ສຳນັກຂ່າວວຽງຈັນທາຍ ໄດ້ລາຍງານວ່າ: ບຸນກິນຈຽງຂອງຊົນເຜົ່າມົ້ງ (ບຸນປີໃໝ່ເຜົ່າມົ້ງ)  ແມ່ນບຸນໃຫ່ຍໜຶ່ງທີ່ສືບທອດກັນມາຍາວນານ ແລະ ຈັດຂຶ້ນໃນທຸກໆປີ ຢູ່ແຂວງຕ່າງໆໃນຂອບເຂດທົ່ວປະເທດ ເພື່ອສົ່ງເສີມຮິດຄອງປະເພນີ ແລະ ວັດທະນະທໍາອັນດີງາມຂອງຊົນເຜົ່າມົ້ງທີ່ສືບທອດກັນມາຍາວນານ, ເພື່ອເປັນການເຕົ້າໂຮມຄວາມສາມັກຄີຂອງຊົນເຜົ່າມົ້ງ, ທັງເປັນເວທີໃຫ້ຊົນເຜົ່າມົ້ງໃຫ້ມີຄວາມກ້າສະແດງອອກທາງສັງຄົມ ແລະ ທັງເປັນການສົ່ງເສີມສິນຄ້າຂອງຊົນເຜົ່າມົ້ງທີ່ມີເອກະລັກຂອງເຂົາເຈົ້າ.

ພາບປະກອບບົດຂ່າວ

ສະເພາະບຸນກິນຈຽງຂອງຊົນເຜົ່າມົ້ງ 2021 ທີ່ ບ້ານ ຊຳເກດ ເມືອງ ສີໂຄດຕະບອງ ນະຄອນຫຼວງວຽງຈັນ ປີນີ້ຖືວ່າຈັດໃຫ່ຍກວ່າທຸກໆປີທີ່ຜ່ານມາເພື່ອເປັນການສົ່ງເສີມລາວທ່ຽວລາວ ຊຶ່ງການປະກວດນາງສາວເຜົ່າມົ້ງມີການຊິງລາງວັນສູງເຖິງ 150 ລ້ານກີບ.  

ພາບປະກອບບົດຂ່າວ

ບຸນກິນຈຽງຂອງຊົນເຜົ່າມົ້ງ ປີ 2021 ນີ້ຢູ່ບ້ານຊໍາເກດຈະຈັດໃນລະຫວ່າງ ວັນທີ 25 ທັນວາ 2020 ຫາ 03 ມັງກອນ 2021, ພາຍໃນງານຈະມີຕະຫຼາດນັດຂາຍສິນຄ້າ ແລະ ການສະແດງສີລະປະດົນຕີຂອງຊົນເຜົ່າມົ້ງໃນທຸກໆຄືນ, ມີການແຂ່ງຂັນກິລາຊົນງົວ, ກິລາເຕະບານ, ຕີໝາກຄ່າງ, ຍິງໜ້າເກັກ, ໂຍ່ນໝາກຄ້ອນ, ງານປະກວດສາວເຜົ້່າມົ້ງ ແລະ ກິດຈະກໍາອື່ນໆ.

ພາບປະກອບບົດຂ່າວ

LEAVE A REPLY

Please enter your comment!
Please enter your name here