ໃນໄລຍະວັນທີ 18-19 ມັງກອນ 2021 ມວນອາກາດເຢັນທີ່ປະເທດຈີນໄດ້ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບລົມມໍລະສຸມຕາເວັນອອກສ່ຽງເໜືອພັດປົກຄຸມຊຶ່ງເຮັດໃຫ້ອຸນຫະພູມອາກາດໄດ້ເຢັນ ຫາ ໜາວເຢັນ ລົງ 1 ຫາ 3 ອົງສາ ຢູ່ໃນແຕ່ລະພາກ ແລະ ອາກາດ ໄດ້ໜາວເຢັນຫຼາຍພ້ອມມີໝາກໜາປົກຫຸ້ມຢູ່ເຂດພາກເໜືອ, ພາກກາງ ແລະ ເຂດພູພຽງບໍລິເວນ ພ້ອມມີຝົນຕົກໃນລະດັບຄ່ອຍ ແລະ ມີ ລົມແຮງເປັນບາງໂອກາດຢູ່ບາງທ້ອງຖິ່ນແຂວງພາກເໜືອ ແລະ ພາກໃຕ້.
.
ຈາກນັ້ນໃນວັນທີ 20 – 24 ມັງກອນ 2021 ມວນອາກາດໜາວເຢັນໄດ້ອ່ອນກໍາລັງລົງຍັງແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນປາກາງ, ຊຶ່ງເຮັດໃຫ້ອຸນຫະພູມອາກາດ ສູງຂຶ້ນ 2 ຫາ 4 ອົງສາ ໃນຕອນບ່າຍຢູ່ໃນຕອນບ່າຍຢູ່ແຕ່ລະພາກ ແຕ່ ອາກາດຍັງໜາວເຢັນ ຫາ ໜາວຫຼາຍປັກຫຸ້ມໃນຕອນກາງຄືນ ຫາ ຕອນເຊົ້າ ຢູ່ເຂດພາກເໜືອແຂວງໄຊສົມບູນ, ພາກກາງ ແລະ ເຂດພູພຽງບໍລະເວນ
.
ໃນໄລຍະວັນທີ 25 – 27 ມັງກອນ 2021 ຄວາມກົດດັນສູງຂອງອາກາດໜາວໄດ້ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ, ສົມທົບກັບກະແສລົມຕາເວັນອອກ – ຕາເວັນອອກສ່ຽງເໜືອ ພັດປົກຄຸມດ້ວຍກໍາລັງອ່ອນ. ຊຶ່ງຈະເຮັດໃຫ້ອຸນຫະພູມອາກາດອຸ່ນຂຶ້ນ 1 ຫາ 3 ອົງສາ ຢູ່ໃນແຕ່ລະພາກ
.
.
ຈາກນັ້ນ ວັນທີ 28 – 31 ມັງກອນ 2021 ມວນອາກາດເຢັນທີ່ປະເທດຈີນຈະເພີ່ມກໍາລັງປົກຄຸມຢູ່ທົ່ວທຸກພາກ ແລະ ອາກາດຈະໜາວເຢັນຫຼາຍຢູ່ແຂວງພາກເໜືອ
.
.
