ລາຍງານຂ່າວຈາກdailynewsໃຫ້ຮູ້ວ່າ ໃນວັນທີ 24 ທັນວາ 2020 ທ່ານ ສົມເດັດ ສຸສົມບູນ ຫົວໜ້າກົມສົ່ງເສີມການຄ້າລະຫວ່າງປະເທດກ່າວວ່າ ທ່ານລັດຖະມົນຕີກະຊວງການຄ້າ ແລະ ເລຂາປະຈຳກະຊວງການຄ້າໄດ້ມອບໝາຍໃຫ້ເອກອັກຄະລັດຖະທູດຕ່າງປະເທດ ແລະ ຮອງ ລວມທັງພະແນກການທີ່ກ່ຽວຂ້ອງເພື່ອເລັ່ງຊີ້ແຈງທຳຄວາມເຂົ້າໃຈ ຕໍ່ກະຊວງອຸດສາຫະກຳ ແລະ ການຄ້າຂອງລາວ

Image may contain: food

ໃນກໍລະນີທາງການຄ້າລາວກຽມທີ່ຈະອອກຄຳສັ່ງຫ້າມນຳເຂົ້າອາຫານທະເລສົດຈາກປະເທດໄທ ເນື່ອງຈາກກັງວົນກ່ຽວກັບການລະບາດຂອງໂຄວິດ-19 ໃນປະເທດໄທທີ່ຕະຫຼາດກາງອາຫານທະເລຈັງຫວັງສະໝຸດສາຄອນ.

Image may contain: food

“ລັດຖະບານໄທໄດ້ຊີ້ແຈງສາເຫດທີ່ແທ້ຈິງກັບທາງກະຊວງອຸດສາຫະກຳ ແລະ ການຄ້າຂອງລາວໃນຕອນບ່າຍມື້ວານນີ້. ເຊິ່ງຫຼາຍອົງການໄດ້ກະກຽມຂໍ້ມູນຄວາມຈິງ ເພື່ອທຳຄວາມເຂົ້າໃຈກັບລັດຖະບານລາວໃນການຮັບຮູ້ຂໍ້ເທັດຈິງທີ່ວ່າ ອາຫານທະເລສົດຂອງໄທ ແລະ ອາຫານແຊ່ແຂງ ປາສະຈາກພະຍາດຕິດຕໍ່ ແລະ ຈະນຳເອົາຜົນໄດ້ຮັບທາງວິຊາການກ່ຽວກັບການລະບາດຂອງໂຄວິດ-19 ວ່າການຕິດເຊື້ອບໍ່ໄດ້ແຜ່ລາມຈາກມະນຸດສູ່ສັດມາຢັ້ງຢືນ”.

Image may contain: food

ທັງນີ້, ກະຊວງການຄ້າຂອງໄທເຊື່ອໝັ້ນວ່າຈະສາມາດຊີ້ແຈງ ແລະ ທຳຄວາມເຂົ້າໃຈຕໍ່ບັນຫານີ້ກັບທາງກະຊວງອຸດສາຫະກຳ ແລະ ການຄ້າຂອງລາວໄດ້

Image may contain: food

ເຊິ່ງປັດຈບັນ, ໄທມີມູນຄ່າການສົ່ງອອກອາຫານທະເລ ແລະ ອາຫານແຊ່ແຂງໃຫ້ປະເທດລາວໃນແຕ່ລະປີມີມູນຄ່າຫຼາຍກວ່າ 100-120 ລ້ານບາດ ຫຼື ປະມານ 32 ຫາ 39 ພັນລ້ານກີບຕໍ່ປີ.

No photo description available.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here