ໃນວັນທີ 21 ທັນວານີ້, ຢູ່ທີ່ຫ້ອງປະຊຸມ VIP ຊັ້ນ 2 ສະໂມສອນແຂວງສາລະວັນ ໄດ້ມີພິທີ ມອບ-ຮັບ ໜ້າທີ່ ຮອງເຈົ້າແຂວງສາລະວັນ ຜູ້ຊີ້ນຳວຽກງານວັດທະນະທຳ-ສັງຄົມ ແລະ ຜູ້ຊີ້ນຳວຽກງານເສດຖະກິດ ຢ່າງເປັນທາງການ, ໂດຍໃຫ້ກຽດເຂົ້າຮ່ວມຂອງ ທ່ານ ປອ ໂພໄຊ ໄຊຍະສອນ ກຳມະການສຳຮອງສູນກາງພັກ ເລຂາພັກແຂວງ ຮັກສາການເຈົ້າແຂວງສາລະວັນ, ມີບັນດາທ່ານຄະນະປະຈຳພັກແຂວງ, ກຳມະການພັກແຂວງ, ເຈົ້າເມືອງ-ຮອງເຈົ້າເມືອງ 8 ຕົວເມືອງ ແລະ ພະແນກການ, ອົງການທຽບເທົ່າອ້ອມຂ້າງແຂວງ ເຂົ້າຮ່ວມ.

Image may contain: 14 people, people standing

.

Image may contain: 19 people, people standing

ໂດຍປະຕິບັດຕາມມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງສາລະວັນ ແລະ ມະຕິຕົກລົງວ່າດ້ວຍການແບ່ງງານຄະນະບໍລິຫານງານພັກແຂວງສາລະວັນ ສະໄໝທີ IX ແລະ ປະຕິບັດຕາມຂໍ້ຕົກລົງ ສະບັບທີ 723/ຈຂ.ສວ ລົງວັນທີ 15 ທັນວາ 2020 ວ່າດ້ວຍການແຕ່ງຕັ້ງ ທ່ານ ສົມໃຈ ອຸ່ນຈິດ ຄະນະປະຈຳພັກແຂວງ ເປັນຮອງເຈົ້າແຂວງສາລະວັນ ຜູ້ຊີ້ນຳວຽກງານວັດທະນະທຳ-ສັງຄົມ ຄົນໃໝ່ ແລະ ຂໍ້ຕົກລົງສະບັບເລກທີ 755/ຈຂ.ສວ ຕົກລົງເຫັນດີ ແຕ່ງຕັ້ງ ທ່ານ ພູທົງ ຄຳມະນີວົງ ຄະນະປະຈຳພັກແຂວງ ເປັນຮອງເຈົ້າແຂວງ ຊີ້ນຳຂົງເຂດເສດຖະກິດ, ວຽກງານພັດທະນາຊົນນະບົດ-ແກ້ໄຂຄວາມທຸກຍາກ ແລະ ປະຕິບັດຕາມຂໍ້ຕົກລົງ ສະບັບເລກທີ 728/ຈຂ.ສວ ວ່າດ້ວຍການຍົກຍ້າຍ ທ່ານ ວິຊຽນ ນະວິກຸນ ຄະນະປະຈຳພັກ ຮອງເຈົ້າແຂວງ ຜູ້ຊີ້ນຳວຽກງານເສດຖະກິດ ຜູ້ເກົ່າ ໄປຮັບໜ້າທີ່ໃໝ່ ຢູ່ຄະນະກວດກາແຂວງ.

Image may contain: 12 people, people standing

.

Image may contain: 19 people, people standing

.

