ວັນທີ 1/6/2022 ເຈົ້າໜ້າທີ່ ປກສ ນະຄອນໄກສອນ ໄດ້ອອກເຄື່ອນໄຫວປະຕິບັດໜ້າທີ່ ໄດ້ກັກຕົວເປົ້າໜາຍຄ້າຂາຍຢາເສບຕິດ(ຢາບ້າ) ຈຳນວນ 2 ຄົນ,ທ້າວ ຜ່ານ ອາຍຸ 60 ປີ ເຮັດນາ ບ້ານ ຍາງໂພສີ ພ້ອມຂອງກາງຢາບ້າ ຈຳນວນ 313 ເມັດ ,ທ້າວ ຊານໄຊ ຫຼື ຊານ ອາຍຸ 34 ປີ ເຮັດນາ ບ້ານ ຍາງໂພສີ ນະຄອນ ໄກສອນ ພ້ອມຂອງກາງຢາບ້າ ຈຳນວນ 184 ເມັດ ທັງສອງແມ່ນເປັນພໍ່ລູກກັນ,

ຜ່ານການສອບສວນ ທ້າວ ຊານໄຊ ຫຼື ຊານ ໄດ້ຮັບສາລະພາບວ່າ: ຢາບ້າ ທີ່ນຳມາຈຳໜາຍຂາຍ ແມ່ນໄດ້ຊື້ມາຈາກທ້າວ ລຸ້ງໂລດ ຫຼື ລຸ້ງ ບ້ານ ເລົ່າງາມ ນະຄອນ ໄກສອນ . ຮອດເວລາ14ໂມງຂອງວັນດຽວກັນຈຶ່ງກັກຕົວ ທ້າວ ລຸ້ງໂລດ ຫຼື ລຸ້ງ ອາຍຸ 18 ປີ ເຮັດນາ ບ້ານ ເລົ່າງາມ ນະຄອນໄກສອນພົມວິຫານ ຈຸດກັກຕົວຢູ່ເສັ້ນທາງຂອບເຂດ ບ້ານ ເລົ່າງາມ ພ້ອມຂອງກາງຢາບ້າ 2 ຖົງ ມີຈຳນວນ 290 ເມັດ,ຜ່ານການສອບສວນ ທ້າວ ລຸ້ງໂລດ ຫຼື ລຸ້ງ ໄດ້ຮັບສາລະພາບວ່າ: ຢາບ້າ ທີ່ເອົາມາຈຳໜ່າຍ-ຂາຍແມ່ນຊື້ນຳ ທ້າວ ພິດທະນູໄຊ ຫຼື ຕ່າຍ ບ້ານ ໂພນສະຫວ່າງໃຕ້ ນະຄອນ ໄກສອນ,ທ້າວ ອະນຸສອນ ຫຼື ຄິງ ບ້ານໃໜ່ໜອງຫວ້າ ເມືອງສອງຄອນ.

ມາຮອດວັນທີ 2/6/2022 ເວລາ 14 ໂມງ ເຈົ້າໜ້າທີ່ໜ່ວຍງານວິຊາສະເພາະຈຶ່ງໄດ້ກັກຕົວ ທ້າວ ອະນຸສອນ ຫຼື ຄິງ ອາຍຸ 23 ປີ ເຮັດນາ ບ້ານ ໃໜ່ໜອງຫວ້າ ເມືອງສອງຄອນ ໄດ້ຢູ່ຂອບເຂດ ບ້ານ ເລົ່າງາມ ນະຄອນ ໄກສອນ ໄດພ້ອມຂອງກາງຢາບ້າຈຳນວນ 3 ມັດ ເທົ່າກັບ 6,000 ເມັດ.

ຕົກມາຮອດ 16 ໂມງ 30 ນາທີ ຂອງວັນດຽວກັນ ຈຶ່ງໄດ້ກັກຕົວ ທ້າວ ພິດທະນູໄຊ ຫຼື ຕ່າຍ ອາຍຸ 36 ປີ ບ້ານໂພນສະຫວ່າງໃຕ້ ນະຄອນ ໄກສອນພົມວິຫານ ພ້ອມຂອງກາງຢາບ້າ ຈຳນວນ 3 ມັດ ເທົ່າກັບ 6,000 ເມັດ,ທ້າວ ສົມສະໜຸກ ຫຼື ນຸດ ກຳມະກອນ ອາຍຸ 32 ປີ ບ້ານ ດົງດຳດວນ ນະຄອນ ໄກສອນ ພ້ອມຂອງກາງຢາບ້າ 1 ຖົງເທົ່າກັບ 200 ເມັດ,ລົດກະບະຍີຫໍ້ ນິສັນນາວາລາສີຂາວ ເລກທະບຽບ ກສ 3657 ສະຫວັນະເຂດ.

