ເຫດລົດຈັກຕໍາກັບລົດໃຫຍ່ເສຍຊີວິດ 1 ລາຍ. 1623 ແຈ້ງໃຫ້ຮູ້ວ່າ ວັນທີ 26 ທັນວາ 2020 ເວລາ 23:52, ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສ ປປ ລາວ ໄດ້ຮັບແຈ້ງເຫດເຂົ້າເບີໂທສຸກເສີນ 1623 ວ່າມີເຫດລົດຈັກຕໍາກັບລົດໃຫຍ່.ຈຸດເກີດເຫດແມ່ນສີ່ແຍກບ້ານຊຽງດາ ນະຄອນຫຼວງວຽງຈັນ.

ໜ່ວຍກູ້ໄພອອກກວດສອບເຫດພົບວ່າມີຄົນເຈັບ 1 ຄົນ ເພດຊາຍ ອາຍຸ 34ປີ ອາຊີບ:ກຳມະກອນ ບ້ານ:ທ່າເດື່ອສິງຫອມ ເມືອງ:ປາກງື່ມ ນະຄອນຫລວງວຽງຈັນ.

ອາການເບື້ອງຕົ້ນແມ່ນມີບາດເປີດໃຫຍ່ຢູ່ຫົວກະໂລກຫົວແຕກ (ສະໜອງອອກ) ຂາຫັກເບື້ອງຊ້າຍ,(ເສຍຊີວິດຄາໃນເວລາຕໍ່ມາ).

ດັ່ງນັ້ນໜ່ວຍກູ້ໄພມູນນິທິ1623 ຈຶ່ງໄດ້ນຳສົ່ງສົບຜູ້ເສຍຊີວິດໃຫ້ແກ່ຍາດພີ່ນ້ອງເພື່ອເຮັດພິທີທາງສາສະຫນາ. ສວນສາເຫດການເກີກອຸບັດຕິເຫດ ເຈົ້າໜ້າທີ່ກ່ຽວຂ້ອງຈະສືບສວນຕາມຂັ້ນຕອນກົດໝາຍຕໍ່ໄປ.

ທາງຫນ່ວຍກູ້ໄພມູນນິທິ1623 ຕ້ອງຂໍສະແດງຄວາມເສຍໃຈກັບຄອບຄົວແລະຍາດພີ່ນ້ອງກັບການສູນເສຍຄັ້ງນີ້ດ້ວຍ.

ລາຍງານໂດຍ: 1623

LEAVE A REPLY

Please enter your comment!
Please enter your name here