ຄົນດີບໍ່ໄດ້ມີແຕ່ໃນນິຍາຍ ຊາຍຜູ້ນີ້ມີນາມວ່າ: ທ້າວທອງຄູນ ໄຊຍະວົງ, ອາຍຸ 28 ປີ, ບ້ານຫ້ວຍປຸ່ງ, ເມືອງແກ້ວອຸດົມ, ແຂວງວຽງຈັນ. ເປັນໜຶ່ງໃນບຸກຄົນສຳຄັນໃນການຊ່ວຍເຫລືອຜູ້ປະສົບເຄາະຮ້າຍເຮືອປີ້ນທີ່ ແດນສະຫວັນເຂດອ່າງນ້ຳງື່ມໃນວັນທີ 04/04/2021 ທີ່ຜ່ານມາ.

ອີງຕາມລາວໃຫ້ສຳພາດໄວ້ວ່າ: ຕົນເອງໄດ້ຂີ່ເຮືອຫາປາຢູ່ບໍລິເວນດັ່ງກ່າວໄດ້ຍິນຄົນເວົ້າວ່າມີເຮືອໃຫ່ຍປີ້ນ, ກໍເລີຍຟ້າວໄປທີ່ຈຸດເກີດເຫດດັ່ງກ່າວ ແລ້ວກໍອາສາສະຫມັກຕົວເອງໂດດລົງນ້ຳຊ່ວຍເຫລືອໂດຍທັນທີ (ລາວບໍ່ມີອຸປະກອນຊ່ວຍດຳນ້ຳໃດໆ ແລະ ຕອນທີ່ລົງໄປຊ່ວຍກໍບໍ່ຮູ້ວ່າແມ່ນເຮືອຂອງໃຜທີ່ລົງໄປຊ່ວຍກໍຊ່ວຍດ້ວຍຄວາມເຕັມໃຈ) .

ລາວຈື່ໄດ້ວ່າລາວຊ່ວຍໄດ້ທັງຫມົດ 08 ຄົນ, ໃນຈຳນວນດັ່ງກ່າວນັ້ນແມ່ນມີແຕ່ ທ່ານ ຈູມມະລີ ໄຊຍະສອນ ພຽງຄົນດຽວທີ່ປອດໄພ.

ມາຮອດວັນທີ 07/04/2021 ທ່ານເຈົ້າເມືອງພ້ອມຄະນະ ແນວໂຮມແຂວງພ້ອມຄະນະໄດ້ນຳພາທຳພິທີແກ້ເຈົ້າພູມເຈົ້າທີ່ ທີ່ໄດ້ບະບົນເອົາສົບຢູ່ເຮືອເກີດອຸປະຕິເຫດ ຖືວ່າບໍມີອັນຂ້ອງອັນຄາ ແລະ ໄດ້ມັດແຂນເອີ້ນຂັວນເອົາ ທ້າວ ທອງຄູນ ຜູ້ທີ່ຖືວ່າເປັນຮີໂຣ້ໃນເຫດການນີ້.

ໃນເວລາຕອນຄ່ຳຂອງວັນທີ 07/04/2021 ທ້າວ ທອງຄູນ ໄຊຍະວົງ ພ້ອມດ້ວຍຄອບຄົວກໍໄດ້ເດີນທາງມາຮ່ວມພິທີຊາປະນະກິດສົບທີ່ສະໂມສອນຂອງກະຊວງປ້ອງກັນປະເທດ ແລະ ໄດ້ຕັ້ງໃຈວ່າຊິບວດເພື່ອສົ່ງດວງວິນຍານຂອງຜູ້ເສຍຊີວິດໃຫ້ໄປສູ່ສຸຂະຕິອີກດ້ວຍ.

ຂ່າວກ່ອນໜ້ານີ້

ໃນວັນທີ 7 ເມສາ 2021 ນີ້, ເພື່ອເຮັດຕາມຮີດຄອງ ແລະ ຄວາມເຊື່ອ, ທາງອໍານາດການປົກຄອງ ໄດ້ມີພິທີ ບະບົນ ເອົາດວງວິນຍານ ຂອງຜູ່ເສຍຊີວິດ ຈາກເຫດການ ເຮືອຫຼົ້ມ ທີ່ອ່າງນໍ້າງຶ່ມ ໃນເຊົ້າວັນທີ 4 ເມສາ 2021 ທີ່ຜ່ານມາ, ອັນເຮັດໃຫ້ມີຜູ່ເສຍຊີວິດທັງໝົດ 8 ຄົນ.

ໃນພິທີດັ່ງກ່າວ, ກໍ່ໄດ້ເຮັດການມັດແຂວນ ແລະ ຮຽກຂວັນ ແກ່ຮີໂຣ ຜູ້ທີ່ດໍານໍາໄປຊ່ວຍ ເອົາ ອະດີດການນໍາ ທ່ານ ຈູມມາລີ ໄຊຍະສອນ ແລະ ຫຼາຍຄົນ. ເຊິ່ງຜູ່ກ່ຽວ ໄດ້ສ່ຽງຊີວິດ ອິນຊີ ເພື່ອກອບກູ້ເອົາຊີວິດຂອງຄົນອື່ນ,​ ພ້ອມທັງ ນໍາເອົາ ສົບຜູ່ເສຍຊີວິດ ຂຶ້ນມາໄດ້. ຂໍສະແດງຄວາມຊົມເຊີຍ ອີກຄັ້ງ.

