ປັດຈຸບັນ ລາວເຮົາແມ່ນມີຄວາມສ່ຽງສູງທີ່ຈະມີຜູ້ຕິດເຊື້ອເຂົ້າມາແຜ່ເຊື້ອພະຍາດໂຄວິດ 19 ແລະ ເກີດການລະບາດຮອບໃໝ່ ໃນປະເທດ, ຍ້ອນສະພາບການລະບາດຂອງປະເທດໃກ້ຄຽງ ທີ່ມີການລະບາດພາຍໃນປະເທດຢ່າງຕໍ່ເນື່ອງ ແລະ ແຜ່ລາມໄປຫຼາຍແຂວງ ຍ້ອນປະຊາຊົນບໍ່ເອົາໃຈໃສ່ປະຕິບັດມາດຕະການປ້ອງກັນການຕິດເຊື້ອທີ່ລັດຖະບານວາງອອກຢ່າງເຄັ່ງຄັດ, ສ່ວນຄົນເຈັບຕິດເຊື້ອພະຍາດໂຄວິດ 19ຈຳນວນ 4ຄົນ ແມ່ນຍັງສືບຕໍ່ນອນປິ່ນປົວຢູ່ໂຮງໝໍມິດຕະພາບ 150 ຕຽງ ທຸກຄົນແມ່ນມີອາການເບົາບາງ.

ດຣ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່,ກະ ຊວງສາທາລະນະສຸກສຸກຕາງໜ້າໃຫ້ຄະນະສະເພາະກິດເພື່ອປ້ອງກັນຄວບຄຸມແລະແກ້ໄຂການລະບາດຂອງພະຍາດໂຄວິດ19 ແຈ້ງໃຫ້ຮູ້ໃນໂອກາດຖະແຫລງຂ່າວປະຈໍາວັນກ່ຽວກັບສະພາບການລະບາດຂອງພະຍາດໂຄວິດ 19 ໃນມື້ນີ້ທີ່ກະຊວງສາທາ ລະນະສຸກວ່າ: ເພື່ອສະກັດກັ້ນການລະບາດຂອງພະຍາດໂຄວິດ 19 ແຕ່ຫົວທີບໍ່ໃຫ້ຂະ ຫຍາຍເປັນວົງກວ້າງ, ຈຶ່ງຂໍຮຽກຮ້ອງມາຍັງທຸກຄົນໃນສັງຄົມໃຫ້ເຫັນເຖິງຄວາມສຳຄັນໃນການປະຕິບັດຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ແລະ ຄຳແນະນຳຂອງຂະແໜງການກ່ຽວຂ້ອງວາງອອກຢ່າງເຄັ່ງຄັດ ພ້ອມທັງປະຕິບັດມາດຕະການປ້ອງກັນການຕິດເຊື້ອເປັນຕົ້ນ:

ໃສ່ຜ້າອັດປາກ-ດັງ, ໝັ່ນລ້າງມືເລື້ອຍໆ, ຮັກສາໄລຍະຫ່າງ, ຫຼີກລ້ຽງການເດີນທາງໄປຍັງສະຖານທີ່ແອອັດ, ໝັ່ນສັງເກດອາການຂອງຕົນເອງຫາກມີອາການຫາຍໃຈຝືດ, ດັງບໍ່ໄດ້ກິ່ນ, ລິ້ນບໍ່ໄດ້ລົດຊາດໃຫ້ທ່ານໄປພົບແພດທັນທີ ເພື່ອທຳການເກັບຕົວຢ່າງກວດຊອກຫາເຊື້ອ
ຮອງຫົວໜ້າກົມຄວບຄຸມພະຍາດຕິດຕໍ່ກະຊວງສາທາລະນະສຸກຍັງໃຫ້ຮູ້ຕື່ມວ່າ:

ປັດຈຸບັນ ຄະນະສະເພາະກິດເພື່ອປ້ອງກັນຄວບຄຸມແລະແກ້ໄຂການລະບາດຂອງພະຍາດໂຄວິດ19 ຍັງສືບຕໍ່ຕິດຕາມຜູ້ເດີນທາງເຂົ້າມາລາວຜ່ານດ່ານຊາຍແດນຈາກຈຸດຕ່າງໆ ແລະ ດໍາເນີນມາດຕະການຢ່າງເຂັ້ມງວດ ໂດຍສະເພາະການຈໍາກັດບໍລິເວນ ພ້ອມທັງເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອ, ສໍາລັບວັນທີ 21 ທັນວານີ້, ໄດ້ເກັບຕົວຢ່າງມາກວດວິເຄາະທັງໝົດ 559 ຄົນ, ຜົນກວດວິເຄາະທັງໝົດ ແມ່ນບໍ່ພົບເຊື້ອ, ໝາຍຄວາມວ່າ ວັນທີ 21ທັນວາ 2020 ບໍ່ພົບຜູ້ຕິດເຊື້ອໃໝ່.%

LEAVE A REPLY

Please enter your comment!
Please enter your name here