ສຳນັກຂ່າວສານປະເທດລາວ ໄດ້ຮັບການສ້າງຕັ້ງຂຶ້ນໃນວັນທີ 6 ມັງກອນ 1968 ຢູ່ທີ່ເຂດທີ່ໝັ້ນການປະຕິວັດ ເມືອງວຽງໄຊ ແຂວງຫົວພັນ ມາຮອດປີ 2021 ນີ້, ກໍ່ພໍດີຄົບຮອບ 53 ປີ.

ພາຍໃຕ້ການຊີ້ນຳ ນຳພາຂອງພັກ ແລະ ລັດຖະບານ, ຕະຫລອດໄລຍະຜ່ານມາ ໂດຍປະຕິບັດໜ້າທີ່ການເມືອງອັນມີກຽດສະຫງ່າຂອງຕົນນັ້ນ, ສຳນັກຂ່າວສານປະເທດລາວໄດ້ສຸມທຸກກຳລັງແຮງ ເພື່ອພ້ອມກັນຜ່ານຜ່າທຸກອຸປະສັກ, ຄວາມຫຍຸ້ງຍາກ ແລະ ສິ່ງທ້າທາຍຕ່າງໆ ຢ່າງບໍ່ທໍ້ຖອຍ ບໍ່ວ່າແຕ່ໃນໄລຍະການປະຕິບັດພາລະກິດຕໍ່ສູ້ປົດປ່ອຍຊາດ ກໍຄື ປົກປັກຮັກສາ ແລະ ພັດທະນາປະເທດ ຈົນເຖິງປັດຈຸບັນ,

ອັນໄດ້ເຮັດໃຫ້ກຳລັງແຮງຂອງສຳນັກຂ່າວສານປະເທດລາວ ມີການພັດທະນາ ແລະ ເຕີບໃຫຍ່ຂະຫຍາຍຕົວເລື້ອຍມາ.

ຕະຫລອດໄລຍະ 53 ປີ ຜ່ານມາ, ພະນັກງານຂ່າວສານທຸກຄົນ ບໍ່ວ່າຮຸ່ນກ່ອນ ກໍຄື ຮຸ່ນສືບທອດ ທຸກຄົນໄດ້ພ້ອມພຽງຮຽງໜ້າ ສຸມທຸກສະຕິປັນຍາ ແລະ ຄວາມຮູ້ຄວາມສາມາດຂອງຕົນ ເຂົ້າໃນວຽກງານວິຊາສະເພາະ ເພື່ອເຮັດຫລ້ອນໜ້າທີ່ອັນມີກຽດ ສົມກັບເປັນກະບອກສຽງຂອງພັກ-ລັດ ຢ່າງແທ້ຈິງ.

ຊົມເຊີຍຢ່າງສຸດໃຈ

LEAVE A REPLY

Please enter your comment!
Please enter your name here