົກລັດຖະມົນຕີ ແຫ່ງ ຣາຊະອານາຈັກໄທ, ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍ ພັນລະຍາ ແລະ ຄະນະ ໄດ້ເດີນທາງຢ້ຽມຢາມຣາຊະອານາຈັກໄທ ຢ່າງເປັນທາງການ ໃນວັນທີ 1-2 ມິຖຸນາ 2022 ເພື່ອຮັດແໜ້ນສາຍພົວພັນມິດຕະພາບ ແລະ ການຮ່ວມມື ຖານບ້ານໃກ້ເຮືອນຄຽງທີ່ດີ ທີ່ມີມາແຕ່ດົນນານ ລະຫວ່າງ ສອງປະເທດ ລາວ ແລະ ໄທ. ພິທີຕ້ອນຮັບຢ່າງເປັນທາງການ ໄດ້ມີຂຶ້ນທີ່ທໍານຽບລັດຖະບານໄທ ໃນຕອນແລງຂອງວັນທີ 1 ມິຖຸນາ 2022 ໂດຍການໃຫ້ກຽດຕ້ອນຮັບອັນອົບອຸ່ນຈາກ ທ່ານນາຍົກລັດ ຖະມົນຕີ ພົນເອກ ປຣະຢຸດ ຈັນໂອຊາ ພ້ອມດ້ວຍພັນລະຍາ ແລະ ຄະນະ. ຈາກນັ້ນ, ກໍໄດ້ມີກອງປະຊຸມພົບປະສອງຝ່າຍ ຢ່າງເປັນທາງການ. ໃນໂອກາດດັ່ງກ່າວ, ທ່ານນາຍົກລັດຖະມົນຕີ ພົນເອກ ປຣະຢຸດ ຈັນໂອຊາ ໄດ້ສະແດງຄວາມຍິນດີຕ້ອນຮັບທ່ານ ພັນຄຳ ວິພາວັນ ທີ່ໄດ້ນຳພາຄະນະຜູ້ແທນມາຢ້ຽມຢາມໃນຄັ້ງນີ້ ເຊິ່ງຖືເປັນຄັ້ງທຳອິດ ພາຍຫລັງທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງເປັນນາຍົກລັດຖະມົນຕີ ແຫ່ງ ສປປ ລາວ. ໃນກອງປະຊຸມພົບປະ, ສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະການຮ່ວມມືອັນດີ ລະຫວ່າງ ສອງປະເທດ ລາວ-ໄທ ພາຍຫລັງທີ່ໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 19 ທັນວາ 1950 ເປັນຕົ້ນມາ, ສອງປະເທດ ສາມາດຮັກສາໄດ້ຄວາມໄວ້ເນື້ອເຊື່ອໃຈເຊິ່ງກັນ ເເລະ ກັນ ໃນລະດັບອັນເເນ່ນອນ, ຮັບປະກັນຄວາມສະ ເໝີພາບ, ນັບຖືຄວາມເປັນເອກະລາດເເຫ່ງຊາດຂອງກັນ ແລະ ກັນ.  