ໃນວັນທີ 12 ພຶດສະພາ 2022, ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະການຄ້າ ພ້ອມຄະນະໄດ້ເດີນ ທາງລົງຢ້ຽມຢາມ ແລະເຮັດວຽກ ຢູ່ດ່ານສາກົນຂົວມິດຕະພາບ ແຫ່ງທີ 2 (ສະຫວັນນະເຂດ-ມຸກ ດາຫານ) ໂດຍໄດ້ຮັບການຕ້ອນ ຮັບຈາກທ່ານໂພສີສ້ອຍ ກຸທິລາດ ຫົວໜ້າພະແນກອຸດສາຫະກຳ ແລະການຄ້າແຂວງ ພ້ອມດ້ວຍ ພາກສ່ວນຕ່າງໆທີ່ກ່ຽວຂ້ອງເຂົ້າ ຮ່ວມນຳ.

ວາລະດັ່ງກ່າວ, ທ່ານ ພັທ ແພງພະໄທ ທຳມະສິດ ຮອງຫົວ ໜ້າຄະນະຄຸ້ມຄອງດ່ານສາກົນ ຂົວມິດຕະພາບ 2 ໄດ້ລາຍງານສະ ພາບການເຄື່ອນໄຫວ ແລະຈັດ ຕັ້ງປະຕິບັດວຽກງານໂດຍຫຍໍ້ ພາຍໃນດ່ານ ຊ່ຶງໃຫ້ຮູ້ວ່າ: ໃນ 1 ປີຜ່ານມາ, ໜ່ວຍງານພາສີດ່ານ ສາມາດຈັດເກັບລາຍຮັບເຂົ້າງົບ ປະມານໄດ້ທັງໝົດ  779 ຕື້ກວ່າ ກີບ, ເທ່ົ່າກັບ 118,67% ຂອງ ແຜນການປີ, ດ້ານໜ່ວຍງານ ຕມ ປະຈຳດ່ານ ຊຶ່ງແມ່ນໜ່ວຍງານ ຫຼັກໃນການຕິດຕາມກວດ ກາຜູ້ຄົນ ເຂົ້າ-ອອກ ໃຫ້ຖືກຕ້ອງຕາມລະ ບຽບກົດໝາຍ ສາມາດຕ້ານ ແລະ ສະກັດກັ້ນເປົ້າໝາຍບໍ່ດີບໍ່ໃຫ້ເລັດ ລອດເຂົ້າມາໃນແຂວງສະຫວັນ ນະເຂດ, ໃນປີ 2021 ສາມາດ    ເກັບກຳສະຖິຕິຄົນເຂົ້າມາຜ່ານ ດ່ານທັງໝົດ106.473 ຄົນ, ມີ 11 ສັນຊາດ, ຄົນອອກເມືອງມີ  95.665 ຄົນ, ມີ 14 ສັນຊາດ, ສະຖິຕິແຮງງານລາວເດີນທາງ ເຂົ້າມາຜ່ານ ດ່ານຂົວມິດຕະພາບ 2 ເລີ່ມແຕ່ວັນ ທີ 1/1/2021-31/1/2021  ມີແຮງງານ ເຂົ້າ ມາ 20.445 ຄົນ, ເປັນແຮງງານ ຕ່າງແຂວງ 2.156 ຄົນ, ມີໜັງສືຜ່ານແດນ 5.001 ຄົນ ແລະບໍ່ມີເອກະສານຜ່ານແດນ 15.444 ຄົນ ນອກຈາກການ ເຄື່ອນໄຫວຕິດຕາມຄົນເຂົ້າ-ອອກ ແລ້ວ ຍັງໄດ້ຈັດຕັ້ງເຄື່ອນໄຫວເຮັດໜ້າທີ່ການປ້ອງກັນເວນຍາມ ພາຍໃນດ່ານຢ່າງເປັນປະຈຳທັງ ພາຍໃນອາຄານສະຖານທີ່ ແລະບໍ ລິເວນອ້ອມແອ້ມດ່ານ ເພື່ອໃຫ້ມີ ຄວາມປອດໄພ ແລະໄດ້ເອົາໃຈໃສ່ ເປັນພິເສດໃນການສຶກສາອົບຮົມ ຜູ້ລະເມີດເຂົ້າ-ອອກບໍ່ຖືກຕ້ອງ ຕາມລະບຽບກົດໝາຍ, ໜ່ວຍ ງານສາທາປະຈຳດ່ານກໍ່ໄດ້ເອົາ ໃຈໃສ່ໃນການກວດກາ, ກັ່ນກອງ, ກວດວັດອຸນຫະພູມ ເພື່ອຊອກຫາ ເຊື້ອພະຍາດໂຄວິດ-19 ຂອງແຮງ ງານລາວທີ່ເດີນທາງກັບບ້ານທຸກ ຄົນ ຈາກນັ້ນກໍ່ໄດ້ຈັດເຂົ້າສູນ ເພື່ອ ກັກບໍລິເວນໃຫ້ຄົບ 14 ວັນຕາມ ມາດຕະການຄະນະສະເພາະກິດຂັ້ນແຂວງວາງອອກ ພ້ອມນັ້ນ, ຍັງໄດ້ກັ່ນກອງຄົນຂັບລົດຂົນສົ່ງ ສິນຄ້າພາຍໃນດ່ານ ແລະກວດຫາ ເຊື້ອໂຄວິດ-19 PCR ຢູ່ດ່ານຕາມ ທິດຊີ້ນຳຂອງຄະນະສະເພາະກິດ ຂັ້ນແຂວງ, ຊຶ່ງເລີ່ມແຕ່ວັນທີ 1- 31/12/2021 ສາມາດກວດຄົນ ຂັບລົດຂົນສົ່ງສິນຄ້າຜ່ານດ່ານ ໄດ້ທັງໝົດ927 ຄົນ; ໄດ້ກວດ ການ້ຳໜັກລົດບັນທຸກໄດ້ຈຳນວນ ທັງໝົດ 2.273 ຄັນ, ນ້ຳໜັກລວມ 75.301 ໂຕນ, ບໍ່ມີລົດນ້ຳໜັກ ເກີນ, ສຳລັບບໍລິສັດນຳເຂົ້ານ້ຳ ມັນເຊື້ອໄຟຜ່ານດ່ານລວມມີທັງ ໝົດ 7 ບໍລິສັດ, ມີລົດນ້ຳມັນ 3.998 ຄັນ, ສາມາດອອກໃບຢັ້ງຢືນຄຸ ນະພາບນ້ຳມັນໄດ້100% ແລະ ໜີບກົ່ວໄດ້ 15.568 ເສັ້ນ, ມີຈຳ ນວນນ້ຳມັນເຊື້ອໄຟທັງໝົດ 162.675.000 ລິດ  ໃນນີ້ ແອັດ ຊັງ 91 ມີ 43 ລ້ານກວ່າລິດ, ກາ ຊວນ 119 ລ້ານກວ່າລິດ ຯລຯ. ໂອກາດດຽວກັນນີ້, ທ່ານ ພັທ ແພງພະໄທ ທຳມະສິດ ກໍ່ໄດ້ຍັງ ໄດ້ມີຄຳສະເໜີຕໍ່ທ່ານລັດຖະມົນຕີໂດຍສະເໜີຂໍແຜນເປັນຫົວໜ່ວຍ ງົບປະມານຕາມດຳລັດຄຸ້ມຄອງ ດ່ານຊາຍແດນສາກົນ ແລະສະ ເໜີຂັ້ນເທິງຊ່ວຍແກ້ໄຂໜີ້ສິນ ຄ່າກະແສໄຟຟ້າ ແລະນ້ຳປະປາ ທີ່ແກ່ຍາວຄຸມເຄືອລວມມູນຄ່າ 3,79 ຕື້ກວ່າກີບ. 

