ທ່ານ ນາງ ນິດເນດ ສຸດໃຈ ຖືເປັນໜຶ່ງນັກທຸລະກິດໝຸ່ນສາວນ້ອຍໜ້າໃສເປັນທີ່ຮູ້ຈັກກັນດີວົງການສູນຄວາມງາມໃນເລື່ອງຄວາມສາມາດເພິ່ນທີ່ມີວິໄສທັດກວ້າງໄກຍຶດໝັ່ນຄວາມຊື່ສັດທີ່ສຳຄັນເພິ່ນມີຄວາມພະຍາຍາມອົດທົນສູ້ຊົນຈົນມາຮອດປະຈຸບັນປະກອບດຳເນີນທຸລະກິດ 2 ກິດຈະການ ແລະ ເປັນທີ່ຍອມຮັບຈາກສັງຄົມຢ່າງດີ.

May be an image of 1 person

ທ່ານ ນາງ ນິດເນດ ສຸດໃຈ ເຈົ້າຂອງສູນຄວາມງາມຄົບວົງຈອນ Royal skincare&spa ໃຫ້ສຳພາດນັກຂ່າວໜັງສືພິມເສດຖະກິດ-ສັງຄົມ ພວກເຮົາໃຫ້ຮູ້ວ່າ: ຕົນເອງເກີດໃນຖານະຄອບຄົວຊາວຄ້າຂາຍ ແລະຕອນຍັງນ້ອຍແມ່ນໄດ້ຊອກຮຽນຮູ້ເອົາປະສົບການນຳຄອບຄົວຫຼັງຈາກນັ້ນພໍມີອາຍຸຮຽນຈົບດ້ານສາຂາບໍລິຫານທຸລະກິດຢູ່ວິທະຍາໄລລັດຕະນະເລີ່ມມີຄວາມຄິດຢາກມີທຸລະກິດຕົນເອງມາເຮັດທຸລະກິດນຳເຂົ້າເຄື່ອງສຳອາງສ້າງແບຣນສະບູໄຂ່ທອງຄຳຕໍ່ມາແມ່ນທຸລະກິດໝໍ້ໜຶ້ງເຂົ້າໜຽວໄຟ ຟ້າ kp ຈັດຈຳໜ່າຍໂດຍບໍລິສັດ ຄຳພູນຂາອອກ-ຂາເຂົ້າຊຶ່ງເຮົາມີຕົວແທນຈຳໜ່າຍທົ່ວປະເທດສ້າງລາຍຮັບໃຫ້ກັບຜູ້ທີ່ຢາກມີອາຊີບເສີມ ແລະປະຈຸບັນມີສູນຄວາມງາມຄົບວົງ ຈອນ Royal skincare&spa.

ສຳລັບການດຳເນີນທຸລະກິດແນ່ນອນຍ່ອມມີຄູ່ແຂ່ງຈຳນວນຫຼາຍແຕ່ເຮົາຄຳນຶງເຖິງການບໍລິການທີ່ດີ ແລະຄຸນນະພາບຂອງສິນຄ້າມາອັນດັບ 1 ມາກ່ອນສະເໝີ.

  ນາງ ນິດເນດ ໃຫ້ຮູ້ຕື່ມວ່າເນື່ອງໃນວັນແມ່ຍິງສາກົນບໍ່ວ່າຈະຜ່ານມາ ຫຼືຫຼາຍຍຸກຫຼາຍສະໄໝແມ່ຍິງຈະຖືກປູກຝັງແນວຄວາມຄິດທີ່ວ່າຈະຕ້ອງມີບົດບາດທາງສັງຄົມໜ້ອຍກວ່າເພດຊາຍ,ຊຶ່ງຂ້າພະເຈົ້າຄິດວ່າເປັນພຽງຄວາມເຊື່ອເທົ່ານັ້ນເພາະແມ່ຍິງບໍ່ມີຫຍັງດ້ອຍໄປກວ່າເພດຊາຍ,ຂຶ້ນກັບຕົວເຮົາເອງວ່າຈະສ້າງຊີວິດຂອງຕົວເອງແນວໃດ, ວາງຮາກຖານຊີວິດແນວໃດ, ຈະເຮັດໃຫ້ຕົວເອງມີຄວາມຮູ້, ສ້າງສັກກະຍະພາບແນວໃດເພື່ອຮັບໂອກາດ ຫຼືເປີດໂອກາດໃຫ້ກັບຕົວເອງປະສົບຜົນສຳເລັດ,  ດັ່ງນັ້ນ ຈຶ່ງຢາກໃຫ້ແມ່ຍິງສຸມໃສ່ການສຶກສາເພາະຈະເປັນພື້ນຖານຂອງຊີວິດ ແລະ ການສຶກສາກໍບໍ່ໄດ້ມີຂີດຈຳກັດວ່າຕ້ອງຮຽນຢູ່ໃນໂຮງຮຽນເທົ່ານັ້ນຍັງສາມາດຮຽນໄດ້ຢູ່ນອກໂຮງຮຽນ, ຮຽນນຳສັງຄົມ, ຮຽນຮູ້ຈາກປະສົບການ,ຫາຄວາມຮູ້ເພີ່ມເພື່ອສ້າງໂອກາດບໍ່ແມ່ນລໍຖ້າໂອກາດເພື່ອໃຫ້ຕົວເຮົາໄດ້ລອງເຮັດໃນສີ່ງໃໝ່ໆ, ອອກມາຈາກກອບ, ຈາກແນວຄວາມຄິດທີ່ປິດກັ້ນແລ້ວວາງຂອບເຂດໄວ້ ແລະລົງມືເຮັດໃນສິ່ງໃໝ່, ຊຶ່ງເຊື່ອແນ່ວ່າອາດບໍ່ສຳເລັດພາຍໃນຄັ້ງດຽວແຕ່ໃນຄັ້ງຕໍ່ໆໄປກໍຈະເຮັດໃຫ້ສຳເລັດໄດ້.

ຂ່າວ: ບຸນນິກ

LEAVE A REPLY

Please enter your comment!
Please enter your name here