ວິທະຍຸກະຈາຍສຽງຫວຽດນາມລາຍງານວ່າ: ໃນຖະແຫຼງການຕໍ່ສື່ມວນຊົນ, SCA ໃຫ້ຮູ້ວ່າ: ອົງການນີ້ ໄດ້ປະຕິບັດບັນດາມາດຕະການເປັນເຈົ້າການ ເພື່ອຮັບປະກັນຄວາມປອດໄພໃນການເດີນເຮືອຢູ່ໃນລະດັບສູງທີ່ສຸດ.
ອົງການຄຸ້ມຄອງບໍລິຫານຄອງຊູເອສ (SCA) ໃນວັນທີ 5 ເມສາຜ່ານມາ ໄດ້ຢັງຢືນວ່າ: ຄົມມະນາຄົມການເດີນເຮືອ ຢູ່ຄອງຊູເອສ ມີຄວາມປອດໄພ ໂດຍຮັບປະກັນຄວາມໝັ້ນຄົງຢ່າງຮອບດ້ານ ຈາກບັນດາກຳລັງປະກອບອາວຸດຂອງ ເອຢິບ ແລະ ບັນດາໜ່ວຍງານຂອງຄອງຊູເອສ. ໃນຖະແຫຼງການຕໍ່ສື່ມວນຊົນ, SCA ໃຫ້ຮູ້ວ່າ: ອົງການນີ້, ໄດ້ປະຕິບັດບັນດາມາດຕະການເປັນເຈົ້າການ ເພື່ອຮັບປະກັນຄວາມປອດໄພໃນການເດີນເຮືອຢູ່ໃນລະດັບສູງທີ່ສຸດ.
ກ່ຽວຂ້ອງເຖິງເຫດກໍາປັ່ນ container Ever Given ຖືກຕິດຄ້າງໃນຄອງຊູເອສ, SCA ໄດ້ແກ້ໄຂເຫດການໃນຄວາມສາມາດຂອງຕົນ, ລະດົມບັນດາກໍາປັ່ນຂຸດດິນ ແລະ ກໍາປັ່ນດຶງ ດ້ວຍການເຂົ້າຮ່ວມຂອງພະນັກງານ 600 ຄົນ ໃນການຊ່ວຍກູ້ກໍາປັ່ນທີ່ຕິດຄ້າງ. ປັດຈຸບັນ, ການຄົມມະນາຄົມຢູ່ ຄອງຊູເອສ ໄດ້ກັບຄືນສູ່ສະພາບທີ່ເປັນປົກກະຕິແລ້ວ.