ລາຍງານຈາກ ເພຈຄະນະສະເພາະກິດ ເຊົ້າວັນທີ 9 ຕຸລາ 2021 ນີ້ວ່າ: ໃນວັນທີ 8/10/21 ໄດ້ກວດວິເຄາະທັງໝົດ 5081 ຕົວຢ່າງ, ນະຄອນຫຼວງ 2074 ຕົວຢ່າງ, ສະຫວັນນະເຂດ 317, ຈໍາປາສັກ 344. ຜົນຂອງການກວດ ແມ່ນພົບເຊື້ອ 425 ຕົວຢ່າງ, ໃນນີ້ມີນໍາເຂົ້າ 6 ກໍລະນີ ແລະ ຕິດເຊື້ອພາຍໃນຊຸມຊົນ 419 ກໍລະນີ. ໃນນີ້ມີຜູ້ເສຍຊີວິດໃໝ່ 2​ ກໍລະນີ.

ລາຍລະອຽດຂອງແຕ່ລະແຂວງມີຄື: ນະຄອນຫຼວງ ມີທັງໝົດ 278 ກໍລະນີ, ໃນນີ້ ມີ ນໍາເຂົ້າ 5​ ກໍລະນີ ແລະ ຕິດໃນຊຸມຊົນ 273 ກໍລະນີ. ແຂວງຫຼວງພະບາງມີທັງໝົດ 51 ກໍລະນີໃນຊຸມຊົນ, ແຂວງບໍ່ແກ້ວມີ 18 ກໍລະນີ, ໃນນີ້ ມາຈາກ ເຂດພິເສດ 1 ກໍລະນີ, ເມືອງຕົ້ນເຜິ້ງ 13 ກໍລະນີ ແລະ ເມືອງຫ້ວຍຊາຍ 4 ກໍລະນີ.

ແຂວງວຽງຈັນ ຕິດໃນຊຸມຊົນ ທັງໝົດ 19 ກໍລະນີ, ແຂວງຫຼວງນໍ້າທາມີທັງໝົດ 7 ກໍລະນີ ທີ່ຕິດໃນຊຸມຊົນ, ແຂວງຊຽງຂວາງຕິດໃນຊຸມຊົນ 2 ກໍລະນີ, ແຂວງບໍລິຄໍາໄຊ ຕິດໃນຊຸມຊົນ 13 ກໍລະນີ, ແຂວງຄໍາມ່ວນ ມີທັງໝົດ 6 ກໍລະນີ ທີ່ຕິດໃນຊຸມຊົນ, ແຂວງສາລະວັນ ຕິດໃນຊຸມຊົນ 3 ກໍລະນີ, ແຂວງສະຫວັນນະເຂດ ມີທັງໝົດ 21 ໃນນີ້ມີ ນໍາເຂົ້າ 1 ກໍລະນີ, ຕິດໃນຊຸມຊົນ 21 ກໍລະນີ ແລະ ແຂວງຈໍາປາສັກ ຕິດໃນຊຸມຊົນ ຈໍາປາສັກ: 7 (ຊຸມຊົນ).

ສ່ວນລາຍລະອຽດ ຄົນທີ່ເສຍຊີວິດຈະແຈ້ງໃຫ້ຮູ້ພາຍຫຼັງ.

LEAVE A REPLY

Please enter your comment!
Please enter your name here