Monday, December 6, 2021

ປີນີ້ແຂວງສະຫວັນນະເຂດ ຜ່ອນໂທດ 271 ຄົນ

ໃນໂອກາດວັນຊາດທີ 2 ທັນວາ ຄົບຮອບ 45 ປີ ແລະ ເນື່ອງໃນຊ່ວງສະກັດກັ້ນການ ແຜ່ລະບາດຂອງພະຍາດໂຄ ວິດ-19 ພັກ ແລະລັດຖະບານ ເຫັນໄດ້ຄວາມສຳຄັນຕໍ່ກັບ ວຽກງານນະໂຍບາຍດ້ານມະ ນຸດສະທຳ, ດັ່ງນັ້ນ ມາໃນວັນທີ 19 ທັນວາ 2020 ອົງການໄອຍະ ການປະຊາຊົນແຂວງສະຫວັນ ນະເຂດ ຮ່ວມກັບຄ້າຍຄຸມຂັງ -ດັດສ້າງແກ້ງຄັນກອງບັນຊາການ ປກສ ແຂວງ, ໄດ້ຈັດພິທີອະໄພ ຍະໂທດ ແລະປ່ອຍຕົວຜູ້ທີ່ຖືກ ຄຸມຂັງດັດສ້າງຢູ່ທີ່ຄ້າຍດັ່ງ ກ່າວ. ໂດຍການເຂົ້າຮ່ວມໃນ ພິທີຄັ້ງນີ້ມີທ່ານ ບຸນຍັງ ຈັນ ດາລາສານ ຮອງຫົວໜ້າອົງ ການໄອຍະການປະຊາຊົນສູງ ສຸດ ທັງເປັນຫົວໜ້າກອງເລ ຂາຄະນະກຳມະການອະໄພຍະ ໂທດລະດັບຊາດ, ທ່ານ ບຸນຖັນ ແສງດາລາ ກຳມະການພັກ ແຂວງ ຫົວໜ້າອົງການໄອຍະ ການປະຊາຊົນແຂວງທັງ ເປັນຮອງປະທານຄະນະກຳມະ ການອະໄພຍະໂທດ ຂັ້ນແຂວງ, ທ່ານ ພັທ ບຸນເລີດ ຄະທຸມຄົມ ຮອງຫົວໜ້າກອງບັນຊາການ ປກສ ແຂວງ ທັງເປັນຮອງປະ ທານຄະນະກຳມະການອະໄພ ຍະໂທດຂັ້ນແຂວງ, ນອກນັ້ນ ຍັງມີບັນດາທ່ານຄະນະນຳ ຂອງເມືອງ, ພະແນກການ ອ້ອມຂ້າງແຂວງ ແລະພາກ ສ່ວນທີ່ກ່ຽວຂ້ອງເຂົ້າຮ່ວມ. ພິເສດຍັງມີທ່ານຕາງໜ້າໃຫ້ ແກ່ກົງສຸນໃຫຍ່ແຫ່ງຣາຊະອາ ນາຈັກໄທກໍ່ໄດ້ເຂົ້າຮ່ວມ.

