ບໍ່ແກ້ວ: ໃນຄັ້ງວັນທີ 03ທັນວາ 2020 ເວລາປະມານ 14 ໂມງ 00 ນາທີ, ທາງເຈົ້າໜ້າທີ່ຕໍ່າຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ບໍ່ແກ້ວ ໄດ້ລົງສົມທົບກັບເຈົ້າໜ້າທີ່ຕໍ່າຫຼວດບໍ່ລິການປະຊາຊົນ ແລະ ອົງການປົກຄອງ ບ້ານ ປາກຮາວເໜືອ ລົງກວດຄົ້ນເຮືອນຂອງເປົ້າໝາຍ ຢູ່ບ້ານປາກຮາວເໜືອ, ເມືອງຫ້ວຍຊາຍ ແຂວງບໍ່ແກ້ວ.

ຜ່ານການກວດຄົ້ນເຮືອນແມ່ນໄດ້ພົບເຫັນສິ່ງທີ່ຜິດກົດໝາຍຄື: ຢາເສບຕິດປະເພດຢາໄອສ ຈໍານວນ 314 ຫໍ່ ເທົ່າກັບ 314 ກິໂລ ແລະ ແປງຝຸ່ນສີຂາວ ຈໍານວນ 60 ຫໍ່ ເທົ່າກັບ 60 ກິໂລກຼາມ, ປືນສັ້ນ 1 ກະບອກ ພ້ອມລູກປືນ 13 ລູກ, ປືນເບີ 1 ກະບອກ ພ້ອມລູກປືນຈໍານວນ 10 ລູກ, ລູກປືນ AK ຈໍານວນ 13 ລູກ ແລະ ບັ້ງໃສ່ລູກປືນ 1 ອັນ, ປ້າຍລົດໃຫຍ່ 2 ຄູ່, ເງິນບາດໄທຈໍານວນ 120000 ບາດ ລົດຮຸ່ນໄດ້ 1 ຄັນແລະ ລົດຈັກຈໍານວນ 3 ຄັນ.

ພ້ອມທັງກັກຕົວຜູ້ຖືກຫາໄດ້ຈໍນວນ 4 ຄົນ, ຍິງ 1 ຄົນຄື: ນາງ ເກງວື່ ອາຍຸ 27 ປີ ອາຊີບເຮັດໄຮ່, ສັນຊາດລາວ, ຊົນເຜົ່າມົ້ງ, ຢູ່ບ້ານ ປາກຮາວເໜືອ ເມືອງຫ້ວຍຊາຍ ແຂວງບໍ່ແກ້ວ, ທ້າວ ເນັງຢ່າງ ອາຍຸ 17 ປີ, ທ້າວ ຕົວ ວາ ອາຍຸ 17 ປີແລະທ້າວ ກື່ ມົວ ອາຍຸ 17 ປີ ພວກກ່ຽວທັງ 03 ແມ່ນ ມີອາຊີບຫວ່າງງານ ສັນຊາດລາວ, ຊົນເຜົ່າມົ້ງ ຢູ່ບ້ານຮົ່ມເຢັນ ເມືອງຕົ້ນເຜິ້ງແຂວງບໍ່ແກ້ວ

ປັດຈຸບັນທາງເຈົ້າໜ້າທີ່ ຕໍ່າຫຼວດຂອງພວກເຮົາພວມດໍາເນີນການສືບສວນ-ສອບສວນຂະຫຍາຍຜົນຫາກຸ່ມແກ້ງ-ພັກພວກທີ່ຮ່ວມຂະບວນການຄ້າຂາຍຢາເສບຕິດລາຍນີ້ ມາດໍາເນີນຄະດີຕາມລະບຽບກົດ ໝາຍຕໍ່ໄປ.

ທີ່ມາ: ປກສ ແຂວງບໍ່ແກ້ວ

LEAVE A REPLY

Please enter your comment!
Please enter your name here