ທິມກິລາບານເຕະຈໍາປາສັກ ແຊັມບານເຕະສະຫຼອງວັນຊາດຄົບຮອບ 45 ປີ ໄດ້ຮັບການຕ້ອນຮັບຢ່າງສົມກຽດ.

ຕອນຄໍ່າຂອງວັນທີ 22 ພະຈິກ 2020 ນີ້,ທີ່ເດີ່ນສໍານັກງານຫ້ອງວ່າການແຂວງ, ທ່ານ ປອ ວິໄລວົງ ບຸດດາຄໍາ ເຈົ້າແຂວງຈໍາປາສັກພ້ອມຄະນະນໍາຂອງແຂວງ,ໄດ້ຕ້ອນຮັບຊົມເຊີຍຄະນໍາ,ຄູຝຶກ ແລະນັກກິລາ,ພາຍຫຼັງທີ່ທິມກິລາບານເຕະຊາຍ ນໍາຂັນຊະນະເລີດກິລາ ບານເຕະ ເພື່ອຕ້ອນຮັບ ສະເຫຼີມສະຫຼອງວັນຊາດທີ 2 ທັນວາ ຄົບ 45 ປີ ທີ່ນະຄອນຫຼວງວຽງຈັນ ເປັນຂອງຂັວນມາຕ້ອນໃຫ້ຊາວຂວງຈໍາປາສັກຢ່າງສົມກຽດ.

ໃນພິທີ ເຈົ້າແຂວງຈໍາປາສັກໄດ້ກ່າວຕີລາຄາສູງ,ສະແດງຄວາມຊົມເຊີຍ,ນໍ້າໃຈເສຍສະຫະ,ສາມັກຄີ,ຄວາມມີມານະອົດທົນພະຍາຍາມ,ຄວາມຕັດສິນໃຈອັນສູງສົ່ງຂອງຄະນະນໍາ,ຄູຝຶກ ແລະ ນັກກິລາທຸກຄົນ ທີ່ສາມາດຜ່ານຜ່າຄວາມຫຍຸ້ງຍາກ ໃນທີ່ສຸດກໍປະສົບຜົນສໍາເລັດນໍາກຽດ ແລະຊື່ສຽງ ມາສູ່ແຂວງຈໍາປາສັກ ກໍຄືຄອງຂັນຊະນະເລີດກິລາບານເຕະຊາຍຢ່າງສົມສັກສີ.

ເພື່ອເຊີດຊູກຽດສັກສີນັກກິລາບານເຕະ ທີ່ຍາດໄດ້ຊະນະເລີດໃນຄັ້ງນີ້,ທາງແຂວງຈະໄດ້ປະຕິບັດນະໂຍບາຍຍ້ອງຍໍຢ່າງສົມກຽດ. ໂດຍເບື້ອງຕົ້ນມີເງິນຈະມອບໃຫ້ 350 ລ້ານກີບ ແລະຄາດວ່າຈະມີການອຸປະຖໍາຕື່ມອີກ.

LEAVE A REPLY

Please enter your comment!
Please enter your name here