ໃນວັນທີ 11 ພຶດສະພາ 2022, ທ່ານ ພັທ ແກ່ນຄຳ ແກ່ນທະວົງ ຫົວໜ້າດ່ານຕຳຫລວດກວດຄົນເຂົ້າເມືອງ (ຕມ) ດ່ານສາກົນຂົວມິດຕະພາບ 3 ຄໍາມ່ວນ-ນະຄອນພະນົມ ໄດ້ໃຫ້ສຳພາດຕໍ່ສື່ມວນຊົນວ່າ: ໂດຍປະຕິບັດຕາມແຈ້ງການ ຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 627 ແລະ ແຈ້ງການຂອງກົມ ຕໍາຫລວດກວດຄົນເຂົ້າເມືອງ ເລກທີ 879 ທາງດ່ານສາກົນຂົວມິດຕະພາບ 3 ແມ່ນໄດ້ຜັນຂະຫຍາຍ ແລະ ແຈ້ງຕໍ່ກຳລັງເຈົ້າໜ້າທີ່ ພ້ອມທັງປະສານສົມທົບ ກັບເຈົ້າໜ້າທີ່ຝ່າຍຣາຊະອານາຈັກໄທ ເພື່ອກະກຽມໃນການຈັດຕັ້ງປະຕິບັດ, ໃນນັ້ນ ໄດ້ເລີ່ມອະນຸຍາດໃຫ້ພົນ ລະເມືອງ ເຂົ້າ-ອອກ ຜ່ານດ່ານຂົວມິດຕະພາບ 3 ໃນຕອນບ່າຍ ຂອງວັນທີ 9 ພຶດສະພາເປັນຕົ້ນມາ ເຊິ່ງມາຮອດວັນທີ 11 ພຶດສະພາ ແມ່ນມີພົນລະເມືອງຜ່ານ ເຂົ້າ-ອອກ ແລ້ວເກືອບ 100 ຄົນ ແລະ ມີພາຫະນະອີກຈໍານວນໜຶ່ງ.

อาจเป็นรูปภาพของ 3 คน และ ผู้คนกำลังยืน

ສຳລັບການຈັດຕັ້ງປະຕິບັດບັນດາລະບຽບຫລັກການ ໂດຍສະເພາະແມ່ນມາດຕະ ການໃນການປ້ອງກັນການ ລະບາດພະຍາດ ໂຄວິດ-19 ດ່ານພວກເຮົາ ໄດ້ປະຕິບັດຢ່າງເຂັ້ມງວດ ກໍຄື ຜູ້ທີ່ຈະເດີນທາງເຂົ້າມາ ທຸກຄົນຕ້ອງໄດ້ກວດວັດແທກອຸນຫະພູມ ແລະ ຖ້າມີອາການຜິດປົກກະຕິ ແມ່ນຈະໄດ້ມີການແຍກປ່ຽວ ພ້ອມທັງກວດຫາເຊື້ອໂຄວິດ-19 ໃນກໍລະນີທີ່ຜົນອອກມາເປັນບວກ ແມ່ນຈະໄດ້ນຳເຂົ້າສູ່ຂະບວນການປິ່ນປົວ ໂດຍຄ່າໃຊ້ຈ່າຍໃນການປິ່ນປົວ ແມ່ນຜູ້ກ່ຽວຈະເປັນຜູ້ຮັບຜິດຊອບ ຕາມແຈ້ງການ ເລກທີ 627/ຫສນຍ.

อาจเป็นรูปภาพของ 1 คน และ ชุดเครื่องแบบทหาร

ທ່ານ ພັທ ແກ່ນຄຳ ແກ່ນທະວົງ ໃຫ້ຮູ້ຕື່ມວ່າ: ພາຍຫລັງທີ່ເປີດອະນຸຍາດໃຫ້ພົນ ລະເມືອງ ສາມາດເຂົ້າ-ອອກ ຜ່ານດ່ານສາກົນຂົວມິດຕະພາບ 3 ເຫັນໄດ້ວ່າສະພາບບັນຍາກາດ ແມ່ນເລີ່ມມີຄວາມຄຶກຄື້ນ, ຈໍານວນຜູ້ເດີນທາງເຂົ້າ-ອອກ ແມ່ນເພີ່ມຂຶ້ນໃນແຕ່ລະວັນ, ຄາດວ່າໃນວັນພັກລັດຖະການເສົາ-ອາທິດ ທີ່ຈະມາເຖິງນີ້ ອາດຈະມີຈຳນວນເພີ່ມຂຶ້ນຫລາຍເທົ່າຕົວ. ແຕ່ເຖິງຢ່າງໃດກໍຕາມ, ກຳລັງເຈົ້າໜ້າທີ່ພວກເຮົາ ແມ່ນມີຄວາມພ້ອມ ທີ່ຈະບໍລິການແກ່ປະຊາຊົນ, ພ້ອມນີ້ ຂໍຝາກເຖິງພໍ່ແມ່ປະຊາຊົນ ຜູ້ທີ່ຍັງບໍ່ເຂົ້າໃຈຕໍ່ລະບຽບຫລັກການ ແລະ ມາດຕະການຕ່າງໆ ໃນການເຂົ້າ-ອອກ ແມ່ນສາມາດເຂົ້າມາສອບຖາມເຈົ້າໜ້າທີ່ໄດ້ ເຊິ່ງພວກເຮົາ ພ້ອມທີ່ຈະອະທິບາຍເຖິງຂັ້ນຕອນ, ລະບຽບການ ແລະ ພ້ອມທີ່ຈະອໍານວຍຄວາມສະດວກ ໃນດ້ານຕ່າງໆແກ່ພໍ່ແມ່ປະຊາຊົນ ຢ່າງເຕັມທີ່.

อาจเป็นรูปภาพของ 8 คน, ผู้คนกำลังยืน, ผู้คนกำลังนั่ง และ สถานที่ในร่ม

ຂໍ້ມູນ: ປກສ ແຂວງຄຳມ່ວນ

Leave a Reply

Your email address will not be published.