ການຢ້ຽມຢາມໃນຄັ້ງນີ້ ເປັນການຢືນຢັນຄືນຄໍາໝາຍໝັ້ນຂອງ ສປປ ລາວ ທີ່ຈະສືບຕໍ່ເສີມຂະຫຍາຍສາຍພົວພັນມິດຕະພາບ ແລະການຮ່ວມມືອັນດີງາມ ຖານບ້ານໃກ້ເຮືອນຄຽງທີ່ດີ ທີ່ມີມາແຕ່ດົນນານ ໃຫ້ນັບມື້ໄດ້ຮັບການຮັດແໜ້ນຍິ່ງໆຂຶ້ນ, ທັງເປັນນິມິດໝາຍອັນສໍາຄັນ ໃນການເປັນຄູ່ຮ່ວມຍຸດທະສາດ ເພື່ອການຈະເລີນເຕີບໂຕ ແລະ ການພັດທະນາເເບບຍືນຍົງ ອັນເປັນການເປີດສັງກາດໃໝ່ ຂອງການພົວພັນຮ່ວມມືສອງປະເທດ ທີ່ສອດຄ່ອງກັບສະພາບ ແລະ ເງື່ອນໄຂໃນປັດຈຸບັນ. ສອງຝ່າຍ ເຫັນດີເປັນເອກະພາບຮ່ວມກັນສະໜັບສະໜູນໃຫ້ມີການແລກປ່ຽນການຢ້ຽມຢາມເຊິ່ງກັນ ແລະ ກັນຂອງ ການນໍາຂັ້ນສູງຂອງສອງປະເທດ ຕະຫລອດເຖິງບັນດາກົນໄກການຮ່ວມມືຕ່າງໆຢ່າງເປັນປົກກະຕິ ເພື່ອເພີ່ມທະວີຄວາມໃກ້ຊິດ ແລະ ຮັດແໜ້ນສາຍພົວພັນ ກໍຄື ພ້ອມກັນຈັດຕັ້ງປະຕິບັດບັນດາແຜນງານຕ່າງໆ ຂອງແຕ່ລະກົນໄກການຮ່ວມມື ທັງໃນລະດັບລັດຖະບານ ແລະ ທ້ອງຖິ່ນດ້ວຍກັນ ໂດຍສະເພາະລະຫວ່າງ ແຂວງ ແລະ ຈັງຫວັດ, ຕີລາຄາສູງຕໍ່ການພົວພັນຮ່ວມມືໃນການຮັກສາຄວາມສະຫງົບຮ ຽບຮ້ອຍຕາມບໍລິເວນຊາຍແດນ ເປັນ ຕົ້ນ ການສະກັດກັ້ນ ແລະ ປາບປາມການຄ້າຂາຍສິ່ງຜິດກົດໝາຍ ແລະ ເຫັນດີຊູກຍູ້ໃຫ້ຮ່ວມກັນດໍາເນີນການສໍາຫລວດ ແລະ ປັກຫລັກໝາຍຊາຍແດນ ທີ່ຍັງຄົງຄ້າງໃຫ້ສຳເລັດໂດຍໄວ; ສອງລັດຖະບານ ໄດ້ເນັ້ນໜັກຄວາມສໍາຄັນການເຊື່ອມໂຍງເຊື່ອມຈອດ ລະຫວ່າງສອງປະເທດ ແລະ ກັບອະນຸພາກພື້ນ ໂດຍເອກະພາບຮ່ວມກັນໃນການພັດທະນາເສັ້ນທາງຄົມມະນາຄົມ ທັງທາງບົກ ແລະ ອາກາດ ຕະຫລອດເຖິງການເຊື່ອມຈອດລະບົບລາງ ເພື່ອອໍານວຍຄວາມສະດວກໃຫ້ແກ່ການຄ້າ-ການລົງທຶນ ແລະ ການ ທ່ອງທ່ຽວ ໂດຍສະເພາະການລົງທຶນດ້ານການເຊື່ອມໂຍງ ແລະ ການພັດທະນາພື້ນຖານໂຄງລ່າງ, ການຄົມມະນາຄົມ-ຂົນສົ່ງ, ການທ່ອງທ່ຽວ, ສາທາລະນະສຸກ, ກະສິກໍາສະ ອາດ ແລະ ທັນສະໄໝ ແລະ ອື່ນໆ ຜ່ານການນໍາໃຊ້ທ່າແຮງບົ່ມຊ້ອນທີ່ມີຢູ່ໃນ ສປປ ລາວ. ພ້ອມນັ້ນ, ສອງຝ່າຍ ກໍໄດ້ຕີລາຄາສູງໝາກຜົນຂອງການຮ່ວມມືສອງຝ່າຍ ດ້ານເສດຖະກິດ ທີ່ມີບາດກ້າວຂະຫຍາຍຕົວຕໍ່ເນື່ອງ, ຣາຊະອານາຈັກໄທ ສືບຕໍ່ເປັນຄູ່ການຄ້າອັນດັບຕົ້ນຂອງລາວ, ມີມູນຄ່າ 7,2 ຕື້ໂດລາສະຫະລັດ ໃນປີ 2021 ຫລື ເພີ່ມຂຶ້ນ 14% ທຽບໃສ່ປີຜ່ານມາ ເຖິງວ່າຈະໄດ້ຮັບຜົນກະທົບຈາກໂຄວິດ-19 ກໍຕາມ, ການລົງທຶນຂອງໄທຢູ່ລາວ ກໍ່ສືບຕໍ່ເພີ່ມຂຶ້ນ, ເຊິ່ງບັນລຸໄດ້ 4,7 ຕື້ ໂດລາສະຫະລັດ; ສອງຝ່າຍ ເຫັນດີສືບຕໍ່ອໍານວຍຄວາມສະດວກໃຫ້ແກ່ການຄ້າຜ່ານແດນ ແລະການຄ້າຊາຍແດນເຊິ່ງກັນ ແລະ ກັນ ຕາມພັນທະສັນຍາຕ່າງໆ ທີ່ທັງສອງຝ່າຍເປັນຄູ່ພາຄີໃນຂອບສອງຝ່າຍ ແລະ ຫລາຍຝ່າຍ ບົນພື້ນຖານເພິ່ງພາເຊິ່ງກັນ ແລະ ກັນ, ຕະຫລອດເຖິງການສຶກສາຄວາມເປັນໄປໄດ້ໃນການນໍາໃຊ້ເງິນຕາຂອງສອງປະເທດ (ກີບ-ບາດ) ເພື່ອຊໍາລະສະສາງລະຫວ່າງກັນ; ສອງຝ່າຍ ໄດ້ສະແດງຄວາມຊົມເຊີຍ ຕໍ່ຜົນສຳເລັດຂອງການຮ່ວມມືໃນຂົງເຂດພະລັງງານໄຟຟ້າ ໂດຍລັດຖະບານໄທໄດ້ເພີ່ມໂຄຕ້ານໍາເຂົ້າໄຟຟ້າຈາກລາວ ບັນລຸເປັນ 10,500 ເມກາວັດ. ຝ່າຍລາວ ສະແດງຄວາມຂອບໃຈ ແລະ ຕີລາຄາສູງຕໍ່ການຈັດຕັ້ງປະຕິບັດໂຄງ ການຊ່ວຍເຫລືອລ້າ ໃນ 3 ຂົງເຂດໃຫຍ່ ເປັນຕົ້ນດ້ານ: ການສຶກສາທິການ ແລະ ກິລາ, ດ້ານກະສິກຳ ແລະ ປ່າໄມ້ ແລະ ດ້ານສາທາລະນະສຸກ ເຊິ່ງລ້ວນແລ້ວແຕ່ແມ່ນຂົງເຂດວຽກງານບູລິມະສິດ ທີ່ສປປ ລາວ ຖືເປັນສໍາຄັນ. ລັດຖະບານລາວ ຕີລາຄາສູງຕໍ່ໝາກຜົນການຮ່ວມມືໃນຂອບວິຊາການ ລາວ-ໄທ, ປະຈຸບັນມີທັງໝົດ 53 ໂຄງການທີ່ກຳລັງຈັດຕັ້ງປະຕິບັດ ແລະ ກຳລັງປຶກສາຫາລື ເພື່ອໃຫ້ກ້າວໄປສູ່ການຈັດຕັ້ງປະຕິບັດໃຫ້ເປັນຮູບປະທໍາໃນອານາຄົດ; ຝ່າຍລາວ ໄດ້ຕີລາຄາສູງຕໍ່ບັນດາໂຄງການພາຍໃຕ້ພະລາດຊະດຳລິ ທີ່ຈັດຕັ້ງປະຕິບັດຢູ່ ສປປ ລາວ ກໍໄດ້ກາຍເປັນສັນຍາລັກແຫ່ງການພົວພັນຂອງສອງປະເທດເຊິ່ງໄດ້ຖ່າຍທອດຄວາມຮູ້ດ້ານກະສິກຳປູກຝັງ-ລ້ຽງສັດ ກໍຄື ການສ້າງອາຊີບ ແລະ ສ້າງງານໃຫ້ປະຊາຊົນ ໄດ້ມີການທຳມາຫາກິນ. ສຳລັບຂອບການຮ່ວມມືໃນເວທີພາກພື້ນ ແລະ ສາກົນ, ສອງຝ່າຍ ເຫັນດີສືບຕໍ່ໃຫ້ການສະໜັບສະໜູນ ແລະ ຊ່ວຍເຫລືອເຊິ່ງກັນ ແລະ ກັນໂດຍສະເພາະ ໃນຂອບສະຫະປະຊາຊາດ, ແອັກແມັກ, ອາຊຽນ, ຂອບການຮ່ວມມືແມ່ນ້ຳຂອງ ແລະ ອື່ນໆ. ນອກຈາກນີ້, ສອງຝ່າຍ ແລກປ່ຽນຄໍາຄິດຄໍາເຫັນກ່ຽວກັບ ສະພາບການພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ. ໂອກາດດຽວກັນ, ທ່ານນາຍົກລັດຖະມົນຕີ ພັນຄຳ ວິພາວັນ ກໍໄດ້ຕາງໜ້າໃຫ້ລັດຖະບານລາວ ສະແດງຄວາມຂອບໃຈ ມາຍັງ ລັດຖະບານໄທທີ່ໄດ້ໃຫ້ການສະໜັບສະໜູນ ແລະ ຊ່ວຍເຫລືອ ສປປ ລາວ ໃນໄລຍະຜ່ານມາ, ເຊິ່ງທັງໝົດນີ້ ໄດ້ປະກອບສ່ວນອັນສໍາຄັນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ຫວັງຢ່າງຍິ່ງວ່າ ລັດຖະບານໄທ ຈະສືບຕໍ່ໃຫ້ການສະໜັບສະໜູນ ສປປ ລາວ ຕື່ມອີກໃນອະນາຄົດ ໂດຍສະເພາະ ການສະໜັບສະໜູນການເປັນເຈົ້າພາບ ຈັດກອງປະຊຸມສຸດຍອດແອັກແມັກ (ACMECS) ຄັ້ງທີ 10 ໃນທ້າຍປີ2022 ແລະ ການເປັນປະທານໝູນວຽນອາຊຽນ ໃນປີ 2024 ນີ້. ພາຍຫລັງສຳເລັດກອງປະຊຸມພົບປະສອງຝ່າຍ ກໍໄດ້ມີພິທີມອບ-ຮັບ ໂຄງການກໍ່ສ້າງສູນພັດທະນາສັງຄົມມິດຕະພາບ ລາວ-ໄທ. ນອກຈາກນີ້, ສອງນາຍົກລັດຖະມົນຕີ ລາວ-ໄທ ກໍໄດ້ເປັນສັກຂີພິຍານໃນພິທີລົງນາມເອກະສານ ແລະ ການແລກປ່ຽນບົດບັນທຶກຄວາມເຂົ້າໃຈ ຈຳນວນ 3 ສະບັບຄື: ແຜນປະຕິບັດງານ ວ່າດ້ວຍ ການເປັນຄູ່ຮ່ວມຍຸດທະສາດ ລາວ-ໄທ ເພື່ອການຈະເລີນເຕີບໂຕ ແລະ ການພັດທະນາແບບຍືນຍົງ ໄລຍະ 5 ປີ (2022-2026); ບົດບັນທຶກຄວາມເຂົ້າໃຈ ວ່າດ້ວຍ ການກໍ່ສ້າງສວນພຶກສາສາດ ລາວ-ໄທ ; ແລກປ່ຽນບົດບັນທຶກຄວາມເຂົ້າໃຈ ວ່າດ້ວຍ ການພັດທະນາພະລັງງານໄຟຟ້າຢູ່ ສປປ ລາວ ລະຫວ່າງ ລັດຖະບານ ແຫ່ງ ສປປ ລາວ ແລະຣາຊະອານາຈັກ ໄທ.  