ຕາມການລາຍງານຂອງທ່ານ ພັນໂທ ນີວັນ ຈູມມະນີວົງ ຫົວຫນ້າພະແນກ ຕຳຫຼວດຈະລາຈອນ ແຂວງ ສະຫວັນນະເຂດ ທີີ່ໄດ້ໃຫ້ສຳພາດ ຕໍ່ຜູ້ສື່ຂ່າວ ວິທະຍຸກະຈາຍສຽງ ແຂວງ ສະຫວັນນະເຂດ ຂອງພວກເຮົາໃນຄັ້ງວັນທີ 21 ເມສາ 2021 ນີ້ ກ່ຽວກັບສະພາບອຸປະຕິເຫດ ທີ່ເກີດຂຶ້ນ ໃນທົ່ວແຂວງ ສະຫວັນນະເຂດ ໃນໄລຍະບຸນປີໃໝ່ລາວ ພ.ສ 2564 ( 7 ວັນອັນຕະລາຍ ) ລະຫວ່າງວັນທີ 11-17 ເມສາ 2021 ໄດ້ມີອຸປະຕິເຫດເກີດຂຶ້ນ ທັງໝົດ 36 ລາຍ ມີຜູ້ບາດເຈັບເລັກນ້ອຍ 37 ຄົນ ຍິງ 13 ຄົນ, ບາດເຈັບສົມຄວນ 15 ຄົນ, ຍິງ 2 ຄົນ, ບາດເຈັບສາຫັດ 7 ຄົນ, ຍິງ 1 ຄົນ, ເສຍຊີວິດ 6 ຄົນ, ຍິງ 2 ຄົນ, ພາຫະນະເປ່ເພເລັກນ້ອຍ 35 ຄັນ, ເປ່ເພສົມຄວນ 27 ຄັນ, ໃຊ້ການບໍ່ໄດ້ 2 ຄັນ,

May be an image of 1 person

.

May be an image of car and road

ໃນນີ້ ນະຄອນໄກສອນ ພົມວິຫານມີ 8 ລາຍ, ເມືອງອາດສະພັງທອງ 5 ລາຍ,ເສຍຊີວິດ 2 ຄົນ, ເມືອງ ພີນ 03 ລາຍ, ເມືອງ ເຊໂປນ 3 ລາຍ, ເມືອງ ອາດສະພອນ 2 ລາຍ,ເສຍຊີວິດ 1 ຄົນ , ເມືອງ ໄຊບູລີ 1 ລາຍ, ເມືອງ ຊົນນະບູລີ 1 ລາຍ,ເສຍຊີວິດ 1 ຄົນ, ເມືອງ ພະລານໄຊ 1 ລາຍ, ເມືອງ ສອງຄອນ 3 ລາຍ, ເມືອງ ອຸທຸມພອນ 3 ລາຍ, ເມືອງ ຈຳພອນ 4 ລາຍ,ເສຍຊີວິດ 2 ຄົນ, ເມືອງວິລະບູລີ 1 ລາຍ ,ເມືອງ ໄຊພູທອງ 1 ລາຍ.

May be an image of motorcycle and road

.

May be an image of motorcycle, car, bicycle and road

ສົມທຽບລະຫວ່າງປີໃໝ່ລາວ 2020 ແລະ ປີ 2021 ແມ່ນເຫັນໄດ້ວ່າ: ຈຳນວນການເກີດອຸປະຕິເຫດໄດ້ເພິ່ມຂຶ້ນຫຼາຍເຊິ່ງສົມທຽບຈາກປີ 2020 ແມ່ນເກີດອຸປະຕິເຫດທັງໝົດ 12 ລາຍ ແລະ ປີ 2021 ເກີດອຸປະຕິເຫດທັງໝົດ 36 ລາຍ ( ເພິ່ມຂຶ້ນ 24 ລາຍ ) ຈຳນວນຄົນເສຍຊີວິດທັງໝົດປີ 2020 ແມ່ນ 2 ຄົນ ແລະ ປີ 2021 ເສຍຊີວິດທັງໝົດແມ່ນ 6 ຄົນ, ຍິງ 2 ຄົນ, ເພີ່ມຂຶ້ນຈາກປີຜ່ານມາ 4 ຄົນ, ຍິງ 2 ຄົນສາເຫດທີ່ພາໃຫ້ເກີດອຸປະຕິເຫດແມ່ນ ເກີດຈາກແລ່ນໄວ 9ລາຍ, ບໍ່ປ່ອຍສິດ 8 ລາຍ, ປ່ຽນທິດທາງເດີນ 8 ຄັນ, ດື່ມສິ່ງມຶນເມົາ 6 ລາຍ, ໄປກິນທາງ 2 ລາຍ, ສັດລ້ຽງ 2ລາຍ ໄລຍະຫ່າງ 1 ລາຍ

LEAVE A REPLY

Please enter your comment!
Please enter your name here