ກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການເງິນ, ໄດ້ໄຂຂຶ້ນໃນຕອນເຊົ້າຂອງວັນທີ 19 ພະຈິກ 2020 ແລະ ໄດ້ດຳເນີນເປັນເວລາ 1 ວັນເຄິ່ງ, ໂດຍການເປັນປະທານຂອງ ສະຫາຍ ສົມດີ ດວງດີ ກຳມະການສູນກາງພັກ, ຮອງນາຍົກລັດຖະມົນຕີ, ເລຂາຄະນະບໍລິຫານງານພັກ, ລັດຖະມົນຕີກະຊວງການເງິນ, ໃຫ້ກຽດເຂົ້າຮ່ວມຂອງສະຫາຍ ພັນຄຳ ວິພາວັນ ກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ, ມີຜູ້ແທນສົມບູນເຂົ້າຮ່ວມທັງໝົດຈຳນວນ 191 ສະຫາຍ, ຍິງ 53 ສະຫາຍທີ່ເປັນຕົວແທນໃຫ້ແກ່ສະມາຊິກພັກສົມບູນທັງໝົດຈຳນວນ 644 ສະຫາຍ, ຍິງ 191 ສະຫາຍທົ່ວອົງຄະນະພັກກະຊວງການເງິນ; ບັນດາສະຫາຍທີ່ເຂົ້າຮ່ວມກອງປະຊຸມໄດ້ຍົກສູງຄວາມຮັບຜິດຊອບ ແລະ ຜູ້ແທນກອງປະຊຸມໃຫຍ່ໄດ້ສຸມສະຕິປັນຍາຂອງຕົນເຂົ້າໃນການຄົ້ນຄວ້າປະກອບຄຳຄິດຄຳເຫັນ ເຮັດໃຫ້ກອງປະຊຸມໃຫຍ່ດຳເນີນໄປດ້ວຍບັນ ຍາກາດຟົດຟື້ນ ແລະ ສຳເລັດຕາມຈຸດປະສົງທີ່ວາງໄວ້.
I. ກອງປະຊຸມໃຫຍ່ຜູ້ແທນອົງຄະນະພັກກະຊວງການເງິນຄັ້ງທີ III ໄດ້ລົງປະຊາມະຕິຢ່າງເປັນເອກະສັນ ຮັບ ຮອງເອົາບັນດາເນື້ອໃນທີ່ສຳຄັນຄື:

ກອງປະຊຸມໃຫຍ່ໄດ້ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນໃສ່ຮ່າງບົດລາຍງານການເມືອງ, ແຜນພັດທະນາຂະແໜງການເງິນ ໄລຍະ 05 ປີ (2021-2025), ບົດສຳຫຼວດການນຳພາລວມຂອງຄະນະບໍລິຫານງານພັກກະຊວງ, ກອງປະຊຸມໃຫຍ່ໄດ້ພ້ອມກັນຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການນຳພາ-ຊີ້ນຳ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ໃນໄລຍະ 05 ປີຜ່ານມາ, ພ້ອມນັ້ນກອງປະຊຸມຍັງໄດ້ເປັນເອກະສັນກັນຮັບຮອງເອົາທິດທາງແຜນການ 05 ປີໃນຕໍ່ໜ້ານັບແຕ່ປີ 2021-2025 ເຊຶ່ງມີເນື້ອໃນຕົ້ນຕໍດັ່ງລຸ່ມນີ້:

(1) ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງການເງິນ ໃຫ້ເປັນແຜນການ ແລະ ວຽກງານລະດ້ວຍການສ້າງບາດລ້ຽວໃໝ່ ແລະ ບຸກທະລຸໃນທຸກດ້ານ;