Image may contain: 4 people, people standing

ຈາກນັ້ນ ທ່ານຮອງເຈົ້າແຂວງ ຜູ້ຊີ້ນຳວຽກງານວັດທະນະທຳ-ສັງຄົມ ຜູ້ເກົ່າ ກໍ່ໄດ້ຜ່ານບົດສະຫຼຸບວຽກງານໂດຍຫຍໍ້ ໃນໄລຍະການຈັດຕັ້ງປະຕິບັດຜ່ານມາ ເຊີ່ງໄດ້ຍົກໃຫ້ເຫັນຜົນສຳເລັດຫຼາຍດ້ານ ໃນການຊີ້ນຳໆພາໃນທຸກຂົງເຂດວຽກງານວັດທະນະທຳ-ສັງຄົມ ເປັນຕົ້ນ: ວຽກງານສຶກສາທິການ ແລະ ກິລາ, ສາທາລະນະສຸກ, ແຮງງານ ແລະ ສະຫວັດດີການສັງຄົມ, ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ວິທະຍາໄລຄູສາລະວັນ, ການພົວພັນການຕ່າງປະເທດ ແລະ ອື່ນໆ, ທັງວຽກງານປະທານກຳມະການຕ່າງໆ ແລະ ໂອກາດດຽວກັນນັ້ນ ທ່ານຮອງເຈົ້າແຂວງສາລະວັນ ຜູ້ຊີ້ນຳວຽກງານເສດຖະກິດ ຜູ້ເກົ່າ ກໍ່ໄດ້ມອບໜ້າທີ່, ຄວາມຮັບຜິດຊອບໃນການຊີ້ນຳໆພາຂອງຕົນໃນແຕ່ລະດ້ານ ໄລຍະຜ່ານມາ ໃຫ້ຜູ້ທີ່ມາຮັບໜ້າທີ່ໃໝ່ ໄດ້ຮັບຮູ້ເຂົ້າໃຈ ຕໍ່ກັບບັນດາໜ້າວຽກ, ທິດທາງ, ແຜນການໃນຕໍ່ໜ້າ ເພື່ອໃຫ້ມີຄວາມສອດຄ່ອງ ແລະກົມກຽວກັນ ໃນການຈັດຕັ້ງປະຕິບັດວຽກງານໃນຕໍ່ໜ້າ.

Image may contain: 4 people, people standing

.

Image may contain: 3 people, indoor

ໃນພິທີກໍ່ໄດ້ມີການເຊັນບົດບັນທຶກ ມອບ-ຮັບ ໜ້າທີ່ ຢ່າງເປັນທາງການ ລະຫວ່າງ ທ່ານ ວິຊຽນ ນະວິກຸນ ຮອງເຈົ້າແຂວງ ຜູ້ຊີ້ນຳວຽກງານເສດຖະກິດ ຜູ້ເກົ່າ ກັບ ທ່ານ ພູທົງ ຄຳມະນີວົງ ຮອງເຈົ້າແຂວງ ຜູ້ຊີ້ນຳວຽກງານເສດຖະກິດ ຜູ້ໃໝ່. ໃນໂອກາດດຽວກັນນັ້ນ ກໍ່ໄດ້ລົງນາມເຊັນບົດບັນທຶກ ມອບ-ຮັບ ໜ້າທີ່ ຮອງເຈົ້າແຂວງສາລະວັນ ຜູ້ຊີ້ນຳວຽກງານວັດທະນະທຳ-ສັງຄົມ ລະຫວ່າງ ທ່ານ ພູທົງ ຄຳມະນີວົງ ຜູ້ເກົ່າ ກັບ ທ່ານ ສົມໃຈ ອຸ່ນຈິດ ຜູ້ໃໝ່ ຢ່າງເປັນທາງການ. ໂດຍຊ້ອງໜ້າຂອງ ທ່ານ ປອ ໂພໄຊ ໄຊຍະສອນ ຮັກສາການເຈົ້າແຂວງໆສາລະວັນ ພ້ອມດ້ວຍແຂກຖືກເຊີນເຂົ້າຮ່ວມ ເປັນສັກຂິພິຍານ.

Image may contain: 4 people, people sitting and indoor

ຂ່າວພາບ: ນາງ ທິດລານີ ໂຄດໂຍທາ.

LEAVE A REPLY

Please enter your comment!
Please enter your name here