Image may contain: 3 people, people standing and people on stage

ທ່ານ ພັທ ສີນະຄອນ ນາມມະລາດ ຫົວໜ້າຄ້າຍຄຸມ ຂັງ-ດັດສ້າງແກ້ງຄັນ ໄດ້ລາຍ ງານໃຫ້ຮູ້ວ່າ: ຄ້າຍຄຸມຂັງ-ດັດສ້າງແກ້ງຄັນເປັນເສນາ ທິການໃຫ້ແກ່ກອງບັນຊາການ ປກສ ແຂວງ, ຮັບຜິດຊອບວຽກ ງານຄົ້ນຄວ້ານະໂຍບາຍດ້ານ ມະນຸດສະທຳໃຫ້ແກ່ນັກໂທດ, ຜູ້ຖືກດັດສ້າງ, ໃນນາມຜູ້ທີ່ ຄວບຄຸມ, ດູແລ, ເບິ່ງແຍງໃນ ດ້ານຄວາມປະພຶດ, ການກະ ທຳຕໍ່ຜູ້ທີ່ຖືກປະຕິບັດໂທດໃນ ໄລຍະຜ່ານມາ, ໄດ້ມີການ ຄົ້ນຄວ້າວິທີການ, ຂັ້ນຕອນໃນ ການຈັດຕັ້ງປະຕິບັດໃຫ້ເປັນ ອັນລະອຽດ, ສອດຄ່ອງຕາມ ທິດຊີ້ນຳ, ກໍ່ຄືແນວທາງນະ ໂຍບາຍຂອງພັກ, ລະບຽບກົດ ໝາຍຂອງລັດກ່ຽວກັບມາດ ຖານ, ເງື່ອນໄຂ, ວິທີການ, ຂັ້ນ ຕອນຂອງການສະເໜີອະໄພ ຍະໂທດຜ່ອນໂທດ ແລະອະໄພ ຍະໂທດປ່ອຍຕົວກ່ອນກຳນົດ ຕໍ່ນັກໂທດຜູ້ທີ່ມີການປະພຶດທີ່ດີ ແລະມີຜົນງານໃນການປະ ກອບສ່ວນໃນດ້ານຕ່າງໆ. ຜ່ານ ການຄົ້ນຄວ້າ ແລະປະຊຸມຮ່ວມ ກັນຈາກພາກສ່ວນທີ່ກ່ຽວຂ້ອງ ເປັນຕົ້ນ: ປກສ ແຂວງ, ອົງການ ໄອຍະການປະຊາຊົນແຂວງ, ຄະນະສານອາຍາສານປະຊາ ຊົນແຂວງ, ພະແນກຈັດຕັ້ງປະ ຕິບັດຄຳຕັດສິນຂອງສານໄດ້ ຕົກລົງເປັນເອກະພາບອະໄພ ຍະໂທດປ່ອຍຕົວທັງໝົດ178 ຄົນ, ຍິງ 19 ຄົນ, ຄົນຕ່າງ ປະເທດ 1 ຄົນ, ໃນນັ້ນຂໍ້ຫາຢາ ເສບຕິດມີ 170 ຄົນ ແລະຂໍ້ ຫາທົ່ວໄປມີ 8 ຄົນ. ນັກໂທດ ທີ່ໄດ້ຮັບອະໄພຍະໂທດຫຼຸດ ຜ່ອນໂທດຈຳນວນ 271 ຄົນ, ຍິງ 35 ຄົນ, ໃນນັ້ນ ຂໍ້ຫາຢາ ເສບຕິດມີຈຳນວນ 266 ຄົນ ແລະຂໍ້ຫາທົ່ວໄປມີ 5 ຄົນ.

Image may contain: 10 people, people standing and outdoor

ໂອກາດດັ່ງກ່າວ, ທ່ານ ບຸນຍັງ ຈັນດາລາສານ ກໍ່ຍັງ ໄດ້ຮຽກຮ້ອງຜູ້ທີ່ໄດ້ຮັບການ ປ່ອຍຕົວເມື່ອກັບສູ່ການດຳລົງ ຊີວິດປົກກະຕິຮ່ວມກັບສັງຄົມ ແລະຄອບຄົວຂອງຕົນແລ້ວ, ຕ້ອງສ້າງໃຫ້ຕົນເອງກາຍ ເປັນພົນລະເມືອງທີ່ດີຂອງ ຊາດ, ປະກອບສ່ວນຢ່າງຕັ້ງ ໜ້າເຂົ້າໃນການສ້າງສາພັດ ທະນາສັງຄົມ ແລະຄອບຄົວ, ເປັນເຈົ້າການຕ້ານທຸກປະກົດ ການຫຍໍ້ທໍ້, ປະກອບສ່ວນເຂົ້າ ໃນວຽກງານສັງຄົມ ແລະເປັນ ຄົນດີຂອງສັງຄົມຕໍ່ໄປ.

- Advertisment -

Most Popular