(2) ຕັ້ງໜ້າປັບປຸງລະບົບການຈັດຕັ້ງຂອງຂະແໜງການເງິນໃຫ້ກະທັດຮັດ, ໜັກແໜ້ນ ແລະ ເຂັ້ມແຂງມີຄວາມຄ່ອງຕົວ, ມີປະສິດທິພາບ ແລະ ປະສິດທິຜົນ, ມີຄວາມກົມກຽວລະຫວ່າງການຄຸ້ມຄອງລວມສູນຕາມສາຍຕັ້ງ ແລະ ສາຍຂວາງ ຂອງກະຊວງການເງິນ ແລະ ອົງການປົກຄອງທ້ອງຖິ່ນແຕ່ລະຂັ້ນ;

(3) ບໍາລຸງ ແລະ ກໍ່ສ້າງ ພະນັກງານ-ລັດຖະກອນຂະແໜງການເງິນໃຫ້ມີຄວາມໜັກແໜ້ນທາງດ້ານຄຸນທາດການ ເມືອງ, ຄຸນສົມບັນສິນທໍາປະຕິວັດ, ມີຈັນຍາບັນ, ຈັນຍາທຳ, ມີຄວາມເຂັ້ມແຂງທາງດ້ານວິຊາສະເພາະ ແລະ ສ້າງໃຫ້ເປັນລະບົບຄົບຊຸດເຂົ້າສູ່ມາດຕະຖານຕາມຕໍາແໜ່ງງານແຕ່ລະປະເພດ ແລະ ຫັນເປັນວິຊາຊີບ;

(4) ຕັ້ງໜ້າສູ້ຊົນປັບປຸງກົນໄກຄຸ້ມຄອງການເງິນ-ງົບປະມານໃຫ້ມີປະສິດທິພາບ ໂລ່ງລຽນ, ຫຼຸດຜ່ອນບັນ ດາຂອດຂັ້ນ ແລະ ສິ່ງອຸດຕັນຕ່າງໆ, ເຂັ້ມງວດປະຕິບັດວິໄນການເງິນ-ງົບປະມານ ຕາມການແບ່ງຂັ້ນຄຸ້ມຄອງແຕ່ສູນກາງລົງຮອດທ້ອງຖິ່ນ;

(5) ເປີດກວ້າງ ແລະ ເສີມຂະຫຍາຍສິດເປັນເຈົ້າການທາງດ້ານການເງິນ-ງົບປະມານໃຫ້ຂະແໜງການທ້ອງຖິ່ນ ຕາມທິດສ້າງແຂວງເປັນຫົວໜ່ວຍຍຸດທະສາດ,ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານໃຫ້ເປັນຫົວໜ່ວຍພັດທະນາ ທາງດ້ານການເງິນ;

(6) ພັດທະນາລະບົບຄຸ້ມຄອງຂໍ້ມູນຂ່າວສານການເງິນ-ງົບປະມານ ແລະ ການບໍລິຫານລັດດ້ວຍກົດໝາຍ ໃຫ້ມີຄວາມສັກສິດ, ເປັນທັນສະໄໝ ແລະ ກ້າວໄປສູ່ລະບົບດີຈີຕອນ;

(7) ເພີ່ມທະວີການຮ່ວມມື,ການເຊື່ອມໂຍງ ແລະ ການເຊື່ອມຈອດກັບພາກພື້ນ ແລະ ສາກົນ ທີ່ຕິດພັນກັບວຽກການເງິນ-ງົບປະມານ.

I. ກອງປະຊຸມໄດ້ຮັບຟັງການລາຍງານ ແລະ ການປະກອບຄຳເຫັນຈາກ ຜູ້ຕາງໜ້າຫຼາຍພາກສ່ວນ, ຊຶ່ງລ້ວນແຕ່ສະແດງເຫັນເຖິງຄວາມເປັນເອກະພາບຕໍ່ບົດລາຍງານການເມືອງ, ແຜນພັດທະນາການເງິນ ແລະ ບົດສຳຫຼວດການນຳພາລວມຂອງອົງຄະນະພັກກະຊວງການເງິນ;ເອກະພາບຕໍ່ທິດທາງ ແຜນການເງິນ ແລະວຽກງານຮອບດ້ານ ທີ່ສະເໜີຜ່ານກອງປະຊຸມ ຊຶ່ງສ່ວນຫຼາຍໄດ້ລົງເລິກລາຍງານຜົນສຳເລັດຂອງການຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງຜ່ານມາເຂົ້າໃນແຕ່ລະຂົງເຂດວຽກງານຂອງກົມກອງ ແລະ ຂະແໜງການຕົນ ອັນເຮັດໃຫ້ກອງປະຊຸມໃຫຍ່ຄັ້ງນີ້ມີເນື້ອໃນອຸດົມສົມບູນຂຶ້ນຕື່ມ.

II. ຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກເອົາຄະນະບໍລິຫານງານພັກກະ ຊວງຊຸດໃໝ່ (ຊຸດທີ III) ບົນພື້ນຖານ ມາດຖານ, ເງື່ອນໄຂທີ່ກຳນົດໄວ້ຊຶ່ງມີຜູ້ຮັບສະໝັກເລືອກຕັ້ງຈຳນວນ 20 ສະຫາຍ, ຍິງ 03 ສະຫາຍ, ໃນນີ້: ເລືອກເອົາຈຳນວນ 17 ສະຫາຍລະອຽດດັ່ງນີ້:

ກ. ບັນດາຜູ້ເຂົ້າຮັບສະໝັກເລືອກຕັ້ງ ຈໍານວນ 20 ສະຫາຍ ປະກອບມີ:

  • 1. ສະຫາຍ ບຸນໂຈມ ອຸບົນປະເສີດ
  • 2. ສະຫາຍ ປອ ບຸນເຫຼືອ ສິນໄຊວໍລະວົງ
  • 3. ສະຫາຍ ປອ ພູທະນູເພັດ ໄຊສົມບັດ
  • 4. ສະຫາຍ ສົມບູນ ອິນທະປັດຖາ
  • 5. ສະຫາຍ ນາງ ວັນພອນ ພົມມະສອນ
  • 6. ສະຫາຍ ນາງ ກະເສີມສີ ພົມມະວົງສາ
  • 7. ສະຫາຍ ພູເຂົາຄໍາ ວັນນະວົງໄຊ
  • 8. ສະຫາຍ ນາງ ດາວອນ ທອງຈັນ
  • 9. ສະຫາຍ ພູວົງ ກິດຕະວົງ
  • 10. ສະຫາຍ ອຸບັນ ສຸພິດາ
  • 11. ສະຫາຍ ກົງຄໍາ ສິດທິວໍລະດາ
  • 12. ສະຫາຍ ສຸລິວັດ ສຸວັນນະຈູມຄໍາ
  • 13. ສະຫາຍ ບຸນປະເສີດ ສີກຸນລະບຸດ
  • 14. ສະຫາຍ ໄພວັນ ຈັນດາວົງ
  • 15. ສະຫາຍ ປອ ສອນເພັດ ອິນທະວົງ
  • 16. ສະຫາຍ ພຸດທະສິນ ເຮືອງທະວົງ
  • 17. ສະຫາຍ ວົງຄໍາແຫງ ວົງທະຈັກ
  • 18. ສະຫາຍ ອຸໄທ ອິນທິລາດ
  • 19. ສະຫາຍ ພຸດທະຂັນ ຂັນຕີ
  • 20. ສະຫາຍ ສົມຈິດ ຄໍາມຸງຄຸນ

ຂ. ບັນຄະນະບໍລິຫານງານພັກກະຊວງຊຸດໃໝ່ (ຊຸດທີ III) ທີ່ໄດ້ຮັບການເລືອກຕັ້ງໄດ້ຈຳນວນ 17 ສະຫາຍ, ຍິງ 03 ສະຫາຍ, ຊຶ່ງປະກອບມີລາຍຊື່ລຸ່ມນີ້:

  • (1) ສະຫາຍ ສະຫາຍ ບຸນໂຈມ ອຸບົນປະເສີດ
  • (2) ສະຫາຍ ປອ ບຸນເຫຼືອ ສິນໄຊວໍລະວົງ
  • (3) ສະຫາຍ ປອ ພູທະນູເພັດ ໄຊສົມບັດ
  • (4) ສະຫາຍ ສົມບູນ ອິນທະປັດຖາ
  • (5) ສະຫາຍ ນາງ ວັນພອນ ພົມມະສອນ
  • (6) ສະຫາຍ ນາງ ກະເສີມສີ ພົມມະວົງສາ
  • (7) ສະຫາຍ ພູເຂົາຄໍາ ວັນນະວົງໄຊ
  • (8) ສະຫາຍ ນາງ ດາວອນ ທອງຈັນ
  • (9) ສະຫາຍ ພູວົງ ກິດຕະວົງ
  • (10) ສະຫາຍ ອຸບັນ ສຸພິດາ
  • (11) ສະຫາຍ ກົງຄໍາ ສິດທິວໍລະດາ
  • (12) ສະຫາຍ ສຸລິວັດ ສຸວັນນະຈູມຄໍາ
  • (13) ສະຫາຍ ບຸນປະເສີດ ສີກຸນລະບຸດ
  • (14) ສະຫາຍ ໄພວັນ ຈັນດາວົງ
  • (15) ສະຫາຍ ປອ ສອນເພັດ ອິນທະວົງ
  • (16) ສະຫາຍ ພຸດທະສິນ ເຮືອງທະວົງ
  • (17) ສະຫາຍ ວົງຄໍາແຫງ ວົງທະຈັກ

III. ກອງປະຊຸມຄັ້ງປະຖົມມະລຶກຂອງຄະນະບໍລິຫານງານພັກກະຊວງການເງິນ ຄັ້ງທີ III ໄດ້ເລືອກເອົາຄະນະປະຈຳພັກ, ປະທານ ແລະ ຮອງປະທານກວດກາພັກ, ພ້ອມທັງ ເປັນເອກະສັນເລືອກເອົາ ເລຂາ, ຮອງເລຂາຄະນະພັກ ດັ່ງນີ້:

ກ. ເລືອກຕັ້ງເອົາ ຄະນະປະຈຳພັກ ດ້ວຍການປ່ອນບັດໂດຍກົງ ລົງຄະແນນສຽງປິດລັບ, ມີຜູ້ອອກຮັບສະໝັກເລືອກຕັ້ງທັງໝົດ 07 ສະຫາຍ, ຍິງ 02 ສະຫາຍ, ເລືອກໄດ້ 05 ສະຫາຍ ຍິງ 01 ສະຫາຍ ດັ່ງມີລາຍຊື່ລຸ່ມນີ້:

  • (1) ສະຫາຍ ບຸນໂຈມ ອຸບົນປະເສີດ
  • (2) ສະຫາຍ ປອ ບຸນເຫຼືອ ສິນໄຊວໍຣະວົງ
  • (3) ສະຫາຍ ປອ ພູທະນູເພັດ ໄຊສົມບັດ
  • (4) ສະຫາຍ ນາງ ວັນພອນ ພົມມະສອນ
  • (5) ສະຫາຍ ສົມບູນ ອິນທະປັດຖາ

ຂ. ໄດ້ເປັນເອກະສັນເລືອກເອົາ ເລຂາ ແລະ ຮອງເລຂາຄະນະພັກກະຊວງການເງິນ ສະໄໝທີ III ຊຶ່ງມີລາຍຊື່ດັ່ງລຸ່ມນີ້:

  • (1) ສະຫາຍ ບຸນໂຈມ ອຸບົນປະເສີດ, ເປັນເລຂາຄະນະພັກກະຊວງການເງິນ;
  • (2) ສະຫາຍ ປອ ບຸນເຫຼືອ ສິນໄຊວໍຣະວົງ, ເປັນຮອງເລຂາຄະນະພັກກະຊວງການເງິນ;

ຄ. ໄດ້ເອກະສັນເລືອກເອົາ ປະທານ ແລະ ຮອງປະທານກວດກາພັກ ຊຶ່ງມີລາຍຊື່ດັ່ງລຸ່ມນີ້:

