ພະແນກຕຳຫຼວດ ຈະລາຈອນ ນະຄອນຫຼວງວຽງຈັນ ໄດ້ລົງຕິດຕາມກວດກາ ແລະຈັດສັນຄວາມເປັນລະບຽບຮຽບຮ້ອຍຕາມແຄມທາງອ້ອມບໍລິເວນໃກ້ຄຽງຫໍປະຊຸມແຫ່ງຊາດ ໃນວັນທີ 12 ມັງກອນ 2021 ເປັນຕົ້ນແມ່ນ: ການຈອດລົດຕາມແຄມທາງ ແລະ ທາງຄົນຍ່າງ ຊຶ່ງເປັນການກີດຂວາງການສັນຈອນ ທັງບໍ່ເປັນລະບຽບຮຽບຮ້ອຍ ບໍ່ງາມຕາຕໍ່ກັບບັນດາຜູ້ແທນມາຮ່ວມກອງປະຊຸມໃຫຍ່.
.
ພ້ອມນີ້, ທາງເຈົ້າໜ້າທີຈະລາຈອນໄດ້ຮຽກຮ້ອງມາຍັງບັນດາພໍ່-ແມ່ປະຊາຊົນ, ຊາວຄ້າຂາຍ, ນັກຂັບຂີ່ທັງໝົດ ຈົ່ງໄດ້ເອົາໃຈໃສ່ໃນການປະຕິບັດດັ່ງນີ້:
1. ບໍ່ໃຫ້ຈອດລົດຕາມແຄມທາງຈຸດສາມແຍກ, ສີ່ແຍກ, ວົງວຽນ ແລະ ຕາມປ້າຍຫ້າມຕ່າງໆທີ່ໄດ້ກໍານົດ ຫຼື ໃນຊົ່ວໂມງອັນຮີບດ່ວນ ເພື່ອບໍ່ໃຫ້ການສັນຈອນມີການຕິດຄັດ ແລະ ລົດອັ່ງອໍ.
.
2. ໃນໄລຍະເປີດກອງປະຊຸມໃຫຍ່ຂອງພັກປະຊາຊົນປະຕິວັດລາວ ບໍ່ໃຫ້ຊາວຄ້າຂາຍນຳເອົາເຄື່ອງມາຕັ້ງຂາຍຕາມແຄມທາງ ແລະ ທາງຄົນຍ່າງ ໃນບໍລິເວນອ້ອມຫໍປະຊຸມແຫ່ງຊາດ.
