ອຸບັດຕິເຫດລົດໃຫຍ່ເສຍຫລັກປີ້ນລົງເຫວທາງພູເກົ້າຫລັກ ເສຍຊີວິດຄາທີ່ 1ຄົນ

ໃນວັນທີ 12.12.2020 ເວລາ 18:44 ນາທີ ໄດ້ຮັບແຈ້ງຈາກປະຊາຊົນເຂົ້າເບີ 0711625 ວ່າມີ ອຸບັດຕິເຫດລົດໃຫຍ່ເສຍຫລັກປີ້ນລົງເຫວທາງພູເກົ້າຫລັກ ຢູ່ທີ່ ບ້ານນາເມືອງ ເມືອງນານ ແຂວງຫລວງພະບາງ ເມື່ອທີມງານຫນ່ວຍກູ້ຊີບອົງການກາແດງລາວອອກກວດສອບເຫດພົບຄົນເສຍຊີວິດຄາທີ່ເປັນເພດຊາຍ01ຄົນ

ຊື່ທ້າວເຊັງຈີ ອາຍຸ 21 ປີ ສັນຊາດລາວ ບ້ານຢູ່ປັດຈຸບັນ ບ້ານນາໄຊ ເມືອງລ້ອງຊານ ແຂວງໄຊສົມບູນ

ທາງຫນ່ວຍກູ້ຊີບອົງການກາແດງລາວຈື່ງໄດ້ທຳການຫໍ່ສົບຂອງຜູ້ເສຍຊີວິດແລ້ວນຳສົ່ງໂຮງເຢັນໂຮງຫມໍແຂວງຫລວງພະບາງ ສ່ວນຍາດຕິພີ່ນ້ອງຂອງຜູ້ເສຍຊີວິດເມື່ອເຫັນໂພສນີ້ແລ້ວໃຫ້ມາຕິດຕໍ່ພົວພັນນຳເອົາສົບຜູ້ກ່ຽວໄປເຮັດພິທີທາງສາສະຫນານຳທາງໂຮງຫມໍແຂວງຫລວງພະບາງຫລືທີມງານພວກເຮົາໄດ້.

ທາງທີມງານຫນ່ວຍກູ້ຊີບອົງການກາແດງລາວ ຫລວງພະບາງພວກເຮົາຂໍສະແດງຄວາມເສຍໃຈມາຍັງຍາດຕິພີ່ນ້ອງຜູ້ເສຍຊີວິດ ແລະ ຂໍໃຫ້ດວງວິນຍານຂອງຜູ້ເສຍຊີວິດໄປສູ່ສຸຂະຕິດ້ວຍເທີ້ນ 🙏

ພົບເຫັນອຸບັດຕິເຫດ,ເຈັບ- ປ່ວຍ ສຸກເສີນໂທແຈ້ງ ☎️071 1625 ; 030 9211625 ບໍລິການຟີຣ ຕະຫຼອດ24 ຊົ່ວໂມງ.🚑

🚑ທ່ານໃດຢາກຊ່ວຍເຫລືອຫນ່ວຍງານ ສາມາດບໍລິຈາກເຄື່ອງອຸປະຖຳຕ່າງໆເຊັ່ນ: ເຂົ້າສານ,ອາຫານການກິນ,ນ້ຳມັນລົດ ຫລື ອຸປະກອນການແພດຕ່າງໆສາມາດຕິດຕໍ່ເຂົ້າເບີ 0309211625.

LEAVE A REPLY

Please enter your comment!
Please enter your name here