ປກສ ແຂວງໄຊສົມບູນ ຈັບຜູ້ຄ້າ-ຂາຍຢາບ້າ 2 ຄອບຄົວລວມຂອງກາງ ຢາບ້າ 48.173 ເມັດ.

ເຈົ້າໜ້າທີ່ ປກສ ເມືອງອະນຸວົງ, ຮ່ວມກັບ ປກສ ແຂວງໄຊສົມບູນ ໄດ້ລົງກວດຄົ້ນເຮືອນຂອງເປົ້າໝາຍ ສົງໄສເຄື່ອນໄຫວຄ້າ-ຂາຍຢາເສບຕິດປະເພດຢາບ້າຈຳນວນ 2 ຫຼັງ ສາມາດຈັບຜູ້ຖືກຫາ 8 ຄົນ ພ້ອມຢາບ້າ 48.000 ກວ່າເມັດ ແລະ ປືນ, ລູກລະເບີດອື່ນໆ.

ເຈົ້າຫນ້າທີ່ ປກສ ແຂວງໄຊສົມບູນ ໃຫ້ຂໍ້ມູນ ໃນວັນທີ 25 ເມສາ 2022 ວ່າ: ປກສ ເມືອງ ແລະ ແຂວງ ໄດ້ນຳກຳລັງ ເຂົ້າກວດຄົ້ນເຮືອນ ຂອງທ້າວ ສີຢ່າງ ອາຍຸ 60 ປີ ປະຊາຊົນຢູ່ບ້ານເມືອງຫຼົງ ເມືອງອະນຸວົງ, ແຂວງໄຊສົມບູນ ພົບເຫັນເຄື່ອງຂອງທີຜິດກົດໝາຍຄື: ຢາເສບຕິດ ( ປະ ເພດຢາບ້າ ) 173 ເມັດ, ເງິນ 80.000 ກີບ ປືນແກ໋ນ 1 ກະບອກພ້ອມດ້ວຍອຸປະກອນເສບຢາບ້າ ແລະ ຢາຝິ່ນຈຳນວນໜຶ່ງ. ພ້ອມທັງກັກຕົວບຸກຄົນຢູ່ໃນເຮືອນ ຊື່ ທ້າວ ນຸຢ່າງ ອາຍຸ 25 ປີ, ນາງ ວາກົງ ອາຍຸ 48 ປີ ແລະ ນາງ ໄລ ຕາວະ ອາຍຸ 26 ປີ ເຊິ່ງພວກກ່ຽວເປັນຄອບຄົວດຽວກັນ ແລະ ຮ່ວມກັນກະທຳຜິດໃນຄັ້ງນີ້.

ຈາກນັ້ນທາງເຈົ້າໜ້າທີ່ ຍັງໄດ້ກວດຄົ້ນເຮືອນເປົ້າໝາຍທີ 2 ຄືເຮືອນຂອງທ້າວ ສໍເຈຍຢ່າງ ອາຍຸ 52 ປີ ປະຊາຊົນບ້ານເມືອງຫຼົງ, ເມືອງອະນຸວົງ, ແຂວງໄຊສົມບູນ ກວດພົບເຫັນຢາບ້າຈຳນວນ 8 ແທ່ງ ເທົ່າກັບ 48,000 ເມັດ , ເງິນ 16.000 000 ກີບ, ໂທລະສັບ 03 ເຄື່ອງ, ລູກປືນ AK 24 ລູກ, ບັງປືນ AK 2 ບັງ, ປືນດັດແປງ 6 ກະບອກ, ປືນລົມ 01 ກະບອກ, ລະເບີດ 2 ໜ່ວຍ, ແກັບໝາກຝ່າ 8 ດອກ, ຢາຫຼວງຈຳນວນໜຶ່ງ ( ມີການວາງຂ້າຍຢູ່ໜ້າຮ້ານ), ສາຍຄໍສີເຫຼືອງຄາຍຄືຄຳ ຈຳນວນ 1 ເສັ້ນ; ພອ້ມທັງກັກຕົວຄົນໃນຄອບຄົວທີ່ຮ່ວມກັນກະທຳຜິດຊື່ນາງ ຊົ່ງວ່າງ ອາຍຸ 52 ປີ, ທ້າວ ໄລຢ່າງ ອາຍຸ 28 ປີ, ແລະ ທ້າວ ນ້ອຍ ອາຍຸ 22 ປີ. ຜ່ານການສືບສວນ-ສອບສວນຂອງເຈົ້າໜ້າທີ່ໄດ້ຮູ້ວ່າພວກຜູ້ກ່ຽວທັງ 8 ຄົນ ມີການພົວພັນເຄື່ອນໄຫວຄ້າ-ຂາຍ

ຢາເສບຕິດຮ່ວມກັນ ແລະມີອາວຸດລ່າເນື້ອໄວ້ໃນຄອບຄອງ ແລະ ວາງຂາຍຢາຫຼວງຢູ່ຮ້ານໂດຍບໍຖືກຕ້ອງເຫັນວ່າພວກຜູ້ກ່ຽວມີເຈດຕະນາເຄື່ອນໄຫວຄ້າ-ຂາຍຢາເສບຕິດປະເພດຢາບ້າທີເປັນອັນຕະລາຍຮ້າຍແຮງຕໍ່ສັງຄົມ.

ຂ່າວ ປກສ ແຂວງໄຊສົມບູນ

Leave a Reply

Your email address will not be published.