ສກຂ ຫຼວງພະບາງ-ບໍລິສັດສີສະນະ ເຊັນສັນຍາ ໂຄງການກໍ່ສ້າງໂຮງຮຽນມັດທະຍົມສົມບູນເມືອງຂາຍ.

ພະແນກສຶກສາທິການ ແລະ ກິລາແຂວງຫຼວງພະບາງ ແລະ ບໍລິສັດສີສະນະກໍ່ສ້າງເຄຫາສະຖານຈຳກັດ ໄດ້ຮ່ວມກັນເຊັນສັນຍາ-ຮັບເໝົາໂຄງການກໍ່ສ້າງໂຮງຮຽນມັດທະຍົມສົມບູນເມືອງຂາຍ ນະຄອນ-ຫຼວງພະບາງ ແຂວງຫຼວງພະບາງ ພິທີເຊັນດັ່ງກ່າວ, ໄດ້ມີຂື້ນເມື່ອທ້າຍເດືອນທັນວາ 2021 ຜ່ານມານີ້, ທີ່ພະແນກດັ່ງກ່າວ ໂດຍການລົງນາມຂອງທ່ານ ປອ ວົົງເພັດ ອຸດົມລິດ ຫົວໜ້າພະແນກສຶກສາທິການ ແລະ ກິລາແຂວງ(ເຈົ້າຂອງໂຄງການ), ທ່ານ ສີສະນະ ອຳນວຍການບໍລິສັດສີສະນະກໍ່ສ້າງເຄຫາສະຖານຈຳກັດ (ຜູ້ຮັບເໝົາ) ເປັນກຽດເຂົ້າຮ່ວມຂອງທ່ານ ວຽງທອງ ຫັດສະຈັນ ເຈົ້ານະຄອນ-ຫຼວງພະບາງ, ມີ ທ່ານ ຫົວໜ້າຫ້ອງການສຶກສາທິການ ແລະ ກິລາ ນະຄອນ-ຫຼວງພະບາງ, ຫົວໜ້າ-ຮອງຫົວໜ້າຂະແໜງ,ແຂກຖືກເຊີນ ພ້ອມດ້ວຍວິຊາການກ່ຽວຂ້ອງເຂົ້າຮ່ວມເປັນສັກຂີພີຍານ.

ໂຄງການກໍ່ສ້າງໂຮງຮຽນມັດທະຍົມສົມບູນ ເມືອງຂາຍ ນະຄອນ-ຫຼວງພະບາງ ແຂວງຫຼວງພະບາງ ເປັນໂຄງການຊ່ວຍເຫຼືອຂອງໂຄງການສະຖານທູດປະຂຳລາວ ໂດຍມອບໃຫ້ພະແນກສຶກສາທິການ ແລະ ກິລາແຂວງເປັນຜູ້ຕາງໜ້າຄະນະຮັບຜິດຊອບ(ເຈົ້າຂອງໂຄງການ)ຕາມບົດບັນທຶກສັນຍາສະບັບລົງວັນທີ 17 ທັນວາ 2021 ລະຫວ່າງສະຖານທູດຍີ່ປຸ່ນປະຈຳລາວ ແລະ ພະແນກສຶກສາທິການ ແລະ ກິລາແຂວງຫຼວງພະບາງ ວ່າດ້ວຍການກໍ່ສ້າງໂຮງຮຽນມັດທະຍົມສົມບູນເມືອງຂາຍ, ໂຄງການກໍ່ສ້າງດັ່ງກ່າວ ເປັນອາຄານຖາວອນ 1 ຫຼັງ, 1 ຊັ້ນ ມີຂະໜາດ 9×40,25 ແມັດ, ປະກອບມີ 5 ຫ້ອງຮຽນ, ພ້ອມດ້ວຍຕິດຕັ້ງໄຟຟ້າຄົບຊຸດ, ເຄື່ອງເຟີນີເຈີສຳລັບຫ້ອງຮຽນໃ ຫ້ອງນໍ້າ 1 ຫຼັງ ປະກອບມີ 4 ຫ້ອງ ພ້ອມເຄື່ອງໃຊ້ໄຟຟ້າຄົບຊຸດ ລວມມູນຄ່າການກໍ່ສ້າງທັງໝົດ 89,819 ໂດລາສະຫະລັດ

ເຊີ່ງບໍລິສັດສີສະນະກໍ່ສ້າງເຄຫາສະຖານຈຳກັດເປັນບໍລິສັດທີ່ມີເງື່ອນໄຂຄົບຖ້ວນ ແລະ ໄດ້ຮັບການປະມູນ ເປັນຜູ້ຮັບເໝົາຕາມສັນຍາຂອງໂຄງການ ເຊີ່ງຈະເລີ່ມລົງມືໃນການກໍ່ສ້າງໃນຕົ້ນເດືອນມັງກອນ 2022 ນີ້ ແລະ ຄາດວ່າຈະໃຫ້ສຳເລັດໃນທ້າຍເດືອນ ມິຖຸນາ 2022 .

ພາຍຫຼັງຄະນະປະທານ ໄດ້ສຳເລັດການລົງນາມແລ້ວຍັງໄດ້ໃຫ້ກຽດຮ່ວມລົງປັກຜັງຕົວຈິງຢູ່ທີ່ສະຖານທີ່ຈະປຸກສ້າງຕົວຈິງຮ່ວມກັບ ຜູ້ແທນທຸກພາກສ່ວນ ຕື່ມອີກ.

Leave a Reply

Your email address will not be published. Required fields are marked *