ເຈົ້າໜ້າທີ່ປກສ ເມືອງເຟືອງ ແຂວງວຽງຈັນ ຕິດ ຕາມຈັບເປົ້າໝາຍຢາເສບຕິດ ໄດ້ໃນວັນທີ 23 ກໍ ລະກົດ ຜ່ານມາ, ພ້ອມຂອງກາງ ຢາບ້າ 9.414 ເມັດ ໄປດຳເນີນຄະດີ. ເຈົ້າໜ້າທີ່ ປກສ ເມືອງເຟືອງ ໃຫ້ຮູ້ວ່າ: ຜູ້ຖືກຫາ ຊື່ ທ້າວ ຊົງຕົວເລົ່າ ອາຍຸ 58 ປີ ຢູ່ບ້ານນາກາງ ເມືອງເຟືອງ ແຂວງວຽງຈັນ ມີຂອງກາງຢາບ້າ 9.414 ເມັດ,ຝິ່ນ1 ກິໂລກຼາມ,ປືນ ດັດແປງ ຍິງດ້ວຍລູກ AK ຈຳນວນ1ກະບອກ ພ້ອມດ້ວຍລູກ ປືນ 7 ລູກ, ປືນດັດແປງ ຍິງດ້ວຍລູກອັດ (ລູກປືນກະລັງ) 1 ກະບອກ ພ້ອມດ້ວຍລູກປືນ11 ລູກ ແລະ ໝາກຝ່າ 1 ແທ່ງ ໜັກ 2,5 ກິໂລກຼາມ ທີ່ຊຸກເຊຶ່ອງໄວ້ໃນເຮືອນຂອງຜູ້ກ່ຽວ.

ຜ່ານການສອບສວນ ທ້າວຊົງຕົວເລົ່າ ສາລະ ພາບວ່າ: ຢາບ້າທີ່ນຳມາຂາຍ ແມ່ນພົວພັນຊື້ຢູ່ບ້ານໂພນແສນ ເມືອງໝື່ນ ແຂວງວຽງຈັນ ແລະ ຢາຝິ່ນ ແມ່ນໄດ້ສັ່ງຊື້ນຳຜູ້ຄົນຮູ້ຈັກ ຢູ່ຫຼັກ 52 ເມືອງໂພນໂຮງ ແຂວງວຽງຈັນ ແລ້ວນຳມາຂາຍໃຫ້ໄວລຸ້ນມົ້ວສຸມຢາພາຍໃນບ້ານ ແລະ ບ້ານໃກ້ຄຽງ.

ສ່ວນປືນດັດແປງ 2 ກະບອກ ແມ່ນຜູ້ກ່ຽວປະ ດິດເອງ ເພື່ອເອົາໄວ້ປ້ອງກັນຕົວ ແລະ ໝາກຝ່າ 2,5 ກິໂລກຼາມ ແມ່ນໝູ່ ຢູ່ແຂວງຜົ້ງສາລີ ຝາກມາໃຫ້.

LEAVE A REPLY

Please enter your comment!
Please enter your name here