ສະຖານທູດຣັດເຊຍ ປະຈຳ ສປປ ລາວ ໄດ້ເຜີຍແຜ່ຮູບພາບ ແລະ ຄຳປາໃສຂອງ ທ່ານ ວາລາດີມີຣ ກາລີນິນ ເອກອັກຄະລາດຖະທູດຣັດເຊຍປະຈຳ ສປປ ລາວ ໃນພິທີມອບຮັບວັກຊິນປ້ອງກັນໂຄວິດ ຊຸດທຳອິດ 2000 ໂດສ ຈາກຣັດເຊຍ “Sputnik V” ໂດຍລັດຖະບານສະຫະພັນຣັດເຊຍ ໃນວັນທີ 21 ມັງກອນ 2021 ທີ່ຜ່ານມາ.
ໂດຍ ທ່ານ ວາລາດີມີຣ ກາລີນິນ ເອກອັກຄະລາດຖະທູດຣັດເຊຍປະຈຳ ສປປ ລາວ ໄດ້ກ່າວຄໍາປາໃສໃນພີທີມອບຮັບວັກຊີນປ້ອງກັນພະຍາດ COVID ຊຸດທຳອິດຈາກຣັດເຊຍ ບາງຕອນວ່າ:
“Sputnik V” ແມ່ນຢາວັກຊີນທີ່ລົງທະບຽນເປັນຄັ້ງທຳອິດຂອງໂລກທີ່ມີປະສິດທິພາບທາງດ້ານຄລີນິກເທົ່າກັບ 91,4% ແລະ 100% ສໍາລັບກໍລະນີຮ້າຍແຮງ ທີ່ພັດທະນາໂດຍ ສູນລະບາດວິທະຍາ ເເລະ ຈຸລິນຊີວິທະຍາແຫ່ງຊາດ ກາມາເລຢາ, ເຊິ່ງເປັນໜຶ່ງໃນສະຖາບັນຄົ້ນຄວ້າຊັ້ນນຳຂອງໂລກ. ຂ້າພະເຈົ້າຈະເນັ້ນໜັກວ່າໃນປະຈຸບັນນີ້ ພົນລະເມືອງຂອງຣັດເຊຍເກືອບ 1 ລ້ານຄົນ ໄດ້ຮັບການສັກຢາ “Sputnik V” ເປັນທີ່ຮຽບຮ້ອຍແລ້ວ ໂດຍບໍ່ມີຜົນຂ້າງຄຽງໃດໆ.
“ຂ້າພະເຈົ້າມີຄວາມຍິນດີທີ່ຈະປະກາດວ່າ ຣັດເຊຍ ແລະ ລາວ ໄດ້ຕົກລົງເຫັນດີໃນການສະໜອງຢາວັກຊີນ “Sputnik V” ຈຳນວນ 2 ລ້ານໂດນ ໃຫ້ແກ່ ສປປ ລາວ” ທ່ານກ່າວຕື່ມ.
ຂໍ້ມູນ: ສະຖານທູດຣັດເຊຍ ປະຈຳ ສປປ ລາວ
https://www.facebook.com/1544629862417068/posts/2812013669012008/