ໜັງສືພີມວຽງຈັນທາຍລາຍງານ: ສັງຄົມລາວ ຫຼື ຄົນລາວມີຄວາມກັງວົນເພີ່ມຂຶ້ນກ່ຽວກັບພະຍາດໂຄວິດ-19 ພາຍຫຼັງທີ່ພົບຜູ້ຕິດເຊື້ອມື້ດຽວ 14 ກໍລະນີ ໃນເດືອນພະຈິກ2020 ທີ່ຜ່ານມາ ແລະ ຫຼ້າສຸດເມື່ອວັນທີ 3 ທັນວາທີ່ຜ່ານມາ, ຫ້ອງວ່າການແຂວງບໍ່ແກ້ວ ໄດ້ອອກແຈ້ງການໃຫ້ໂຈະກິດຈະການເດີນເຮືອຂົນສົ່ງສິນຄ້າທຸກປະເພດ ຢູ່ຈຸດດ່ານສາກົນບ້ານມອມ ແລະ ດ່ານສາກົນສາມຫຼ່ຽມຄໍາ ຢູ່ ເມືອງຕົ້ນເຜີ້ງ ແລະ ໃຫ້ຢຸດການນໍາເຂົ້າ-ສົ່ງອອກຊົ່ວຄາວ ເພື່ອເພີ່ມມາດຕະການປ້ອງກັນພະຍາດໂຄວິດ-19 ຈາກປະເທດເພື່ອນບ້ານ,

.

This image has an empty alt attribute; its file name is 129217375_196299301999881_1284229214723307103_n.jpg

ນອກນັ້ນ ຫ້ອງວ່າການແຂວງຫຼວງນໍ້າທາໄດ້ອອກແຈ້ງການດ່ວນ ເຖິງປະຊາຊົນພາຍໃນແຂວງໃຫ້ເພີ່ມທະວີມາດຕະການຕ້ານພະຍາດໂຄວິດ-19 ພາຍຫຼັງທີ່ກວດພົບຄົນ ໄຂ້ທີ່ມີອາການຄ້າຍຄືນິຍາມຕິດເຊື້ອພະຍາດໂຄວິດ-19 ຢູ່ແຂວງຫຼວງນໍ້າທາໃນວັນທີ 3 ທັນວາ 2020  ແລະ ພະແນກໂຍທາທິການ ແລະ ຂົນສົ່ງ (ຍທຂ) ແຂວງຜົ້ງສາລີ ກໍໄດ້ອອກແຈ້ງການດ່ວນເຊັ່ນກັນ ເຖິງຫ້ອງການຍທຂ 7 ເມືອງພາຍໃນແຂວງໃຫ້ ຢຸດການຂົນສົ່ງຜູ້ໂດຍສານ ແລະ ສິນຄ້າທຸກປະເພດທີ່ນໍາມາຈາກແຂວງຫຼວງນໍ້າທາ ເພື່ອເຂົ້າມາ ແຂວງຜົ້ງສາລີ ຊົ່ວຄາວນັ້ນ

.

This image has an empty alt attribute; its file name is 129343421_196299495333195_5389923574709347129_n.jpg

ຍິ່ງເພີ່ມຄວາມກັງວົນໃຫ້ພວກເຂົາຂຶ້ນຕື່ມອີກ ຊຶ່ງປະຊາຊົນຈໍານວນຫຼາຍຮຽກຮ້ອງໃຫ້ຄະນະສະເພາະກິດຄວບຄຸມ, ປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ອອກມາຊີ້ແຈງກ່ຽວກັບການອອກແຈ້ງການດ່ວນຢູ່ 3 ແຂວງດັ່ງກ່າວ ວ່າເກີດຫຍັງຂຶ້ນກັນແທ້ ເພື່ອຫຼຸດຜ່ອນຄວາມກັງວົນຂອງປະຊາຊົນ.ແຕ່ເມື່ອເບີ່ງຄືນກ່ຽວກັບການປະຕິບັດມາດຕະການປ້ອງກັນພະຍາດດັ່ງກ່າວຂອງສັງຄົມລາວແມ່ນບໍ່ເອົາໃຈໃສ່ເທົ່າທີ່ຄວນໂດຍສັງເກດໄດ້ເຊັ່ນ: ການປະຕິບັດໄລຍະຫ່າງຍັງປະຕິບັດບໍ່ໄດ້, ປະຊາຊົນຈໍານວນຫຼາຍ ຫຼື ນັກຮຽນ-ນັກສຶກສາ ຈໍານວນຫຼາຍຍັງບໍ່ໃສ່ຜ້າອັດປາກ-ດັງ ນອກນັ້ນຍັງມີການເປີດຮ້ານອາຫານ, ຮ້ານບັນເທິງ ແລະ ອື່ນໆ.

ຫຼັງຈາກທີ່ມີແຈ້ງການດ່ວນ…! ຈາກຫົວໜ້າຫ້ອງວ່າການ ແຂວງຫຼວງນໍ້າທາ ເພື່ອປ້ອງກັນ ສະກັດກັ້ນ ແລະ ຄວບຄຸມ ບໍ່ໃຫ້ເຊື້ອພະຍາດ ໂຄວິດ-19 ແຜ່ລາມອອກສູ່ວົງກ້ວາງ ໂດຍໃຫ້ເພີ່ມສະຕິລະວັງໂຕ. ທາງດ່ານບໍ່ເຕັນ ແຂວງຫຼວງນ້ຳທາ ກໍ່ໄດ້ຄຸມເຂັ້ມ ເພີ່ມທະວີກວດເຊື່ອພະຍາດໂຄວິດ-19 ຢ່າງເຂັ້ມງວດຂຶ້ນ…! ເພື່ອຄວາມປອດໄພຂອງທຸກຄົນ

ທັງນີ້ຄະນະຄຸ້ມຄອງເຂດເສດຖະກິດພິເສດຖະກິດພິເສດແຂວງຫຼວງນໍ້າທາ ສົມທົບກັບພາກສ່ວນກ່ຽວຂ້ອງ ເປັນເຈົ້າການໃນການສຶກສາອົບຮົມປະຊາຊົນ ແລະ ບັນດາຜູ້ປະກອບການໃຫ້ເພີ່ມທະວີສະຕິລະວັງຕົວ, ປະຕິບັດມາດຕະການສະກັດກັ້ນ-ປ້ອງກັນພະຍາດດັ່ງກ່າວຢ່າງເຂັ້ມງວດໃຫ້ມີຄວາມອຸ່ນອ່ຽນ ທຸ່ນທ່ຽງ ບໍ່ໃຫ້ແຕກຕື່ນ

LEAVE A REPLY

Please enter your comment!
Please enter your name here