ຂປລ. ສາທາລະນະລັດ ປະຊາທິປະໄຕ ປະຊາຊົນລາວ(ສປປລາວ) ແລະ ໄທ ຮ່ວມກັນຈັດງານ ສຳມະນາ ວິຊາການ ເພື່ອສະຫລອງ 70 ປີ ແຫ່ງຄວາມສຳພັນ ທາງການທູດລາວໄທ ໄດ້ກ້າວເຂົ້າສູ່ ຄວາມເປັນຫຸ້ນສ່ວນ ຍຸດທະສາດ ເພື່ອການຈະເລີນ ເຕີບໂຕ ແລະ ພັດທະນາ ຢ່າງໝັ້ນຄົງ.
ໂດຍມີທ່ານ ວິຊາວັດ ອິດສັກດິ ຜູ້ຊ່ວຍ ລັດຖະມົນຕີ ປະຈຳ ກະຊວງ ການຕ່າງປະເທດໄທ ແລະ ທ່ານ ແສງ ສຸຂະທິວົງ ເອກອັກຄະລັດ ຖະທູດ ສປປລາວ ປະຈຳ ປະເທດໄທ ພ້ອມດ້ວຍ ທ່ານກຽດຕິຄຸນຊາຕີ ປະເສີດ ປະທານ ສະມາຄົມມິດຕະພາບ ໄທ-ລາວ ໄດ້ຮ່ວມກັນ ເປັນປະທານ ໃນພິທີ ເປີດງານ ສຳມະນາ ວິຊາການ ພາຍໃຕ້ ຫົວຂໍ້ວ່າ “70 ປີ ແຫ່ງຄວາມສຳພັນ ທາງການທູດ ລາວ-ໄທ ໄດ້ກ້າວເຂົ້າສູ່ ຄວາມເປັນ ຫຸ້ນສ່ວນ ຍຸດທະສາດ ເພື່ອການຈະເລີນ ເຕີບໂຕ ແລະ ການພັດທະນາ ຢ່າງໝັ້ນຄົງ.” ແລະ ພິທີເປີດໂຕ ກາສັນຍາລັກ ຄົບຮອບ 70 ປີ ແຫ່ງຄວາມສຳພັນ ຢ່າງເປັນທາງການ ຢູ່ນະຄອນຫລວງ ບາງກອກ ປະເທດໄທ.