ຂປລ.ສຳນັກຂ່າວ ຣອຍເຕີ, ວັນທີ26ມີນາ ເກີດໄຟໄໝ້ ໂຮງໝໍ ປິ່ນປົວ ຜູ້ຕິດເຊື້ອ ພະຍາດ ໂຄວິດ-19 ໃນເມືອງມຸມໄບ ຂອງອິນເດຍ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 9ຄົນ ແລະ ຍົກຍ້າຍຄົນເຈັບ 70ກວ່າຄົນ ໄປປິ່ນປົວ ໃນໂຮງໝໍອື່ນ ເພື່ອຄວາມປອດໄພ ເຊິ່ງເປັນພື້ນທີ່ ຊານເມືອງ ຝັ່ງຕາເວັນອອກຂອງ ເມືອງດັ່ງກ່າວ ທັງເປັນສູນກາງ ເສດຖະກິດ ຂອງອິນເດຍ.
ຂະນະນີ້ ເຈົ້າໜ້າທີ່ ດັບເພີງ ອິນເດຍ ສາມາດ ຄວບຄຸມໄຟ ໄດ້ແລ້ວ ແລະ ພວມສືບສວນ ສອບສວນ ຫາສາເຫດ ທີ່ເກີດຂຶ້ນ ໃນຄັ້ງນີ້. ປັດຈຸບັນ ອິນເດຍ ມີຜູ້ຕິດເຊື້ອໂຄວິດ-19 ສະສົມ 11,85 ລ້ານຄົນ ແລະ ເສຍຊີວິດ 160.949ຄົນ.
ຮຽບຮຽງຂ່າວໂດຍ ສະໄຫວ