  • (1) ສະຫາຍ ປອ ພູທະນູເພັດ ໄຊສົມບັດ, ເປັນປະທານກວດກາພັກ;
  • (2) ສະຫາຍ ອຸບັນ ສຸພິດາ, ເປັນຮອງປະທານກວດກາພັກ;
  • (3) ສະຫາຍ ວິລະໄພ ອຸບົນປະເສີດ, ເປັນຮອງປະທານກວດກາພັກ;

IV. ກອງປະຊຸມ ໄດ້ປ່ອນບັດເລືອກຕັ້ງເອົາຜູ້ແທນສົມບູນ ແລະ ຜູ້ແທນສຳຮອງເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ, ຊຶ່ງມີຜູ້ອອກຮັບສະໝັກເລືອກຕັ້ງເປັນຜູ້ແທນສົມບູນ ຈຳນວນ 11 ສະຫາຍ ຍິງ 03 ສະຫາຍ; ເລືອກໄດ້ຜູ້ແທນສົມບູນ 07 ສະຫາຍ ຍິງ 02 ສະຫາຍ ແລະ ຜູ້ແທນສຳຮອງ 02 ສະຫາຍ ຊຶ່ງມີລາຍຊື່ດັ່ງລຸ່ມນີ້:
ກ. ຜູ້ແທນສົມບູນ:

  • (1) ສະຫາຍ ບຸນໂຈມ ອຸບົນປະເສີດ
  • (2) ສະຫາຍ ປອ ບຸນເຫຼືອ ສິນໄຊວໍລະວົງ
  • (3) ສະຫາຍ ປອ ພູທະນູເພັດ ໄຊສົມບັດ
  • (4) ສະຫາຍ ສົມບູນ ອິນທະປັດຖາ
  • (5) ສະຫາຍ ພູວົງ ກິດຕະວົງ
  • (6) ສະຫາຍ ນາງ ກະເສີມສີ ພົມມະວົງສາ
  • (7) ສະຫາຍ ນາງ ວັນພອນ ພົມມະສອນ

ຂ. ຜູ້ແທນສຳຮອງ:

  • (1) ສະຫາຍ ພູເຂົາຄຳ ວັນນະວົງໄຊ
  • (2) ສະຫາຍ ກົງຄຳ ສິດທິວໍລະດາ

V. ກອງປະຊຸມໃຫຍ່ ໄດ້ຮັບຟັງການໂອ້ລົມຈາກ ສະຫາຍ ພັນຄຳ ວິພາວັນ, ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ ການນຳພາ-ຊີ້ນຳຂອງ ຄະນະພັກຊຸດເກົ່າທີ່ໄດ້ນຳພາ-ຊີ້ນຳສະມາຊິກພັກ, ພະນັກງານ-ລັດຖະກອນຂະແໜງການເງິນ ປະຕິບັດໜ້າທີ່ການເມືອງຂອງຕົນ ແລະ ຍາດມາໄດ້ຜົນສຳເລັດຫຼາຍດ້ານ. ພິເສດ, ສະຫາຍໄດ້ຊົມເຊີຍຜົນສຳເລັດໃນການເລືອກຕັ້ງເອົາຄະນະບໍລິຫານງານພັກຊຸດໃໝ່ ທີ່ມີໂຄງປະກອບສອດຄ່ອງ ແລະ ເໝາະສົມກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.

