ຂປລ.ສຳນັກ​ຂ່າວ ຣອຍ​ເຕີ ລາຍ​ງານ​ຈາກ​ ນະຄອນ​ໄຄ​ໂຣ ​ໃນ​ວັນ​ທີ26​ມີນາວ່າ: ​ເກີດ​ອຸບັດ​ເຫດ ​ລົດ​ໄຟ 2ຂະ​ບວນ ຕຳ​ກັນ ​ຢ່າງ​ຮຸນ​ແຮງ ທາງ​ພາກ​ກາງ ຂອງ​ເອຢິບ ​ເຮັດ​ໃຫ້​ມີ ​ຜູ້​ເສຍ​ຊີວິດ 32ຄົນ ​ແລະ ບາດ​ເຈັບ​ອີກ 84ຄົນ ຖື​ນຳ​ສົ່ງ​ ໄປ​ໂຮງໝໍ ​ເພື່ອ​ຮັບ​ການ​ປິ່ນປົວ ​ຢ່າງ​ຮີບ​ດ່ວນ.

ສ່ວນ​ເຈົ້າໜ້າ​ທີ່ ທາງ​ລົດ​ໄຟ​ ເປີດ​ເຜີຍ​ວ່າ: ອຸບັດ​ເຫດ​ ລົດ​ໄຟ​ຕຳ​ກັນ ​ເກີດ​ຂຶ້ນ​ຍ້ອນ​ ລົດ​ໄຟ​ ຂະ​ບວນໜຶ່ງ ​ໄດ້​ໃຊ້​ເບຣກ ສຸກ​ເສີນ ​ເຮັດ​ໃຫ້​ລົດ​ໄຟ​ ອີກ​ຂະ​ບວນ ທີ່​ແລ່ນມາ​ດ້ວຍ​ ຄວາມ​ໄວສູງ ​ຕາມ​ຫລັງ ​ເທິງ​ລາງ​ລົດ​ໄຟ​ ດຽວ​ກັນ ​ແລ່ນ​ຕຳ​ຮຸນ​ແຮງ ​ຈົນ​ຕົກ​ລາງ ​ເຮັດ​ໃຫ້​ເກີດ ​ການ​ສູນ​​ເສຍ ​ຢ່າງ​ໃຫຍ່​ຫລວງ. ປັດຈຸບັນ ​ເຈົ້າໜ້າ​ທີ່ ​ຕຳຫລວດ ​ເອຢິບ ພວມ​ສືບສວນ ​ສອບ​ສວນ ຫາສາ​ເຫດ ​ທີ່​ແທ້​ຈິງ ​ໃນ​ຄັ້ງນີ້.

May be an image of train and railroad

ຮຽບຮຽງ​ຂ່າວ​ໂດຍ ສະ​ໄຫວ

LEAVE A REPLY

Please enter your comment!
Please enter your name here