Monday, December 6, 2021

ການນໍາ ແຂວງຈໍາປາສັກ ວາງພວງມາລາ ວັນຊາດ ແຫ່ງ ສປປ ລາວ ຄົບຮອບ 45 ປີ ແລະວັນເກີດ ປະທານ ໄກສອນ ພົມວິຫານ ຄົບຮອດ 100 ປີ

ໃນໂອກາດ ແລະການສະເຫຼີມສະຫຼອງ ວັນປະຫວັດສາດ ປີ 2020, ວັນຊາດ ແຫ່ງ ສປປ ລາວ ຄົບຮອບ 45 ປີ (2/12/1975 – 2/12/2020) ແລະວັນເກີດ ປະທານ ໄກສອນ ພົມວິຫານ ຄົບຮອດ 100 ປີ (13/12/1920 – 13/12/2020) ທີ່ຈະມາຮອດມາເຖິງ, ຕອນເຊົ້າຂອງວັນທີ 1 ທັນວາ 2020 ນີ້, ການນໍາ ແຂວງຈໍາປາສັກ ນຳໂດຍ ທ່ານ ວິໄລວົງ ບຸດດາຄໍາ ກໍາມະການສູນກາວພັກ ເລຂາພັກແຂວງ ເຈົ້າແຂວງໆ ຈໍາປາສັກ ພ້ອມດ້ວຍ ຄະນະນໍາຂອງແຂວງ ໃນທຸກຂົງເຂດ ໄດ້ເຂົ້າວາງພວງມາລາ ຢູ່ທີ່ອະນຸສາວະລີ ນັກຮົບນິລະນາມ ( ສະໜາມແດງ) ແຂວງຈໍາປາສັກ, ອະນຸສາວະລີ ອົງກົມມະດໍາ ແລະ ອະນຸສອນສະຖານນັກຮົບ ນິລະນາມລາວ-ຫວຽດນາມ ທີ່ເມືອງປາກຊ່ອງ

.

.

.

ພ້ອມກັນນັ້ນ, ບັນດາການນຳ ແຂວງຈຳປາສັກ ຍັງໄດ້ເຂົ້າວາງກະຕ່າ ດອກໄມ້ ທີ່ ອະນຸສະຖານ ປະທານ ໄກສອນ ພົມວິຫານ ຜູ້ນຳ ທີ່ແສນ ເຄົາລົບຮັກຂອງປວງຊົນລາວ ທັງຊາດ ທັງນີ້, ກໍເພື່ອເປັນການສະແດງ ເຖິງຄວາມເຄົາລົບຮັກ, ຄວາມກະຕັນຍູ-ຮູ້ບຸນຄຸນ, ຄຸນງາມຄວາມດີ ແລະ ຜົນງານອັນໃຫຍ່ຫລວງ ຂອງບັນພະບູລຸດລາວ ທີ່ໄດ້ອຸທິດຕົນ ເພື່ອປະເທດຊາດ ແລະ ການປະຕິວັດ ໃນໄລຍະຜ່ານມາ ຈົນສາມາດປົດປ່ອຍ ປະເທດຊາດ ໄດ້ຢ່າງສົມບູນ ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ຈົນເຖິງເທົ່າທຸກວັນນີ້.

.

.

.

ຜູ້ໂຜສ: ດາວພະຈັນ ໄຊຍະວົງຂ່າວ: ທັດຊະນະ

- Advertisment -

Most Popular