ພໍກ້າວເຂົ້າສູ່ລະດູແລ້ງ ຂອງທຸກໆປີ, ພໍ່ແມ່ປະຊາຊົນ ເຂດອາລັອງ ເມືອງນອງແຂວງ ສະຫວັນນະເຂດກໍ່ໄດ້ພ້ອມ ພຽງກັນສ້າງຂົວໄມ້ໄຜ່ຂ້າມ ເຊລະນອງ ເພື່ອເຮັດໃຫ້ການ ສັນຈອນໄປມາຄ້າຂາຍລະ ຫວ່າງບ້ານຕໍ່ບ້ານມີຄວາມສະດວກສະບາຍຂຶ້ນກວ່າເກົ່າ, ເຊິ່ງໃນຊ່ວງລະດູຝົນ, ປະຊາ ຊົນແມ່ນໄດ້ໃຊ້ແພ ຫຼືເຮືອຂ້າມໄປມາແຕ່ເນື່ອງຈາກຂົວຂ້າມເຊແມ່ນຖືກນ້ຳຊຸຖັ່ງໄປ ແລະ ປະຊາຊົນຕ້ອງໄດ້ສ້າງຂົວຂຶ້ນ ໃໝ່ໃນທຸກໆປີ.

Image may contain: 2 people, sky, outdoor and nature

ໃນວັນທີ 10 ທັນວາ 2020, ທ່ານ ບຸນນຳ ເພັງຄຳໃສ ຮອງຫົວໜ້າຫ້ອງການ ຖວທ ພ້ອມດ້ວຍຫົວໜ້າໜ່ວຍງານ ໄດ້ເບິ່ງຕົວຈິງໃນການສ້າງຂົວ ຂ້າມເຊລະນອງເຂດບ້ານອາ ລັອງ, ຈາກການລາຍງານ ຂອງທ່ານ ອາເນີມ ພົມມະຍັງ ເລຂາຄະນະພັກຮາກຖານເຂດ ອາລັອງ-ສະວຶ ໄດ້ໃຫ້ຮູ້ວ່າ: ມາຮອດລະດູແລ້ງຂອງທຸກໆ ປີ, ປະຊາຊົນຊາວບ້ານອາລັອງ ກໍ່ໄດ້ມີການເຕົ້າລວມປຶກສາ ຫາລືກັນລະຫວ່າງອຳນາດ ການປົກຄອງບ້ານ, ຊາວໜຸ່ມ ບ້ານ ແລະໄດ້ແບ່ງຄວາມຮັບ ຜິດຊອບໃຫ້ແຕ່ລະຈຸ, ແຕ່ລະ ໜ່ວຍຂອງບ້ານເພື່ອຫ້າງຫາ ກະກຽມ ໂດຍສະເພາະແມ່ນ ການຕັດໄມ້ລຽນລຳ ຫຼື ໄມ້ກົມ ຊຶ່ງແຕ່ລະໜ່ວຍໃຫ້ໄດ້ 53 ລຳ, ໄມ້ໄຜ່ 50ລຳ ພ້ອມອຸປະກອນມີ: ພ້າ, ເລື່ອຍ, ຄ້ອນຕີ ນອກນັ້ນ, ແຕ່ລະໜ່ວຍ ແມ່ນຍັງໄດ້ເກັບເງິນກັນຊື້ເຫຼັກຕະປູ ແລະລວດ ເພື່ອໃຊ້ມັດສ່ວນຕ່າງໆຂອງ ຂົວລວມມູນຄ່າການສິ້ນເປືອງ ທັງໝົດປະມານ 3 ລ້ານກີບ. ເຊິ່ງຂົວໄມ້ໄຜ່ຂ້າມເຊລະນອງ ມີຄວາມກວ້າງ 2,5 ແມັດ, ຍາວ 280 ແມັດ, ໃຊ້ເວລາໃນ ການກໍ່ສ້າງແມ່ນ 2 ວັນເຕັມ, ມີແຮງງານ 150 ຄົນ ຈາກນັ້ນ, ກໍ່ຍັງໄດ້ມີການສ້ອມແປງເສັ້ນ ທາງລະຫວ່າງສອງສົ້ນຂົວ ດັ່ງກ່າວຕື່ມອີກ ເນື່ອງຈາກປີນີ້, ປະສົບໄພພິບັດນ້ຳຖ້ວມເຮັດ ໃຫ້ເສັ້ນທາງມີການເປ້ເພເສຍ ຫາຍຫຼາຍສົມຄວນ.

Image may contain: one or more people, ocean, sky, outdoor, water and nature

ພາຍຫຼັງຂົວໄມ້ໄຜ່ສ້າງສຳ ເລັດແລ້ວກໍ່ຈະເຮັດໃຫ້ປະຊາ ຊົນເຂດອາລັອງ-ສະວຶໄດ້ທຽວ ໄປມາຢ່າງສະດວກສະບາຍ; ລົດຈັກ, ລົດກະບະທີ່ນ້ຳໜັກ1 ໂຕນລົງມາສາມາດແລ່ນຂ້າມ ໄດ້ ສຳລັບການສັນຈອນໄປມາ ຜ່ານຂົວດັ່ງກ່າວນີ້, ທາງບ້ານ ອາລັອງໄດ້ແຕ່ງຕັ້ງກັນຍາມ ຂົວ ເພື່ອເກັບຄ່າບໍລິການໃນນີ້ ປະເພດລົດຈັກໄປ-ກັບ 20.000 ກີບ, ສ່ວນລົດໃຫຍ່ໄປ-ກັບ 40.000 ກີບ ທັງນີ້ກໍ່ເພື່ອເປັນ ການສ້າງລາຍໄດ້ໃຫ້ແກ່ບ້ານ ແລະຄອບຄົວປະຊາຊົນຕື່ມ ອີກ.

LEAVE A REPLY

Please enter your comment!
Please enter your name here