ໃນຊ່ວງເວລາທີ່ບໍ່ດົນມານີ້ ໄດ້ມີການແຜ່ລະບາດຂອງເທຣນໃໝ່ໃນກຸ່ມໄວລຸ້ນໂດຍເອີ້ນກັນໃນກຸ່ມວ່າ: ‘ສູບບອລລູນ ຫຼື ສູບປູມເປົ້າ’ ຫຼືທີ່ທາງການເເພດເອີ້ນວ່າການເອົາແກສທີ່ຊື່ວ່າ “ໄນຕຣັສອັອກຊາຍ’ ອັດເຂົ້າໃນປູມເປົ້າແລ້ວນຳມາສູບເຂົ້າປາກ, ປ່ອຍລົມຜ່ານປອດ. ເຊິ່ງເຮົາຈະມາເຮັດກໍລະນີສຶກສາກັບສານຊະນິດນີ້ ແລະ ຜົນຮ້າຍຈາກການໃຊ້ສານດັ່ງກ່າວ:

Hanoi police raid Old Quarter bars, seizing funky balls

ຄົນທີ່ສູບກຳລັງເອົາສານຫຍັງເຂົ້າໃນຮ່າງກາຍ?

ໄນຕຣັສອັອກຊາຍ ຫຼື ແກສທີ່ກຳລັງເປັນທີ່ນິຍົມສູບກັນໃນຕອນນີ້ ເປັນສານປະກອບທາງເຄມີ, ບໍ່ມີສີ, ມີກິ່ນຫອມອ່ອນໆ ແລະ ມີລົດຊາດຫວານເລັກນ້ອຍ. ນອກຈາກປະໂຫຍດທາງການແພດທີ່ໃຊ້ເຂົ້າໃນທາງທັນຕະແພດ ເພື່ອບັນເທົາອາການປວດ ເນື່ອງຈາກອອກລິດໄດ້ໄວເເລ້ວ, ຍັງໃຊ້ເປັນຢາສະຫຼົບໄດ້ນຳ

Funky balls may be added to the list of banned drugs - Vietnam Insider

ນອກຈາກນີ້ໄນຕຣັສອັອກຊາຍຍັງນຳມາໃຊ້ປະກອບເຂົ້າໃນອຸດສາຫະກຳອາຫານ ເຊິ່ງຈະຖືກນຳມາເປັນໂຕດັນວິບຄຣີມ ເຮັດໃຫ້ເນື້ອຄຣີມຫອມຫວານ, ນອກນັ້ນຍັງຖືກນຳໄປໃຊ້ໃນດ້ານອຸດສາຫະກຳຕ່າງໆເຊັ່ນ: ນຳໃຊ້ແກສຊະນິດນີ້ມາເປັນໂຕຈຸດລະເບີດ ເພື່ອເພີ່ມແຮງບິດຫຼືຄວາມໄວໃນການເລັ່ງ ແລະ ໃຊ້ເຮັດຖົງລົມນິລະໄພ. ຜົນຈາກການສູດດົມແກສນີ້ ເມື່ອສູດດົມເຂົ້າໄປຈະເຮັດໃຫ້ເຄີ້ມ, ໂຕເບົາ, ມຶນຊາ ໄປໃນໄລຍະສັ້ນ ຈຶ່ງເຮັດໃຫ້ມີຜູ້ນຳສານນີ້ໃຊ້ສູດດົມເປັນສານເສບຕິດ

Funky balls could be added to list of drugs

ຜົນຮ້າຍທີ່ຈະຕາມມາມີຫຍັງເເດ່?

ປົກກະຕິແກສໄນຕຣັສອັອກຊາຍຈະອອກລິດບໍ່ເກີນ 5 ນາທີແລ້ວມັນກໍຈະຄ່ອຍໆຄາຍໂຕ. ແຕ່ປັນຫາແມ່ນຖ້າໃຊ້ຕໍ່ເນື່ອງ ແລະ ເປັນປະຈຳ ມັນຈະທຳລາຍລະບົບປະສາດ, ຈະເຮັດໃຫ້ເຊວຕ່າງໆໃນຮ່າງກາຍຕາຍໄດ້ໂດຍສະເພາະເຮັດໃຫ້ເຊວສະໝອງຂາດອັອກຊີເຈນແບບກະທັນຫັນ ແລະ ເຮັດໃຫ້ຜູ້ທີ່ສູບໝົດສະຕິ

Bộ Công an nghiên cứu đưa bóng cười vào danh mục chất ma tuý

ນອກຈາກເຊວສະໝອງແລ້ວ ເຊວໃນຮ່າງກາຍສ່ວນອື່ນໆ ທີ່ໄວຕໍ່ການຂາດອັອກຊີເຈນເເມ່ນ, ກ້າມເນື້ອຫົວໃຈກໍສາມາດເກີດອາການຂາດອັອກຊີເຈນເຮັດໃຫ້ກ້າມເນື້ອຫົວໃຈຕາຍ ຫຼື ຂາດເລືອດ ແລະ ມີສິດຫົວໃຈວາຍກະທັນຫັນໄດ້. ຜົນຂ້າງຄຽງຕໍ່ມາກໍຄືອາການປະສາດຫຼອນ, ຫູຟາງ ເຊິ່ງອາດສົ່ງຜົນໃຫ້ເກີດອຸບັດຕິເຫດໄດ້

Hít 20 quả bóng cười một lúc, nam thanh niên tê liệt người

ສະນັ້ນພວກເຮົາທີມງານ ເຫັນວ່າບັນຫານີ້ເເມ່ນບັນຫາລະດັບໃຫຍ່ເພາະ ສານຊະນິດນີ້ກຳລັງທຳລາຍລູກຫຼານເເລະອະນາຄົດ ຂອງປະເທດຊາດພວກເຮົາ. ພວກເຮົາຂໍໃຫ້ທຸກຄົນເຕືອນ ແລະ ຫ້າມໃຫ້ຄົນໃກ້ຊິດ, ໝູ່ຄູ່ ແລະ ຄົນໃນຄອບຄົວຖອຍໂຕອອກຫ່າງ ຈາກສິ່ງນີ້ ກ່ອນທີ່ທຸກຢ່າງຈະຊ້າເກີນໄປ.

ອ້າງອີງຈາກ

https://www.bbc.com/news/magazine-33691783

https://www.healthline.com/…/nitrous-oxide-side-effects…

ຂອບໃຈຂໍ້ມູນຈາກ: INFO. – ອິນໂຟ

LEAVE A REPLY

Please enter your comment!
Please enter your name here