ຕາມຂ່າວຈາກ ເຈນີວາ,ວັນທີ26ພຶດສະພານີ້ ອົງການ ອະນາໄມໂລກ ແຈ້ງໃຫ້ຮູ້ວ່າ: ເຊື້ອພະຍາດໂຄວິດ-19 B.1.617 ສາຍພັນ ທີ່ພົບໃນອິນເດຍ ເປັນແຫ່ງທຳອິດ ພວມແຜ່ລະບາດ ໃນ60ປະເທດ ທົ່ວໂລກ ເຮັດໃຫ້ມີ ຜູ້ຕິດເຊື້ອ ລາຍໃໝ່ 4,1ລ້ານຄົນ ເສຍຊີວິດ ເພີ່ມຂຶ້ນ 84.000ຄົນ ຫລຸດລົງ14% ແລະ 2%ຕາມລຳດັບ ເມື່ອທຽບໃສ່ກັບ ອາທິດ ກ່ອນໜ້ານີ້.
ສະຫະພາບ ເອີຣົບ(ອີຢູ)ເປັນພາກພື້ນ ທີ່ມີຜູ້ຕິດເຊື້ອ ລາຍໃໝ່ ແລະ ເສຍຊີວິດ ຫລຸດລົງ ຫລາຍທີ່ສຸດ ຕາມມາດ້ວຍ ອາຊີ ຕາເວັນອອກ ສ່ຽງໃຕ້ ຂະນະທີ່ ພາກພື້ນອື່ນໆ ຕົວເລກ ບໍ່ຫລຸດລົງ 5ປະເທດ ທີ່ມີຜູ້ຕິດເຊື້ອ ລາຍໃໝ່ ໃນໄລຍະ 7ວັນ ທີ່ຜ່ານມາເປັນຕົ້ນ ອິນເດຍ, ບຣາຊິນ, ອາກຊັງຕິນ, ສ.ອາເມລິກາ ແລະ ໂກໂລມບີ.
ສຳລັບ ເຊື້ອພະຍາດ ໂຄວິດ ໄດ້ກາຍພັນ 4ສາຍພັນ ຮຸນແຮງ ປະກອບດ້ວຍ ສາຍພັນ B.1.1.7 ທີ່ພົບໃນອັງກິດ ເປັນແຫ່ງທຳອິດ ລະບາດແລ້ວ149ປະເທດ,ສາຍພັນ ອາຟຣິກາໃຕ້ B.1.351ລະບາດ 102ປະເທດ, ສາຍພັນ ບຣາຊິນ P.1 ລະບາດໃນ59ປະເທດ ແລະ ສາຍພັນ ອິນເດຍ B.1.617.ນອກຈາກນີ້ ເຊື້ອພະຍາດ ໂຄວິດ ຍັງຈະສາມາດ ກາຍພັນໃໝ່ໄດ້ ໃນຕໍ່ໜ້າ.
ຮຽບຮຽງຂ່າວໂດຍ ສະໄຫວ ລາດປາກດີ