ຄລິບສໍາພາດ

ກໍ່ສະແດງຄວາມຊົມເຊີຍ ກັບຄວາມໃຈກ້າຂອງ ຮີໂຣ ຄົນນີ້, ທີ່ໄດ້ສ້າງຄຸນງາມຄວາມດີ ຊ່ວຍເຫຼືອເພື່ອນມະນຸດດ້ວຍກັນ! ຂໍໃຫ້ມີແຕ່ຄວາມຈະເລີນຮຸ່ງເຮືອງໃນຊີວິດ. ຮີໂຣ ຊື່ ທ້າວທອງຄູນ ໄຊຍະວົງ ບ້ານຫ້ວຍປຸ່ງ ເມືອງແກ້ວອຸດົມ ແຂງວຽງຈັນ.

ຂ່າວກ່ອນໜ້ານີ້

ໃນເຫດການ ເຮືອນັກທ່ອງທ່ຽວຫຼົ້ມ ທີ່ອ່າງນໍ້າງຶ່ມ ເຊົ້າວັນທີ 4 ເມສາ 2021, ມີຜູ່ເສຍຊິວິດ 8 ຄົນ, 1 ໃນນັ້ນແມ່ນ ວທ ນາງຈັນຄຳ ວົງຄຳ

ຂໍໃຫ້ເຈົ້າຂື້ນໄປເປັນນາງຟ້າທີ່ແສນງົດງາມຢູ່ເທີງສະຫວັນຊັ້ນຟ້າເນີຫຼ້າ ນາງຈັນຄຳ ວົງຄຳ. ສະແດງຄວາມເສຍໃຈມາຍັງຄອບຄົວປູ່ເຄາະຮ້າຍ.

.

ຂ່າວກ່ອນໜ້ານີ້

ຄວາມຄືບໜ້າເຫດການເຮືອຫລົ້ມ, ລາຍງານຈາກ ຂປລ ກ່ຽວກັບ ຄວາມຄືບໜ້າອຸບັດເຫດເຮືອນັກທ່ອງທ່ຽວຫລົ້ມຢູ່ ອ່າງນໍ້າງື່ມເຂດແດນສະຫວັນ ແຂວງວຽງຈັນ ໃນຕອນເຊົ້າວັນທີ 4 ເມສາ 2021,

ຫລ້າສຸດມີລາຍງານວ່າ ເຮືອລໍາດັ່ງກ່າວ ໂດຍສານນັກທ່ອງທ່ຽວ ທັງໝົດ 39 ຄົນ, ລອດຊີວິດ 31 ຄົນ, ເສຍຊີວິດ 8 ຄົນ.

.

.

.

ທ່ານ ຄຳພັນ ສິດທິດໍາພາ ເຈົ້າແຂວງໆວຽງຈັນ ໃຫ້ຮູ້ວ່າ : ພາຍຫລັງເກີດເຫດການ, ທາງອົງການຈັດຕັ້ງທີ່ກ່ຽວຂ້ອງທັງສູນກາງ ແລະ ທ້ອງຖິ່ນ ໄດ້ພ້ອມກັນສຸມໃສ່ ນໍາເອົາໜ່ວຍກູ້ໄພເຂົ້າກອບກູ້ຢ່າງກະທັນຫັນ, ມາຮອດເວລາ 16:30 ໂມງ ກອບກູ້ຜູ້ທີ່ລອດຊີວິດໄດ້ທັງໝົດ 31 ຄົນ ນໍາສົ່ງໂຮງໝໍທັງໝົດແລ້ວ.

ສ່ວນຜູ້ເສຍຊີວິດ 8 ຄົນ ໄດ້ກອບກູ້ຂຶ້ນມາໝົດແລ້ວເຊັ່ນດຽວກັນ.

ອຸບັດເຫດເຮືອຫລົ້ມຄັ້ງນີ້ ເກີດຂຶ້ນໃນເວລາປະມານ 9:00 ໂມງ, ຍ້ອນສະພາບອາກາດມືດຄື້ມ ມີລົມພັດແຮງມາກະທັນຫັນ ເຮັດໃຫ້ເຮືອລໍາດັ່ງກ່າວຫລົ້ມ ຫ່າງຈາກຝັ່ງປະມານ 40 ແມັດ.

ຂ່າວກ່ອນໜ້ານີ້

(ມີຄລິບຢູ່ດ້ານລຸ່ມ) ລາຍງານຈາກ ປະຊາຊົນ ແລະ ກູ້ໄພໃຫ້ຮູ້ວ່າ ຕອນເຊົ້າວັນທີ 4 ເມສາ 2021 ເກີດເຫດ ເຮືອນັກທ່ອງທ່ຽວ ຈົມ ເຂດ ອ່າງນໍ້າງຶ່ມ ແຂວງວຽງຈັນ.

ປະຊາຊົນແຈ່ງຂໍ້ມູນເບື່ອງຕົ້ນວ່າ: “ເຮືອໃຫຍ່ຈົມນໍ້າ ຢູ່ແດນສະຫວັນ ສູນຫາຍ10ປາຍຄົນ ກຳລັງຕາມຫາ ແລະ ເສຍຊີວິດ1ຄົນ”

ເພີ່ມເຕີມຈະລາຍງານໃຫ້ຮູ້ຕື່ມພາຍຫຼັງ.

ຄລິບ 1

ຄລິບ 2

ຄລິບ 3

ແຈ້ງເຕືອນຈາກອຸຕຸ

LEAVE A REPLY

Please enter your comment!
Please enter your name here