ໃນວັນທີ 17 ມິຖຸນາ ນີ້ ຢູ່ສໍານັກງານໃຫຍ່ ລັດວິສາຫະກິດໄຟຟ້າລາວ ໄດ້ມີພິທີລົງນາມເຊັນສັນຍາ ຊື້-ຂາຍ ພະລັງງານໄຟຟ້າ ລະຫວ່າງ ສປປ ລາວ ແລະ ປະເທດສິງກະໂປ ພາຍໃຕ້ໂຄງການຮ່ວມມື ລາວ-ໄທ-ມາເລເຊຍ-ສິງກະໂປ (LTMS-PIP) ເວົ້າລວມ ໂດຍສະເພາະລັດວິສາຫະກິດໄຟຟ້າລາວ ແລະ ບໍລິສັດ Keppel Pte.Ltd ໂດຍໃຫ້ກຽດເປັນສັກຂີພິຍານຂອງ ທ່ານ ດາວວົງ ພອນແກ້ວ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ພູທະນູເພັດ ໄຊສົມບັດ ຮອງລັດຖະມົນຕີ ກະຊວງການເງິນ ໂດຍການລົງນາມຝ່າຍລາວ ທ່ານ ຈັນທະບູນ ສຸກອາລຸນ ຜູ້ອໍານວນການໃຫຍ່ ລັດວິສາຫະກິດໄຟຟ້າລາວ ແລະ ຝ່າຍປະເທດສິງກະໂປ ທ່ານ ນາງ ເຈນິດ ບ່ອງ ປະທານບໍລິຫານ ບໍລິສັດ ເກັບພິວ ເອເລັກທິດ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມ.

ການຊື້-ຂາຍ ພະລັງງານໄຟຟ້າ ຮ່ວມກັນລະຫວ່າງ ລາວ-ສິງກະໂປ ແມ່ນນອນໃນໂຄງການຮ່ວມມື ລາວ-ໄທ-ມາເລເຊຍ-ສິງກະໂປ ເປັນໂຄງການແລກປ່ຽນດ້ານພະລັງງານໄຟຟ້າຂອງບັນດາປະເທດສະມາຊິກອາຊຽນ ຊຶ່ງເລີ່ມຈັດຕັ້ງ ໄລຍະທີ 1 ໃນປີ 2018-2019 ເປັນຕົ້ນມາ, ການລົງນາມໃນຄັ້ງນີ້ ທາງ ລັດວິສາຫະກິດໄຟຟ້າລາວ ຈະໄດ້ນໍາສົ່ງໄຟຟ້າໃຫ້ກັບປະເທດສິງກະໂປ ຢູ່ 2 ລະດູ ຄື: ລະດູແລ້ງຈະສົ່ງພະລັງງານໃຫ້ 30 MW ແລະ ລະດູຝົນແມ່ນ 100 MW ເປັນໄລະຍະ ເວລາ 2 ປີ ຄື ປີ 2022 ຫາ 2023.

ຂ່າວ: ໄຟຟ້າລາວ, ພາບ:ສຳນານ

Leave a Reply

Your email address will not be published.