ໃນວັນທີ 11 ທັນວາ 2020 ຢູ່ທີ່ຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ ໄດ້ມີພິທີອະໄພຍະໂທດປ່ອຍຕົວນັກໂທດ ຊ່ວງໄລຍະສະກັດກັ້ນ ແລະ ຄອບຄຸມການແຜ່ລະບາດ ຂອງພະຍາດອັກເສບປອດຈາກເຊື້ອຈຸລາໂລກສາຍພັນໃໝ່ COVID 19ໂດຍການເປັນປະທານ ຂອງທ່ານ ຄໍານວນ ກ້ອນ ກໍາມະການພັກແຂວງ ຫົວໜ້າອົງການໄອຍະການປະຊາຊົນ ແຂວງບໍ່ແກ້ວ ມີຫົວໜ້າ ຄ້າຍຄຸມຂັງດັດສ້າງ ຮອງຄ້າຍ ມີຫົວໜ້າພະແນກ, ພະນັກງານຄ້າຍຄຸມຂັງ ແລະ ຍາດພີ່ນ້ອງຜູ້ທີ່ໄດ້ຮັບອະໄພຍະໂທດເຂົ້າຮ່ວມ.

ໃນພິທີ ທ່ານພັທ ສົມລອງ ພົມມະສັກ ຄະນະພັກ ຫົວໜ້າຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ ກໍ່ໄດ້ຜ່ານເອກະສານ ລັດຖະດໍາລັດ ຂອງປະທານປະເທດ ສະບັບເລກທີ 201/ປປທນະຄອນຫຼວງວຽງຈັນ, ວັນທີ 11 ພະຈິກ 2020 ວ່າດ້ວຍການໃຫ້ອະໄພຍະໂທດປ່ອຍຕົວນັກໂທດ ຊ່ວງໄລຍະສະກັດກັ້ນ ແລະ ຄອບຄຸມການແຜ່ລະບາດ ຂອງພະຍາດອັກເສບປອດຈາກເຊື້ອຈຸລາໂລກສາຍພັນໃໝ່ COVID 19 ເຊິ່ງມີຈຳນວນທັງໝົດມີ 14 ຄົນ, ຍິງ 04 ຄົນ ລະອຽດມີບັນຊີດັ່ງນີ້:ບັນຊີອະໄພຍະໂທດປ່ອຍຕົວ ມີຈຳນວນ 10 ຄົນ, ຍິງ 04 ຄົນ ບັນຊີ ໃກ້ຈະໝົດໂທດ ໝາຍຄວາມວ່າໂທດ ຍັງປະຕິບັດ 120 ວັນ ມີຈໍານວນ 04 ຄົນ ແມ່ນມອບໃຫ້ເຈົ້າໜ້າທີ່ຄ້າຍຄຸມຂັງ ແຂວງ ປ່ອຍຕົວ ຕາມຄໍາຕັດສິນ, ຕາມກົດໝາຍ.

ໃນທ້າຍພິທີ ທ່ານ ຄໍານວນ ກ້ອນ ກໍ່ຍັງໄດ້ໂອລົມກັບຜູ້ທີ່ຖືກອະໄພຍະໂທດໃນຄັ້ງນີ້ ຈົ່ງຕັ້ງໃຈສ້າງແບບແຜນວິທີການເຮັດວຽກຄືນໃໝ່, ຄິດກິນແໜງແຄງໃຈກັບສິ່ງທີ່ຕົນເຄີຍເຮັດຜິດພາດມາແຕ່ຄາວຫຼັງ, ປ່ຽນແປງແນວຄິດເພື່ອເຮັດໃຫ້ຕົນເອງເປັນຄົນດີໃນສັງຄົມ, ບໍ່ກັບໄປເຮັດໃນສິງທີ່ຜິດຕໍ່ກັບກົດໝາຍບ້ານເມືອງທີ່ກໍານົດໄວ.

.

.

ຄ້າຍຄຸມຂັງ-ດັດສ້າງ ປກສ ແຂວງບໍ່ແກ້ວ

ພາບ-ຂ່າວ: ຮອ ວິທູນ ແກ້ວກັນຍາ

LEAVE A REPLY

Please enter your comment!
Please enter your name here