ຕອນເຊົ້າ ວັນທີ 26 ມັງກອນ 2021 ເວລາປະມານ 6:00 ນາທີ ເຈົ້າໜ້າທີ ປກສ ເມືອງ ຕົ້ນເຜິ້ງ ໄດ້ຮັບແຈ້ງຈາກພົນລະເມືອງດີວ່າ: ຈະມີການລັກລອບນໍາເຂົ້າສິນຄ້າທີ່ ບໍ່ ຖື ກ ຕ້ ອ ງ ຕາມລະບຽບກົດໝາຍຈາກປະເທດໄທ ເຂົ້າມາເຂດທາງດອນເຜິ້ງ ເມືຶອງ ຕົ້ນເຜິ້ງ ແຂວງ ບໍ່ແກ້ວ
.
ດັ່ງນັ້ນ ທາງເຈົ້າໜ້າທີ່ຈຶ່ງໄດ້ລົງຕິດຕາມພົບວ່າໄດ້ມີການລັກລອບນໍາເຂົ້າແທ້ ຈຶ່ງໄດ້ຍຶດສິນຄ້າຈໍານວນດັ່ງກ່າວ ແລະ ພາຫະນະ ລົດວີໂກ້ ຈໍານວນ 01 ຄັນ, ເຮືອກາບ 01 ລໍາ ພ້ອມຈັກ ພ້ອມທັງກັກຕົວຜູ້ກະທຳຜິດ ທັງ 03 ຄົນ ເຊິ່ງເປັນປະຊາຊົນບ້ານ ດອນສະຫວັນ ເມືອງ ຕົ້ນເຜິ້ງ ມາສືບສວນ – ສອບສວນ ແລະ ເຮັດບົດບັນທຶກ, ສຶກສາອົບຮົມກ່າວເຕືອນ ເພື່ອບໍ່ໃຫ້ລັກລອບນໍາເຂົ້າສິນຄ້າທີ່ບໍ່ຖືກຕ້ອງຕາມລະບຽບກົດໝາຍອີກ
.
ເນື່ອງຈາກເປັນໄລຍະທີ່ທາງອົງການປົກຄອງແຕ່ລະຂັ້ນໄດ້ອອກແຈ້ງການໂຈະການນໍາເຂົ້າສິນຄ້າຊົ່ວຄາວ ຈາກປະເທດໃກ້ຄຽງໃນໄລຍະທີ່ມີການລະບາດຂອງພະຍາດໂຄວິດ – 19, ສິນຄ້າທີ່ຍຶດມາໄດ້ແມ່ນສິນຄ້າປະເພດຊີ້ນໝູ ຈໍານວນ 995 ກິໂລ ເຊິ່ງທາງເຈົ້າໜ້າທີ່ ປກສ ເມືອງ ໄດ້ນໍາໄປຂຸດຂຸມຝັງຢູ່ຂ້າງເດີ່ນກິລາຂອງເມືອງ.
ຂ່າວ: ປກສ ເມືອງ ຕົ້ນເຜິ້ງ.