ຕາມຂ່າວຈາກ ເຊອຸນ, ເມື່ອບໍ່ດົນມານີ້, ຢອນ ຊູໂກລໂບ (Hyunsoo Global)ບໍລິສັດ ການຢາ ຂອງ ສ.ເກົາຫລີ ປະກາດ ຈະເປັນຜູ້ນຳ ກຸ່ມຜະລິດ ວັກຊິນ ປ້ອງກັນໂຄວິດ-19 ຂອງຣັດເຊຍ ສະປຸດນິກ-ວີ ເດືອນລະ 100 ລ້ານຫລອດ ເນື່ອງຈາກ ຣັດເຊຍ ເພີ່ມກຳລັງ ການຜະລິດ ໄປຍັງປະເທດຕ່າງໆ.ຂະນະທີ່ ອິນເດຍ ຈະໄດ້ຮັບວັກຊິນ ສະປຸດນິກ-ວີ ກ່ອນທ້າຍເດືອນນີ້ ຫລັງຈາກ ອິນເດຍ ອະນຸຍາດ ນຳໃຊ້ ວັກຊິນດັ່ງກ່າວ.
ສ່ວນອົງການຢາ ແຫ່ງສະຫະພາບ ເອີຣົບ ພວມພິຈາລະນາ ອະນຸມັດໃຊ້ວັກຊິນ ສະປຸດນິກ-ວີ ເຊັ່ນກັນ ເນື່ອງຈາກ ຫລາຍປະເທດ ໃນທະວີ ເອີຣົບ ຕ້ອງເລັ່ງໂຄງການ ສັກວັກຊິນ ປ້ອງກັນ ໂຄວິດ-19 ທີ່ໄດ້ຮັບຜົນກະທົບ ຈາກບັນຫາການຈັດສົ່ງ ວັກຊິນ ຊັກຊ້າ ໃນໄລຍະຜ່ານມາ.
ຮຽບຮຽງຂ່າວໂດຍ ສະໄຫວ ລາດປາກດີ