ພັທ ບົວທອງ ບໍລິບານ ຫົວຫນ້າຫ້ອງຕຳຫລວດ ປກສ ແຂວງວຽງຈັນ ໃຫ້ຂໍ້ມູນ ໃນວັນທີ 10 ມີຖຸນາ ນີ້ວ່າ: ເຫດຄົນຮ້າຍລັກຍິງລົດປະຊາຊົນ ຢູ່ທາງດ່ວນວຽງຈັນ- ວັງວຽງ ທີ່ອຸໂມງພູພະ ໃນວັນທີ 5 ມິຖຸນາ ທີ່ຜ່ານມາ, ເຮັດໃຫ້ມີຜູ້ບາດເຈັບເລັກນ້ອຍ ແລະ ສາຫັດ, ຜູ້ກໍ່ເຫດມີທັງຫມົດ 7 ຄົນ ຍິງ 3 ຄົນ ເຈົ້າຫນ້າທີ່ສາມາດຈັບຕົວໄດ້ທັງຫມົດ.

ຈາກຂໍ້ມູນເບື້ອງຕົ້ນ, ການປະຕິບັດກາຈັບຕົວຄົນຮ້າຍມີຂຶ້ນໃນວັນທີ 7 ມິຖຸນາ ທີ່ຜ່ານມາ, ພາຍຫລັງມີເຫດການເກີດຂຶ້ນຢູ່ທາງດ່ວນ ເຈົ້າຫນ້າທີ່ສາມາດຮູ້ເປົ້າຫມາຍ ແລະ ຕິດຕາມນັບແຕ່ມື້ເກີດເຫດຢ່າງໃກ້ຊີດ; ຜ່ານການຕິດຕາມມາຮອດມື້ວັນທີ 7 ມິຖຸນາ ເຈົ້າຫນ້າທີ່ໄດ້ພົບເຫັນລົດເປົ້າຫມາຍ ຈິ່ງໄດ້ຂັບລົດບຽດລົດເປົ້າຫມາຍຕົກຮ່ອງ ນຳໄປສູ່ຈັບຕົວທັງ 3 ຄົນໄດ້ ທັງພົບປືນ ແລະ ຢາບ້າ 21 ເມັດ. ນອກນີ້, ຍັງພົບເຫັນລົດກະບະມິຊູບີຊີ ທີ່ນຳໃຊ້ເຂົ້າໃນການກໍ່ເຫດ ຖືກປ່ຽນສີໃຫມ່ ແລະ ນຳໄປເຊື່ອງໄວ້ປ່າຢາງ.

ພາຍຫລັງໄດ້ຕົວໄດ້ 3 ຄົນ ຈາກນັ້ນ ຈິ່ງຂະຫຍາຍຜົນຈັບນວນ ໄດ້ເພີ່ມ 4 ຄົນ ໃນວັນດຽວກັນ, ສ່ວນລາຍລະອຽດເຈົ້າຫນ້າທີ່ຈະຖະແຫລງຂ່າວ.

……

ຮູບ: ຜູ້ຮ່ວມຂະບວນການ

.

.

.

.

Leave a Reply

Your email address will not be published.