ເຈົ້າຂອງ ຕູບປ່າກ້ວຍ ບ້ານສະພັງເມີກ ເມືອງໄຊທານີ ນະຄອນຫຼວງວຽງຈັນ ແຈ້ງໃຫ້ຮູ້ວ່າ, ຈາກເຫດການໄຟໄໝ້ຕູບ ໃນຄືນວັນທີ 31 ທັນວາ 2020 ນັ້ນ, ມີຕູບຖືກໄໝ້ເສຍຫາຍ ທັງໝົດ 18 ຕູບ ຈາກຈໍານວນ ຕູບທັງໝົດ 83 ຕູບ, ທາງຮ້ານ ແລະ ເຈົ້າໜ້າທີ່ ໄດ້ຈັດການຢ່າງວ່ອງໄວ ໃນການຄວບຄຸມໄຟໄໝ້ ເພື່ອບໍ່ໃຫ້ລາມໄປບ້ານໃກ້ຄຽງ. ແລະ ມາຮອດ ວັນທີ 2 ມັງກອນ 2021 ສາມາດ ເກັບມ້ຽນ ແລະ ທໍາຄວາມສະອາດ ຈຸດໄຟໄໝ້ ຮຽບຮ້ອຍ, ເຊິ່ງປະຈຸບັນ ຮ້ານ ຕູບປ່າກ້ວຍ ບ້ານສະພັງເມີກ ແມ່ນເປີດໃຫ້ບໍລິການປົກກະຕິ.

ສ່ວນການດໍາເນີການ ກັບຜູ່ກໍ່ໃຫ້ເກີດອັກຄີໄພຄັ້ງນີ້, ເຈົ້າໜ້າທີ່ກ່ຽວຂ້ອງຈະດໍາເນີນການໄປຕາມຂັ້ນຕອນກົດໝາຍ,

ທ່ານໃດ ທີ່ເປັນລູກຄ້າ ກໍ່ຮຽນເຊີນມາໃຊ້ບໍລິການປົກກະຕິ

ຈາກເຫດການໄຟໄໝ້ຕູບຮ້ານອາຫານ ເຂດບ້ານສະພັງເມີກ ເມືອງໄຊທານີ ນະອນຫຼວງວຽງຈັນ ຄືນວັນທີ 31 ທັນວາ 2020 ຜ່ານມາ, ສາເຫດ ຂອງອັກຄີໄພຄັ້ງນີ້ແມ່ນຍ້ອນ ການຈູດບັ້ງພຸໄຟ ແລ້ວໄປຕົກ ໃສ່ຕູບ ທີ່ເປັນຫຍ້າແຫ້ງ ຈິ່ງເຮັດໃຫ້ເກີດໄຟໄໝ້ລາມຢ່າງວອງໄວ ບວກກັບ ມີລົມຈິ່ງເຮັດໃຫ້ໄຟປິວໄປໄໝ້ຕູບທຸກຕູບເສຍຫາຍໜັກ.

ກົດຊົມຄລິບ

ນີ້ເປັນອີກເຫດການທີ່ເກີດຂຶ້ນ ຍ້ອນຄວາມປະໝາດ ແລະ ລະເມີດ ແຈ້ງການຂອງເຈົ້າໜ້າທີ ປກສ ທີ່ຫ້າມຈູດບັງພຸ ແລະ ວັດຖຸ ທີ່ມີສຽງເນືອງນັນ ແລະ ໄວໄຟ.

ຂ່າວກ່ອນໜ້ານີ້

ລາຍງານຈາກອາສາກູ້ໄພໃຫ້ຮູ້ວ່າ ເວລາປະມານ 23:10 ວັນທີ 31 ທັນວາ 2020 ເກີດເຫດໄຟໄໝ້ ຮ້ານຕຳປ່າກ້ວຍ ບ້ານສະພັງເມິກ ເມືອງໄຊທານີ.

ສາເຫດແລະຄວາມເສຍຫາຍ ແມ່ນຍັງບໍ່ຮູ້. ຂໍໃຫ້ທຸກຄົນປອດໄພ.

ລາຍງານໂດຍ: ໝີນ້ອຍ

LEAVE A REPLY

Please enter your comment!
Please enter your name here