ເວົ້າເລື່ອງແຟຊັນ ເຮົາບໍ່ສາມາດໄປຕີຂອບວ່າ ແບບນີ້ງາມ ຫຼື ບໍ່ງາມ ເພາະມັນຂຶ້ນກັບຜູ້ເບິ່ງອີ່ຫຼີ ໂດຍສະເພາະໄອເດຍສາຍແຂນທີ່ກຳລັງເປັນກະແສກັນໃນຕອນນີ້ ກັບສາຍແຂນທີ່ເບິ່ງແລ້ວຫຼາຍຄົນຕ້ອງເວົ້າອອກມາເປັນສຽງດຽວກັນວ່າ ນີ້ມັນ “ໜວດກຸ້ງ” ດີໆນີ້ເອງ.
.
ສິນຄ້າໃນໝວດເຄື່ອງປະດັບນີ້ວາງຂາຍໃນເວັບໄຊ Farfetch ສູນລວມເຄື່ອງແຟຊັນລະດັບ high-end ທີ່ມີທັງເສື້ອຜ້າ ແລະ ເຄື່ອງປະດັບຕ່າງໆວາງຂາຍ.
ສຳລັບສາຍແຂນທີ່ໄດ້ແຮງບັນດານໃຈຈາກໜວດກຸ້ງທີ່ເຮົາເວົ້າໄວ້ມັດສາຍໄຟໃຫ້ເປັນລະບຽບຮຽບຮ້ອຍນີ້ ເປັນຜະລິດຕະພັນຂອງ AMBUSH ເຊິ່ງເຈົ້າຂອງເປັນຄູ່ສາມີ ແລະ ພັນລະຍາທີ່ຮູ້ຈັກກັນໃນຊື່ Verbal ແລະ Yoon ເປັນແຟຊັນໄອຄອນຈາກໂຕກຽວ
ປະເທດຍີ່ປຸ່ນ ເຊິ່ງກ່ອນໜ້ານີ້ເຮັດວຽກເປັນພິທີກອນງານດົນຕີ ແລະ ທີ່ປຶກສາໃຫ້ກັບແບຣນສິນຄ້າ ກ່ອນທີ່ຈະຫັນມາສ້າງແບຣນເຄື່ອງປະດັບຂອງຕົນເອງ.
ລົດນິຍົມທີ່ດີຂອງພວກເຂົາເຮັດໃຫ້ພວກເຂົາມີຜູ້ຕິດຕາມທີ່ມີຊື່ສຽງ ບໍ່ວ່າຈະເປັນ ເລດີ້ ກາກ້າ (Lady Gaga) ແລະ ຄານເຢ ເວສ (Kanye West).
ສາຍແຂນໜວດກຸ້ງຂອງ AMBUSH ນີ້ ເຮັດຈາກທອງເຫຼືອງແລ້ວຍ້ອມສີ ມີທັງສີຟ້າ, ດຳ, ຄຳ, ເຫຼືອງ ແລະ ຂາວ.
ເຖິງວ່າຮູບຮ່າງຈະເບິ່ງພື້ນໆ ແຕ່ລາຄານີ້ບໍ່ພື້ນເລີຍ ເພາະລາຄາເລີ່ມຕົ້ນຢູ່ທີ່ 400 ກວ່າໆ ໄປຈົນຮອດເກືອບ 600 ໂດລາສະຫະລັດກັນເລີຍ.
ຂອບໃຈທີ່ມາ: muan.la