ທ່ານ ໄກສອນ ຈັນສີນາ, ຫົວໜ້າພະແນກ ອຸດສາຫະກຳ ແລະ ການຄ້າ ແຂວງບໍລິຄຳໄຊ ໄດ້ ຊີ້ແຈງກໍລະນີທີ່ມີປະຊາຊົນຄົນໜຶ່ງຖ່າຍຄລິບ ແລ້ວໂພສລົງສື່ສັງຄົມອອນລາຍ ໃນຕອນເຊົ້າ ວັນທີ 14 ພຶດສະພາ 2022 ເລື່ອງ ປໍ້ານໍ້າມັນ ທ່າ ສີ ເມືອງບໍລິຄັນ ແຂວງບໍລິຄຳໄຊ ບໍ່ຍອມຂາຍ ນໍ້າມັນໃຫ້ປະຊາຊົນ, ແຕ່ຂາຍໃຫ້ພໍ່ຄ້າຊື້ນໍ້າມັນ ແລ້ວເອົາມາຂາຍຕໍ່ໃນລາຄາແພງ ເຮັດໃຫ້ເກີດ ສຽງວິພາກວິຈານຈາກສັງຄົມວ່າ: ພາຍຫລັງໄດ້ ເຫັນຂ່າວທີ່ເກີດຂຶ້ນ

ໃນຕອນແລງຂອງວັນທີ 14 ພຶດສະພາ 2022 ເຈົ້າໜ້າທີ່ກວດກາການຄ້າ ແຂວງ ແລະ ເມືອງບໍລິຄັນ ໄດ້ລົງກວດກາປໍ້າ ນໍ້າມັນດັ່ງກ່າວ ເຫັນວ່າການຂາຍນໍ້າມັນຂອງ ເຈົ້າຂອງລົດຮຸນໄດມີຄວາມຈິງແທ້ ເຊິ່ງເປັນລົດ ຮຸນໄດຂອງປະຊາຊົນບ້ານຍາມ, ເມືອງທ່າໂທມ, ແຂວງໄຊສົມບູນ ທີ່ໄດ້ຊື້ນໍ້າມັນຈາກປໍ້າທ່າສີ ແຕ່ເປັນການສັ່ງຊື້ ແລະ ມັດຈຳເງິນລວ່ງໜ້າໄວ້ກ່ອນ ແລ້ວຫຼາຍມື້ ເພື່ອເອົາໄປຂາຍແກ່ປະຊາຊົນ ພາຍໃນບ້ານຂອງຕົນທີ່ຢູ່ຫ່າງໄກສອກຫຼີກ, ແຕ່ພໍ ຊື້ອອກຈາກປໍ້າ ກໍ່ມີປະຊາຊົນມາຂໍແບ່ງປັນຊື້ໄປ ໃສ່ລົດເພື່ອແກ້ໄຂ, ເຮັດໃຫ້ມີຜູ້ມາຂໍຊື້ເພີ່ມຂື້ນຈຶ່ງ ກາຍເປັນບັນຫາເກີດຂຶ້ນ, ສ່ວນປໍ້າດັ່ງກ່າວເວລາ ນັ້ນ ແມ່ນນໍ້າມັນໝົດແທ້ ເນື່ອງຈາກນໍ້າມັນທີ່ສັ່ງ ມາໃໝ່ບໍ່ທັນລົງຖັງຈິ່ງບໍ່ທັນເປີດບໍລິການທັນໃຈ ລູກຄ້າ. ທ່ານ ໄກສອນ ຈັນສີນາ ຊີ້ແຈງຕື່ມວ່າ: ຈາກ ເຫດການນີ້ ເຈົ້າໜ້າທີ່ກ່ຽວຂ້ອງໄດ້ເຮັດ ບົດບັນທຶກສຶກສາອົບຮົມ ແລະ ປັບໃໝເຈົ້າຂອງ ລົດຮຸນໄດຕາມລະບຽບກົດ ໝາຍທີ່ກຳນົດໄວ້, ສ່ວນເຈົ້າຂອງປໍ້ານໍ້າມັນທີ່ສື່ສັງຄົມອ້າງວ່າຈໍາ ໜ່າຍນໍ້າມັນໃຫ້ແຕ່ພໍ່ຄ້າເພື່ອໄປຂາຍຕໍ່ກິນກຳໄລ ແມ່ນບໍ່ມີຄວາມຈິງ ເພາະປໍ້າດັ່ງກ່າວເວລານັ້ນ ນໍ້າມັນໝົດແທ້ ຈຶ່ງຈຳເປັນຕ້ອງປິດການບໍລິການ ຊົ່ວຄາວ.

ຢ່າງໃດກໍຕາມສໍາລັບປະຊາຊົນທີ່ຖ່າຍຄ ລິປລົງສື່ສັງຄົມອອນລາຍໃນຄັ້ງນີ້ ແມ່ນບໍ່ຍອມໃຫ້ ຂໍ້ມູນເພີ່ມຕື່ມແກ່ເຈົ້າ ໜ້າທີ່ກ່ຽວຂ້ອງ ແລະ ເຫດການດັ່ງກ່າວ ແມ່ນໄດ້ຮັບການແກ້ໄຂ ຮຽບຮ້ອຍແລ້ວ, ຂະນະທີ່ປໍ້າດັ່ງກ່າວ ໄດ້ເປີດ ບໍລິການສັງຄົມຕາມປົກກະຕິແລ້ວ, ສັງຄົມກໍ່ຄວນ ຢຸດວິພາກວິຈານ ຫຼື ແຊຂໍ້ມູນຕໍ່ໄປອີກ, ຖ້າມີກໍ ລະນີເກີດຂື້ນອີກ ຄວນແຈ້ງເຈົ້າໜ້າທີ່ກ່ຽວຂ້ອງ ຫຼື ນາຍບ້ານ, ເມືອງ ຫຼື ເຈົ້າໜ້າທີ່ຕໍາຫຼວດ ເພື່ອ ແກ້ໄຂໃຫ້ທັນສະພາບ, ບໍ່ຄວນເອົາລົງສື່ສັງຄົມ ອອນລາຍ ເພາະເຮັດແບບນັ້ນບັນຫາຈະບໍ່ໄດ້ຮັບ ການແກ້ໄຂ.

ຄຣິບ

ຂ່າວ: ວິທະຍຸກະຈາຍສຽງແຫ່ງຊາດ

Leave a Reply

Your email address will not be published.