ວັນທີ 26 ພະຈິກ 2020 ນີ້ກອງກວດກາປ່າໄມ້ພະແນກກະສິກຳ ແລະ ປ່າໄມ້ແຂວງຫລວງນໍ້າທາ ໄດ້ຈູດທໍາລາຍສັດປ່າ, ສີ້ນສ່ວນສັດປ່າ, ຈັກສະຕິນ ແລະ ອາວຸດລ່າເນື້ອ ທີ່ຍຶດໄດ້ມາຈາກປະຊາຊົນຜູ້ກະທຳຜິດຕໍ່ລະບຽບກົດໝາຍຢູ່ທີ່ສະໜາມຂີ້ເຫຍື້ອເມືອງຫລວງນ້ຳທາ ເຂົ້າຮ່ວມຂອງທ່ານ ສຸລິວັນ ພົມມະຈິດ ຮອງຫົວໜ້າຫ້ອງວ່າການແຂວງ, ທ່ານ ໂພທິສັກ ພາພວມແພງ ຮອງກອງກວດກາປ່າໄມ້ ພະແນກກະສິກຳ ແລະ ປ່າໄມ້ແຂວງ ມີຫົວໜ້າ – ຮອງຫົວໜ້າຂະແໜງການທີ່ກ່ຽວຂ້ອງຂອງແຂວງເມືອງສອງກອງບັນຊາການພ້ອມດ້ວຍອົງການປົກຄອງບ້ານ ແລະ ວິຊາການພາຍໃນກອງກວດກາປ່າໄມ້ເຂົ້າຮ່ວມ.

.

ທ່ານ ໂພທິສັກ ພາພວມແພງ ຮອງຫົວໜ້າກອງກວດກາປ່າໄມ້ພະແນກກະສິກຳ ແລະ ປ່າໄມ້ແຂວງໄດ້ລາຍງານໃຫ້ຮູ້ວ່າ:ເພື່ອຫັນເຂົ້າສູ່ລະບຽບການຂອງກົມປ່າໄມ້ວາງອອກໃຫ້ມີປະສິດທິພາບນັ້ນກອງກວດກາປ່າໄມ້ພະແນກກະສິກຳ ແລະ ປ່າໄມ້ແຂວງຫລວງນໍ້າທາ ຈີ່ງໄດ້ປະຕິບັດຕາມ ສິດໜ້າທີ່ ພາລະບົດບາດອົງການສືບສວນ-ສອບສວນຂອງເຈົ້າໜ້າທີ່ປ່າໄມ້ ເລກທີ 1041/ກປ,ລົງວັນທີ 21 ພຶດສະພາ 2013ໃນການຈັດຕັ້ງປະຕິບັດການບັງຄັບໃຊ້ກົດໝາຍວ່າດ້ວຍປ່າໄມ້ ສະບັບປັບປຸງເລກທີ 64/ ສພຊ, ລົງວັນທີ 13 ມີຖຸນາ 2019,ຄຳສັ່ງເລກທີ 15/ ນຍ, ລົງວັນທີ 13 ພຶດສະພາ 2016 ແລະ ກົດໝາຍວ່າດ້ວຍສັດນ້ຳ-ສັດປ່າ ສາມາດຈັບ ແລະ ຍຶດໄດ້ສັດປ່າ,ສີ້ນສ່ວນສັດນໍາຜູ້ທີ່ລະເມີດຕໍ່ລະບຽບຄື: ໂຕເຫັງນ 2 ໂຕ ຈຳນວນ 13 ກິໂລ, ນົກຂວາ ແລະນົກຫອນຈຳນວນ 16 ກິໂລ , ໝູປ່າ1 ໂຕ ມີ 22 ກິໂລ, ສິ້ນສ່ວນສັດປ່າແຫ້ງ 49 ກິໂລ ລວມທັງໝົດ 102 ກິໂລ ສະເລ່ຍເປັນມູນຄ່າ 6 ລ້ານກວ່າກີບ. ຈັກສະຕິນຕັດໄມ້ 35 ເຄື່ອງ, ອາວຸດລ່າເນື້ອ ( ປຶນແກັບ ) 19 ກະບອກ.

.

ໂອກາດດຽວກັນທ່ານ ໂພທິສັກ ພາພວມແພງ ຮອງກອງກວດກາປ່າໄມ້ພະແນກກະສິກໍາ ແລະ ປ່າໄມ້ແຂວງກໍ່ໄດ້ຮຽກຮ້ອງມາຍັງພະນັກງານ, ທະຫານຕຳຫລວດຕະ ຫລອດຮອດປະຊາຊົນບັນດາເຜົ່າຈົ່ງຊ່ວຍກັນເປັນເຈົ້າການສະກັດກັ້ນແລະ ຢຸດເຊົາ ການບຸກລຸກທຳລາຍປ່າໄມ້, ທີ່ດິນປ່າໄມ້, ຢຸດການລ່າ, ການຊື້-ຂາຍ ສັດປ່າ ແລະ ສິ້ນສ່ວນສັດປ່າ ທີ່ຜິດຕໍ່ລະບຽບກົດໝາຍ,ນຳເອົາລະບຽບກົດໝາຍໄປເຜີຍແຜ່ ໃຫ້ລູກ ຫລານ ແລະ ພີ່ນ້ອງທຸກຄົນໄດ້ຮັບຮູ້ ແລະ ເຂົ້າໃຈ ຕໍ່ລະບຽບກົດໝາຍ.ຈົ່ງພ້ອມກັນຊ່ວຍເປັນເຈົ້າການໃນການຄຸ້ມຄອງ ປົກປັກຮັກສາ ແລະ ອະນຸລັກ ຊັບພະຍາກອນປ່າໄມ້, ສັດນ້ຳ ແລະ ສັດປ່າ ໃຫ້ຍືນຍົງຢູ່ຕະຫຼອດໄປ.

ຂ່າວ: ກິ່ນນາລົມ

LEAVE A REPLY

Please enter your comment!
Please enter your name here