ເຈົ້າໜ້າທີ່ ປກສ ນະຄອນຫຼວງວຽງຈັນ ( ນວ ) ໄດ້ເຕືອນມາຍັງພໍ່ແມ່ປະຊາຊົນ ຜູ້ທີ່ນໍາເອົານໍາມັນ ມາຂາຍຊະຊາຍ ແລະ ຊື້ນໍາມັນ ໄປກັກຕຸນໄວ້ ແມ່ນມີຄວາມສ່ຽງສູງ ຕໍ່ການເກີດອັກຄີໄພ, ເຊິ່ງໃນໄລຍະຜ່ານມາ ກໍມີເຫດການເກີດຂຶ້ນມາແລ້ວ.

อาจเป็นรูปภาพของ 1 คน และ ชุดเครื่องแบบทหาร

ພັທ ຄໍາເພັດ ດາລາວົງ ຫົວໜ້າພະແນກຕໍາຫຼວດສະກັດກັ້ນ ແລະ ຕ້ານອັກຄີໄພ ປກສ ນວ ໃຫ້ຂໍ້ມູນວ່າ: ການນໍາເອົານໍ້າມັນເຊື້ອໄຟມາໃສ່ຕຸກ ເພື່ອວາງຂາຍ ຕະຫຼອດຮອດກັກຕຸນນໍ້າມັນໄວ້ເຮືອນ ແມ່ນມີຄວາມສ່ຽງສູງ ທີ່ຈະເກີດອັກຄີໄພໄດ້ງ່າຍ ໂດຍສະເພາະອຸປະກອນ ເກັບນໍ້າມັນ ຖ້າບໍ່ມີຄຸນນະພາບອາດມີການຫົດຕົວ, ການນໍາໄປໄວ້ບ່ອນບໍ່ມີອາກາດຖ່າຍເທ, ບ່ອນທີ່ເປັນຄວາມຮ້ອນ ຫຼື ໃນສະພາບອາກາດຮ້ອນອົບຮົມ ໃນກໍລະນີ ມີອາຍແກັສ ຫຼື ມີປະກາດໄຟ ຢູ່ຈູດໃກ້ຄຽງ ແມ່ນສາມາດ ກໍໃຫ້ເກີດປະກາຍໄຟຢ່າງໄວວາ.

อาจเป็นรูปภาพของ 5 คน และ แหล่งน้ำ

ຕໍ່ກັບການແກ້ໄຂບັນຫາຂາຍນໍ້າມັນຊະຊາຍ ຢູ່ໃນນະຄອນຫຼວງວຽງຈັນ ພາກສ່ວນກ່ຽວຂ້ອງກໍໄດ້ແຕ່ງຕັ້ງໜ່ວຍງານສະເພາະກິດ ເພື່ອເຄື່ອນໄຫວໃຫ້ຄວາມຮູ້ ແລະ ຕັກເຕືອນ ຜູ້ຂາຍຂາຍໃຫ້ຢຸດເຊົາ; ຢ່າງໃດກໍດີ ເຈົ້າໜ້າທີ່ຝາກເຕືອນມາຍັງຜູ້ຂາຍນໍ້າມັນຊະຊາຍ ຕ້ອງຄໍານຶງເຖິງຜົນປະໂຫຍດສ່ວນລວມ ນອກຈາກບໍ່ຖືກຕ້ອງຕາມລະບຽບແລ້ວ ຍັງຈະມີຄວາມສ່ຽງກໍໃຫ້ເກີດອັກຄີໄພຂັ້ນຮ້າຍແຮງໄດ້.

Leave a Reply

Your email address will not be published.