ຜ່ານການສອບສວນ ທ້າວ ສົມສະນຸກ ຫຼື ນຸດ ໄດ້ຮັບສາລະພາບວ່າ:ຢາບ້າ ທີ່ນຳມາຈຳໜ່າຍ-ຂາຍ ແມ່ນຊື້ມາຈາກທ້າວ ຈອນນີ້ ຫຼື ຈອນ ບ້ານ ເຄືອເຂົາກາດ ນະຄອນ ໄກສອນ ພົມວິຫານ ແຂວງສະຫວັນະເຂດ.

ຕົກມາຮອດວັນທີ 3/6/2022 ,ເຈົ້າໜ້າທີ່ວິຊາສະເພາະ ໄດ້ສືບຕໍ່ຂະຫຍາຍຜົນແລ້ວ ໄດ້ກັກຕົວ ທ້າວ ຄຳເພັດ ໄຊສົມບັດ ຫຼື ເຕ້ ອາຍຸ 28 ປີ ບ້ານ ນາທາດ ເມືອງອຸທຸມພອນ ແຂວງສະຫວັນະເຂດ ພ້ອມຂອງກາງຢາບ້າຈຳນວນ 03 ມັດ ເທົ່າກັບ 6,000 ເມັດ,ຈຸດກັກຕົວເສັ້ນທາງຂອບເຂດບ້ານ ໜອງໂກ່ມ ນະຄອນ ໄກສອນ ພົມວິຫານ ແລະ ສ່ວນທ້າວ ຈອນນີ້ ຫຼື ຈອນ ແມ່ນ ໄດ້ຂັບລົດກະບະລີໂວ້ ສີຂາວ ເລກທະບຽນ 9699 ກຳແພງນະຄອນຫຼວງວຽງຈັນ ໄດ້ເອົາຕົວຫຼົບໜີ.

ຕົກມາຮອດເວລາ11 ໂມງ ຂອງວັນກັນ ໄດ້ກັກຕົວ ທ້າວ ອານັນ ຫຼື ເທ້ ອາຍຸ 22 ປີ ອາຊີບ ເຮັດນາ ບ້ານເຄືອເຂົາກາດ ນະຄອນ ໄກສອນ ພົມວິຫານ ແຂວງສະຫວັນະເຂດ ພ້ອມຂອງກາງຢາບ້າ ຈຳນວນ 10 ຖົງເທົ່າກັບ 2,459 ເມັດ,ຢາໄອສຈຳນວນ 1 ຖົງນ້ອຍ ,ເງິນ 6 ລ້ານກີບແລະ ລົດຈັກ 1 ຄັນ.ຈຸດກັກຕົວຢູ່ເຮືອນ ທ້າວ ຈອນນີ້ ຫຼື ຈອນ ບ້ານເຄືອເຂົາກາດ ນະຄອນ ໄກສອນ ແລະ ລວມເຄື່ອງຂອງກາງທັງໜົດໄດ້ມີ: ຢາບ້າ ຈຳນວນ 09 ມັດ ,ກັບ 11 ຖົງ ເທົ່າກັບ 21.446 ເມັດ,ຢາໄອສ 01 ຖົງນ້ອຍ,ລົດໃຫຍ່ກະບະຢີຫໍ້ນິດສັນ ນາວາລ້າສີຂາວ ເລກທະບຽນ 3657 ສະຫວັນະເຂດ,ລົດຈັກຈຳນວນ 04 ຄັນ,ເງິນ 6 ລ້ານກີບ ແລະ ໂທລະສັບ 10 ໜ່ວຍ ແລະ ສໍາລັບຜູ້ກະທໍາຜິດແມ່ນຈະໄດ້ດໍາເນີນຄະດີຕາມລະບຽບກົດໝາຍ./.

Leave a Reply

Your email address will not be published.