ໂອກາດນີ້, ທ່ານ ປອ ຄຳແພງ ໄຊສົມແພງ ກໍ່ໄດ້ກ່າວສະແດງ ຄວາມຊົມເຊີຍຕໍ່ຜົນງານທີ່ທາງ ດ່ານສາກົນຂົວມິດຕະພາບ 2 ຍາດ ມາໄດ້ໃນໄລຍະຜ່ານມາ ເຊິ່ງເຮັດ ໃຫ້ພາຍໃນດ່ານມີສະຖຽນລະ ພາບ, ຮັກສາໄດ້ຄວາມສະຫງົບ ແລະເປັນລະບຽບຮຽບໂດຍພ້ືນ ຖານ ເຖິງວ່າຈະພົບກັບບັນຫາ ຫຍຸ້ງຍາກສັບສົນ ໂດຍສະເພາະໃນ ຊ່ວງການແຜ່ລະບາດຂອງພະ ຍາດໂຄວິດ-19 ທີ່ມີແຮງງານ ລາວເດີນທາງກັບຄືນປະເທດເປັນ ຈຳນວນຫຼວງຫຼາຍ ແຕ່ເຈົ້າໜ້າ ທີ່ ແລະພະນັກງານພາຍໃນດ່ານ ຂອງພວກເຮົາ ກໍ່ໄດ້ເອົາໃຈໃສ່ປະ ຕິບັດໜ້າທີ່ຂອງຕົນຕາມການ ມອບໝາຍໄດ້ເປັນຢ່າງ ດີມາໃນ ປະຈຸບັນ, ພວກເຮົາແມ່ນໄດ້ເປີດ ປະເທດສູ່ພາຍນອກແລ້ວ ສະນັ້ນ, ຈິ່ງຮຽກຮ້ອງໃຫ້ສືບຕໍ່ເອົາໃຈໃສ່ໃນການຈັດຕັ້ງປະຕິບັດໜ້າທີ່ວຽກ ງານຂອງຕົນດ້ວຍຄວາມຮັບຜິດ ຊອບສູງ ແລະເຂັ້ມງວດຂຶ້ນກວ່າ ເກົ່າ ພ້ອມທັງຫັນການບໍລິການສູ່ລະບົບທັນສະໄໝເທື່ອລະກ້າວ, ສຳລັບການເຂົ້າ-ອອກເມືອງຕ້ອງ ໄດ້ເອົາໃຈໃສ່ເປັນພິເສດ ໂດຍສະ ເພາະອາດມີຜູ້ຕ້ອງຫາ ຫຼືກຸ່ມຄົນ ບໍ່ດີທີ່ຕ້ອງການຂ້າມມາຝັ່ງເຮົາ ເຊິ່ງມີຫຼາຍຮູບແບບ ແຕ່ກໍ່ເຊື່ອໝັ້ນ ລະບົບກົນໄກການຄຸ້ມຄອງຂອງເຈົ້າໜ້າທີ່ດ່ານພວກເຮົາ ແລະຕໍ່ ກັບຄຳສະເໜີດ້ານການແກ້ໄຂໜີ້ ສິນຄ່າໄຟຟ້າ ແລະນ້ຳປະປາແມ່ນ ຈະນຳສະເໜີຕໍ່ການນຳຂອງ ແຂວງສະຫວັນນະເຂດຕື່ມອີກ ເພື່ອຮ່ວມກັນແກ້ໄຂຊ່ວຍ. ຈາກ ນັ້ນ, ທ່ານລັດຖະມົນຕີກະຊວງ ອຸດສາຫະກຳ ແລະການຄ້າ ພ້ອມ ຄະນະ ກໍ່ໄດ້ເລາະຢ້ຽມຊົມບໍລິເວນ ດ່ານ ແລະໄປຢ້ຽມຢາມບໍລິສັດ ໂລປີໂຕລ້ຽມ(ເຂດເສດຖະກິດພິ ເສດແຂວງສະຫວັນນະເຂດ).

Leave a Reply

Your email address will not be published. Required fields are marked *