ໃນວັນທີ 10 ເມສາ 2021 ເວລາ 20ໂມງ 00ນາທີ ເຈົ້າໜ້າທີ່ ປກສ ເມືອງຈັນທະບູລີໄດ້ຮັບແຈ້ງຄວາມທາງໂທລະສັບວ່າ: ມີສຽງແຕກຢູ່ບ້ານພັກແຫ່ງໜຶ່ງເຂດບ້ານໂພນຕ້ອງສະຫວາດ ສະນັ້ນເຈົ້າໜ້າທີ່ຈຶ່ງໄດ້ລົງເກັບກຳຂໍ້ມູນສະຖານທີ່ເກີດເຫດຮູ້ໄດ້ວ່າ: ພະນັກງານອະນາໄມໄດ້ເຂົ້າໄປອະນາໄມຢູ່ຫ້ອງພັກເບີ 13 ພົບເຫັນເປືອກຂອງໝາກກະໂພກຢູ່ກະຕ່າຂີ້ເຫຍື້ອປະເພດໝາກບານປະມານ 50 ກວ່າລູກ, ພົບເຫັນອຸປະກອນເ ສ ບ ຢ ຈຳນວນໜຶ່ງ, ທາດແຕກຮູບສີ່ແຈເສັ້ນຜ່າກາງປະມານ 4ຊັງຕີແມັດ ຈຳນວນ 06 ໜ່ວຍຫຸ້ມດ້ວຍເຈ້ຍ ແລະ ພັນດ້ວຍສະກ໋ອດ ຈຶ່ງໄດ້ນຳມາປະໄວ້ໂຕະຮັບແຂກ ແຕ່ຜູ້ກ່ຽວບໍ່ຮູ້ວ່າແມ່ນຫຍັງຈຶ່ງໄດ້ດຶກຖີ້ມເຮັດໃຫ້ມີສຽງແຕກຢ່າງແຮງ, ຜ່ານການສືບສວນ-ສອບສວນທາງເຕັກນິກວິຊາສະເພາະຮູ້ໄດ້ວ່າ: ລູກຄ້າທີ່ເຂົ້າມາໃຊ້ບໍລິການຫ້ອງດັ່ງກ່າວມີ ສອງຄົນຄື: ທ້າວ ພອນສະຫວັນ, ອາຍຸ 15 ປີ, ປະຊາຊົນຢຸ່ບ້ານໂພນຄຳ, ເມືອງສີໂຄດຕະບອງ ນວ ແລະ ທ້າວ ເທບພອນ ອາຍຸ 16 ປີ, ປະຊາຊົນບ້ານຫ້ວຍຫົງ ເມືອງຈັນທະບູລີ ນວ ຈຶ່ງໄດ້ເຂົ້າຄວບຄຸມຕົວມາດຳເນີນການສອບສວນ.

May be an image of one or more people, people sitting and indoor

.

May be an image of body of water and indoor

ຕໍ່ກັບເຫດການດັ່ງກ່າວ ພາຍຫຼັງສືບສວນ-ສອບສວນ ຈະແຈ້ງແລ້ວແມ່ນຈະລາຍງານຜົນການສືບສວນ-ສອບສວນພາຍຫຼັງ.

No photo description available.

ກອງບັນຊາການ ປກສ ນະຄອນຫຼວງວຽງຈັນ ຮຽກຮ້ອງມາຍັງບັນດາເຈົ້າຂອງຫົວ ໜ່ວຍທຸລະກິດ, ຮ້ານຂາຍເຄື່ອງ, ພໍ່ແມ່ປະຊາຊົນ, ຊາວໜຸ່ມ-ນັກຮຽນທົ່ວນະຄອນຫຼວງວຽງຈັນ ຈົ່ງຢຸດຕິການຊື້-ຂາຍ ແລະ ຈູດໝາກກະໂພກ, ບັ້ງໄຟດອກ ຕາມຂໍ້ຕົກລົງເລກທີ 620/ຈນວ ວ່າດ້ວຍການຄວບຄຸມສຽງເນືອງນັນ ແລະ ໃນໄລຍະການສະເຫຼີມສະຫຼອງບຸນປີໃໝ່ລາວ ພສ 2564ນີ້ ຮຽກຮ້ອງທຸກຄົນຫ້າມຊື້-ຂາຍໝາກກະໂພກຢ່າງເດັດຂາດ ຖ້າຜູ້ໃດລະເມີດຫາກທາງເຈົ້າໜ້າທີ່ພົບເຫັນຈະໄດ້ດຳເນີນຕາມມາດຕະການທາງດ້ານບໍລິຫານ ແລະ ກົດໝາຍ ທັງນີ້ກໍ່ເພື່ອເປັນການຕ້ານສະກັດກັ້ນເຫດການທີ່ບໍ່ເພິ່ງປາຖະໜາທີ່ອາດຈະເກີດຂຶ້ນເຊັ່ນ: ອັກຄີໄພ, ບາດເຈັບຈາກການຈຸດໝາກກະໂພກ ແລະ ອື່ນໆ, ພ້ອມນີ້ຊ່ວຍເປັນຫູເປັນຕາຊ່ວຍເຈົ້າໜ້າທີ່ ຖ້າພົບບຸກຄົນ, ກຸ່ມຄົນທີ່ເຄື່ອນໄຫວທີ່ຜິດຕໍ່ກົດໝາຍບ້ານເມືອງ ແຈ້ງຂໍ້ມູນມາໃຫ້ເຈົ້າໜ້າທີ່ບ່ອນທີ່ໃກ້ທີ່ສຸດ ຫຼື ແຈ້ງທາງເບີວອດແອັບ 020​28899774 ແລະ ແຈ້ງຜ່ານທາງຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

May be an image of food

.

May be an image of indoor

ຂ່າວໂດຍ: ຮອ ຄຳພຸດ ອິນທະຈັກ

Leave a Reply

Your email address will not be published.