ໃນຕອນບ່າຍວັນທີ 27.ພະຈິກ 2020 ທີ່ບໍລິເວນເດີ່ນວັດພຣະທາດອີງຮັງໄດ້ຈັດພິທີເປີດງານບຸນກອງເຂົ້າໃຫຍ່ໄຫວ້ພຣະທາດອີງຮັງປະຈຳປີ 2020ຂຶ້ນໂດຍເປັນກຽດເຂົ້າຮ່ວມຂອງທ່ານສັນຕິພາບພົມວິຫານເຈົ້າແຂວງສະຫວັນນະເຂດ,ທ່ານປອແສງທອງວັງແກ້ວມະນີເຈົ້ານະຄອນໄກສອນພົມວິຫານ,ຫົວໜ້າພະແນກຖວທແຂວງ,ມີບັນດາການນຳພັກ-ລັດແຂວງ,ການນຳພັກລັດຂັ້ນນະຄອນ,ບັນດາການນຳເມືອງອ້ອມຂ້າງ,ນັກທຸລະກິດ ,ຫ້າງຮ້ານ ເຂົ້າຮ່ວມພິເສດທ່ານ ກິດຕິສັກຫຼໍ່ປະຕິມະກອນຮອງກົງສູນໃຫຍ່ແຫ່ງຣາຊະອານາຈັກໄທປະຈຳແຂວງສະຫວັນນະເຂດ,ພ້ອມມີບັນດາມວນຊົນເຂົ້າຮ່ວມຢ່າງຫຼວງຫຼາຍ.

.

ໃນພິທີ ທ່ານ ປອ ແສງທອງ ວັນແກ້ວມະນີ ເຈົ້ານະຄອນໄກສອນ ພົມວິຫານ ກໍ່ໄດ້ກ່າວການກະກຽມງານ , ຄວາມເປັນມາຂອງພຣະທາດອີງຮັງ ແລະ ກ່າວເປີດງານຢ່າງເປັນທາງການວ່າ:ພະທາດອີງຮັງ ແມ່ນປູສະນິຍະສະຖານ ທີ່ເກົ່າແກ່ຍາວນານ ທາງດ້ານປະກວັດສາດແຫ່ງໜື່ງຂອງແຂວງສະຫວັນນະເຂດ, ເຊິ່ງເປັນບ່ອນສັກກະລະບູຊາຂອງຊາວພຸດ ເວົ້າລວມ ເວົ້າສະເພາະແມ່ນຊາວແຂວງສະຫວັນນະເຂດ, ຕາມຮີດຄອງປະເພນີທີ່ເຄີຍປະຕິບັດກັນມາ ພໍຮອດເດືອນຈຽງເພັງຂອງທຸກໆປີ ພວກເຮົາໄດ້ພ້ອມພຽງກັນຈັດໃຫ້ມີການສະເຫຼີມສະຫຼອງງານບຸນນະມັດສະການພະທາດອີງຮັງປະຈໍາປີຂຶ້ນຢ່າງຄຶກຄື້ນ ແລະ ເບີກບານມ່ວນຊື່ນ ຕາມຮີດຄອງປະເພນີ ທີ່ເຄີຍປະຕິບັດກັນມາແຕ່ບູຮານນະການ, ງານບຸນນະມັດສະການພະທາດອີງຮັງປີນີ້ ແມ່ນໄດ້ຈັດຂຶ້ນໃນທ່າມກາງບັນຍາກາດທີ່ທົ່ວພັກ-ລັດ, ກໍາລັງປະກອບອາວຸດ ແລະ ປະຊາຊົນບັນດາເຜົ່າຊາວແຂວງສະຫວັນນະເຂດ ກໍ່ຄືຊາວນະຄອນ ໄກສອນພົມວິຫານ ພວມອອກແຮງແຂ່ງຂັນກັນສ້າງຂະບວນການ ຂໍ່ານັບຮັບຕ້ອນວັນຊາດທີ 2 ທັນວາ ຄົບຮອບ 45 ປີ, ວັນຄ້າຍວັນເກີດຂອງປະທານໄກສອນພົມວິຫານ ຄົບຮອບ 100 ປີ, ຂໍ່ານັບຊົມເຊີຍຜົນສໍາເລັດກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງ ແລະ ວັນສໍາຄັນທາງປະຫວັດສາດຂອງຊາດອື່ນໆ ຢ່າງເປັນຂະບວນຟົດຟື້ນ.