ພ້ອມນັ້ນ, ສະຫາຍ ຍັງໄດ້ເນັ້ນໜັກ ຕໍ່ດ້ານອ່ອນ, ຂໍ້ຄົງຄ້າງບາງດ້ານ ທີ່ຈະຕ້ອງໄດ້ສືບຕໍ່ນຳໄປປັບປຸງແກ້ໄຂໃນຕໍ່ໜ້າ, ໂດຍສະເພາະ ບັນຫາຄວາມ ຫຍຸ້ງຍາກທາງດ້ານການເງິນ, ງົບປະມານ ແລະ ໜີ້ສິນ ຊຶ່ງສະຫາຍ ໄດ້ຮຽກຮ້ອງໃຫ້ຄະນະພັກຊຸດໃໝ່ ຕ້ອງສືບຕໍ່ນຳພາປັບປຸງ, ແກ້ໄຂຈຸດອ່ອນຂໍ້ຄົງຄ້າງ ແລະ ບັນຫາ ສຳຄັນ ໃນສະພາບທີ່ປະເທດເຮົາຍັງມີຄວາມຫຍຸ້ງຍາກເປັນຕົ້ນ:

  • ໜຶ່ງ, ການປະຕິບັດໜ້າທີ່ບູລິມະສິດຕົ້ນຕໍຂອງຂະແໜງການເງິນ ໃນ 5 ປີຕໍ່ໜ້າຕ້ອງກອບກູ້ ສະພາບເສດຖະກິດ-ການເງິນ ທີ່ກຳລັງຈະຕົກເຂົ້າສູ່ວິກິດການ ໃຫ້ກັບຄືນມາສູ່ສະພາບປົກກະຕິ ຫຼື ເບົາບາງລົງ, ການຄຸ້ມ ຄອງລາຍຮັບ-ລາຍຈ່າຍ ແລະ ຫຼຸດການຂາດດູນງົບປະມານ, ການຫຼຸດຍອດໜີ້ສິນ,
  • ສອງ, ຕ້ອງມີວິໄສທັດ ແລະ ທັດສະນະໃໝ່ໃນການແກ້ໄຂບັນຫາຄື: ຕ້ອງໄດ້ກ້າຕັດສິນໃຈ ແລະ ເດັດດ່ຽວຜ່ານຜ່າສະຖານະການໃນປະຈຸບັນໄປໄດ້ໃຫ້;
  • ສາມ, ຕ້ອງກຳແໜ້ນແນວທາງນະໂຍບາຍທາງດ້ານເສດຖະກິດ-ການເງິນຂອງພັກ ແລະ ລະບຽບກົດໝາຍຂອງລັດ,ສາມາດນຳເອົາແນວທາງນະໂຍບາຍດັ່ງກ່າວໄປຈັດຕັ້ງຜັນຂະຫຍາຍ ແລະ ຈັດຕັ້ງປະຕິບັດໄດ້ຢ່າງແທ້ຈິງ;
  • ສີ່, ປັບປຸງແກ້ໄຂ ພາບພົດ ແລະ ຫາງສຽງທາງລົບ ຫຼື ບໍ່ຈົບບໍ່ງາມຂອງຂະແໜງການເງິນ
  • ຫ້າ, ສືບຕໍ່ຮັກສາ ແລະ ເສີມຂະຫຍາຍ ມູນເຊື້ອແຫ່ງຄວາມສາມັກຄີ ພາຍໃນພັກ ແລະ ລະຫວ່າງ ຄະນະພັກແຕ່ລະຂັ້ນ ກັບ ສະມາຊິກພັກ-ພະນັກງານ ຕະຫຼອດ ຮອດພະນັກງານບຳນານ, ຍຶດໝັ້ນ ອຸດົມການຂອງພັກຢ່າງສະເໝີຕົ້ນ ສະເໝີປາຍ, ປົວແປງພັກ ໃຫ້ປອດໃສເຂັ້ມແຂງໜັກແໜ້ນ, ສ້າງສະມາຊິກພັກໃຫ້ຮັບໃຊ້ຊາດ ແລະ ປະຊາຊົນຕາມ ຄ່ານິຍົມການມີ:
  •  ມະນຸດສະທຳ ແມ່ນຄວາມຮັກແພງກັນຢ່າງຈິງໃຈ, ເບິ່ງແຍງຊ່ວຍເຫຼືອກັນ ເພື່ອພ້ອມກັນກ້າວໜ້າ;
  •  ສັດຈະທຳ ຊື່ກົງ ບໍ່ຖືຈິດໃຈໂຕເອງເປັນຫຼັກ ບໍ່ເຮັດສິ່ງຊົ່ວຮ້າຍ ບໍ່ເຊື່ອງອຳຕໍ່ພັກ;
  •  ຍຸຕິທຳ ແມ່ນບໍ່ໂລບໂລພາ, ບໍ່ລຳອຽງ, ສົ່ງເສີມຜູ້ດີ;
  •  ວິລິຍະທຳ ມີຄວາມກ້າຫານ, ກ້າຄິດກ້າເຮັດໃນສິ່ງທີ່ຖືກຕ້ອງ ແລະ ກ້າຮັບຜິດຊອບ;
  •  ສຸດຈະລິດທຳ ແມ່ນບໍ່ໂລພາ ຢາກໄດ້ຊື່ສຽງຕຳແໜ່ງ ບໍ່ໂລພາຫາຊັບສິນເງິນຄຳ ເປັນຄົນມີຈິດໃຈຂາວສະອາດ.
  • ສະຫາຍມີຄວາມເຊື່ອໝັ້ນຕໍ່ ຄະນະບໍລິຫານງານພັກຊຸດໃໝ່ທີ່ຈະສືບຕໍ່ນຳພາ-ຊີ້ນຳ ຈັດຕັ້ງປະຕິບັດ ມະຕິກອງປະຊຸໃຫຍ່ ຄັ້ງທີ III ຂອງຄະນະບໍລິຫານງານພັກ ກະຊວງການເງິນໃຫ້ຍາດໄດ້ຜົນງານ ແລະ ມີຜົນສຳເລັດອັນໃຫຍ່ຫຼວງກວ່າເກົ່າ.

