ນະຄອນຫຼວງວຽງຈັນ: ຂ່າວດ່ວນ ໃນວັນທີ 23 ພະຈິກ 2020 ຄະນະສະເພາະກິດຄວບຄຸມ ປ້ອງກັນ ແລະ ແກ້ໄຂການລະບາດຂອງພະຍາດໂຄວິດ-19 ຖະແຫຼງຂ່າວລາຍງານສະພາບການລະບາດຂອງພະຍາດ ໂຄວິດ-19 ໃຫ້ຮູ້ວ່າ ພົບຜູ້ຕິດເຊື້ອໂຄວິດ-19 ໃນລາວ ເພີ່ມອີກ 14 ກໍລະນີ.

ນີ້ຖືເປັນການພົບຜູ່ຕິດເຊື້ອຈໍານວນຫຼາຍທີ່ສຸດພ້ອມກັນ. ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ໃຫ້ຮູ້ວ່າ:

“ປັດຈຸບັນ ສປປ ລາວ ກວດພົບຜູ້ຕິດເຊື້ອໂຄວິດ-19 ເພີ່ມອີກ 14 ກໍລະນີ, ໃນນັ້ນ ເປັນຄົນສັນຊາດລາວ 1 ຄົນ ແລະ ໃນຈຳນວນ 14 ຄົນນີ້ມີເດັກອາຍຸຕໍ່າສຸດ 1 ຄົນ ອາຍຸ 12 ປີ ເຊິ່ງເປັນບຸກຄົນທຳອິດທີ່ມີເກນອາຍຸຕໍ່າສຳລັບຜູ້ຕິດເຊື້ອໂຄວິດທີ່ກວດພົບຢູ່ ສປປ ລາວ.”

ຮອດປະຈຸບັນ, ມີຜູ່ຕິດເຊື້ອສະສົມ 39 ຄົນ, ປົວດີ 24, ກໍາລັງປິ່ນປົວ 15 ຄົນ.

ກົດຊົມຄລິບຖະແຫຼງຂ່າວ

LEAVE A REPLY

Please enter your comment!
Please enter your name here