ຈາກນັ້ນ, ກໍໄດ້ມີພິທີຖະແຫລງຂ່າວຮ່ວມ ສອງຝ່າຍ ລະຫວ່າງ ນາຍົກລັດຖະມົນຕີລາວ ແລະ ໄທ ຕໍ່ບັນດາສື່ມວນຊົນກ່ຽວກັບຜົນສຳເລັດຂອງການພົບປະສອງຝ່າຍ ໃນຄັ້ງນີ້ ແລະ ສືບຕໍ່ເຂົ້າຮ່ວມຢ້ຽມຊົມງານວາງສະແດງສິລະປະຫັດຖະກຳ ແລະ ເຂົ້າຮ່ວມງານລ້ຽງຕ້ອນຮັບອາຫານຄ່ຳ ຈັດໂດຍ ທ່ານນາຍົກລັດຖະມົນຕີ ພົນເອກ ປຣະຢຸດ ຈັນໂອຊາ ພ້ອມດ້ວຍພັນລະຍາ. ໃນໂອກາດການຢ້ຽມຢາມຄັ້ງນີ້, ມະຫາວິທະຍາໄລແມ່ໂຈ້ ກໍໄດ້ຈັດພິທີ ມອບ-ຮັບ ປະລິນຍາດຸສະດີບັນດິດ ກິຕິມະສັກ ສາຂາວິຊາລັດຖະສາດໃຫ້ແກ່ ທ່ານນາຍົກ ລັດຖະມົນຕີ ພັນຄຳ ວິພາວັນ ເພື່ອເປັນການຍ້ອງຍໍຊົມເຊີຍທີ່ມີຜົນງານດີເດັ່ນໃນການປະກອບສ່ວນ ເຂົ້າໃນການສ້າງສາພັດທະນາປະເທດຊາດ ໂດຍສະເພາະປະກອບສ່ວນເຂົ້າໃນການຊຸກຍູ້ສົ່ງເສີມການພົວພັນຮ່ວມມື ລາວ-ໄທ. ພ້ອມດຽວກັນນັ້ນ, ທ່ານນາຍົກ ລັດຖະມົນຕີ ກໍໄດ້ໃຫ້ກຽດເຂົ້າຮ່ວມພິທີເປີດກອງປະຊຸມພົບປະນັກທຸລະກິດ ລາວ-ໄທ (Business Talk and Networking) ເຊິ່ງກອງປະຊຸມ ໄດ້ປຶກສາຫາລື ແລະ ແລກປ່ຽນຄໍາຄິດເຫັນ, ວາງທິດທາງແຜນການໃນຕໍ່ໜ້າ ເພື່ອສະໜັບສະໜູນ ແລະ ຊຸກຍູ້ດ້ານການຄ້າ, ການລົງທຶນ, ຊຸກຍູ້ບັນດານັກທຸລະກິດ, ນັກລົງທຶນ ແລະ ນັກທ່ອງທ່ຽວ ໃຫ້ມີການໄປມາຫາສູ່ ແລະ ພົວພັນຮ່ວມມືກັນຫລາຍຂຶ້ນເພື່ອນຳເອົາຜົນປະໂຫຍດອັນແທ້ຈິງ ມາສູ່ປະຊາຊົນສອງຊາດ ລາວ ແລະ ໄທ. ນອກຈາກນີ້, ທ່ານນາຍົກ ລັດຖະມົນຕີ ກໍໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ສະມາຄົມ ໄທ-ລາວ ເພື່ອມິດຕະພາບ ແລະ ບໍລິສັດນິຄົມອຳມະຕະ ຕື່ມອີກ. ພາບ: ອ່າຍຄຳ