ຮຽກຮ້ອງມາຍັງ ຄະນະພັກແຕ່ລະຂັ້ນ, ສະມາຊິກພັກ, ພະນັກງານ-ລັດຖະກອນທົ່ວຂະແໜງການເງິນ ຈົ່ງໄດ້ເຊີດຊູສະຕິຕໍ່ການຈັດຕັ້ງ, ມີລະບຽບວິໄນ, ມີຄວາມສາມັກຄີປູ້ມລຸມເປັນປຶກແຜ່ນ ແລະ ຍົກສູງຄວາມຮັບຜິດຊອບ ທາງການເມືອງ ຂອງຕົນ, ເຮັດໃຫ້ວຽກງານການເງິນ ມີບາດລ້ຽວໃໝ່ທີ່ຕັ້ງໜ້າກວ່າເກົ່າ, ເຮັດໃຫ້ພັກ ມີຄວາມປອດໃສ, ເຂັ້ມແຂງ, ໜັກແໜ້ນ.

ພ້ອມນັ້ນ, ຈົ່ງສືບຕໍ່ຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ, ຍົກສູງລະດັບຄວາມຮູ້ຄວາມສາມາດຢ່າງຮອບ ດ້ານ ເພື່ອໃຫ້ສົມຄູ່ກັບໜ້າທີ່ການເມືອງທີ່ພັກ-ລັດໄດ້ມອບໝາຍໃຫ້, ອອກແຮງຄົ້ນຄວ້າ, ເຊື່ອມຊຶມທິດທາງ ແລະ ຄາດໝາຍສູ້ຊົນ ທີ່ກອງປະຊຸມໃຫຍ່ ຄັ້ງທີ III ອົງຄະນະພັກກະຊວງການເງິນໄດ້ວາງອອກປະກອບສ່ວນເຂົ້າໃນການຈັດຕັ້ງປະຕິບັດ ແຜນພັດທະນາເສດຖະກິດ- ສັງຄົມ 5 ປີ ຄັ້ງ IX (2021-2025) ແລະ ແຜນພັດທະນາຂະແໜງການເງິນໄລຍະ 05 ປີ (2021-2025) ໃຫ້ໄດ້ຮັບຜົນສຳເລັດຢ່າງຈົບງາມ.

LEAVE A REPLY

Please enter your comment!
Please enter your name here