.

.

ນະຄອນ ໄກສອນພົມວິຫານ ກໍ່ຄືຄະນະກໍາມະການຮັບຜິດຊອບ ໄດ້ຫ້າງຫາກະກຽມບັນດາກິດຈະກໍາຕ່າງໆ ມາແຕ່ກາງເດືອນພະຈິກ ເປັນຕົ້ນມາ, ພາຍໃນງານທາງຄະນະກໍາມະການໄດ້ຈັດໃຫ້ມີບັນດາກິດຈະກໍາຕ່າງໆເຊັ່ນ: ຮ້ານວາງສະແດງສິນຄ້າໂອດັອບ ຈາກພາຍໃນແຂວງ, ຕ່າງແຂວງ ລວມມີ 30 ຮ້ານ, ຮ້ານວາງສະແດງຈໍາໜ່າຍສິນຄ້າ ຈາກບໍລິສັດຫ້າງຮ້ານ 300 ກວ່າຮ້ານ, ຈັດໃຫ້ມີຂະບວນພາເລດ ແລະ ຂະບວນຟ້ອນປະເພນີຂອງແຂວງສະຫວັນນະເຂດ ເຊິິ່ງປະກອບມີ: ຂະບວນຖືຂັນໝາກເບັງ,ຂະບວນປະເພນີເສື້ອແດງໄຊຍະພູມ,ຂະບວນໃສ່ຊຸດຊົນເຜົ່າຂອງແຂວງສະຫວັນນະເຂດ ( ເຜົ່າລາວ, ເຜົ່າພູໄທແລະເຜົ່າບຣູ ),ຂະບວນຟ້ອນເສື້ອສີປະເພນີຈາກກຸ່ມບ້ານທີ 1, 2, 3, 4, 5, 6, 8, 10,ຂະບວນຟ້ອນຈາກໂຮງຮຽນມັດທະຍົມຕົ້ນທາດອີງຮັງຂະບວນຟ້ອນຈາກມະຫາວິທະຍາໄລສະຫວັນນະເຂດ,ໂຮງຮຽນມສໂພນສີມແລະວິທະຍາໄລຄູສະຫວັນນະເຂດ

.

.

ນອກນັ້ນຍັງມີພິທີທາງສາສະໜາຍັງຈະມີ ພິທີແຫ່ປະສາດເຜີ້ງ ໃນຕອນບ່ອຍຂອງ ວັນທີ 29 ພະຈິກ 2020 ແລະ ຕອນເຊົ້າຂອງວັນທີ 30 ພະຈິກ 2020 ກໍ່ຈັດໃຫ້ມີພິທີຕັກບາດຖວາຍສັງຄະທານ ຕອນກາງຄືນມີການວຽນທຽນ ຕາມຮີດຄອງປະເພນີ.ໂອກາດດຽວກັນນີ້ ທ່ານເຈົ້າແຂວງສະຫວັນນະເຂດ,ເຈົ້ານະຄອນໄກສອນພົມວິຫານພ້ອມດ້ວຍການນຳພັກ-ລັດກໍ່ໄດ້ພ້ອມກັນລັ່ນຄ້ອງ 9ບາດ ເພື່ອເປັນສິລິມຸງຄຸນແກ່ງານຄັ້ງນີ້ດ້ວຍ.

.

.

LEAVE A REPLY

Please enter your comment!
Please enter your name here