ຄະນະກໍາມະການຂັ້ນແຂວງ ແຂວງຫລວງພະບາງ ລົງກວດກາເບິ່ງ ໂຄງການກໍ່ສ້າງຕ້ານຕາຝັ່ງກັນເຈື່ອນແຄມນ້ຳຄານ

ວັນທີ 19 ພະຈິກ 2020 ນີ້ ຄະກຳມະການກວດກາຂັ້ນແຂວງ ນຳໂດຍ ທ່ານ ບຸນຄົງ ສຸກສະຫວັດ ຮອງຫົວໜ້າພະແນກໂຍທາທິການ ແລະ ຂົນສົ່ງແຂວງ ພ້ອມຄະນະ ໄດ້ລົງກວດກາຜົນສຳເລັດ ໂຄງການກໍ່ສ້າງຕ້ານຕາຟັ່ງເຈື່ອນແຄມນ້ຳຄານ ໂດຍການໃຫ້ຕ້ອນຮັບຂອງ ທ່ານ ພູວົງ ລັດຕະນະວົງ ປະທານບໍລິສັດ ບຸນໂຮມ ກໍ່ສ້າງຂົວທາງ-ເຄຫະສະຖານ ແລະຊົນລະປະທານ ຈຳກັດ.

ສຳລັບໂຄງການກໍ່ສ້າງຕ້ານຕາຟັ່ງເຈື່ອນແຄມນ້ຳຄານ ເຂດບ້ານອາໄພ ນະຄອນ ຫຼວງພະບາງ ເປັນໂຄງການລົງທຶນຂອງລັດ 100% ໃນມູນຄ່າ 9 ຕື້ 6 ຮ້ອຍກວ່າລ້ານກີບ ໂດຍນຳໃຊ້ງົບປະມານແກ້ໄຂ ຟື້ນຟູ ໄພພິບັດສຸກເສີນ ປີ 2019 ໂດຍແມ່ນໃຫ້ພະແນກໂຍທາທິການ ແລະ ຂົນສົ່ງ ເປັນເຈົ້າຂອງໂຄງການ.

ໜ້າວຽກປະກອບມີກໍ່ສ້າງຕ້ານຕາຟັ່ງເຈື່ອນ ມີຄວາມຍາວ 200 ເມັດ, ສູງ 14 ແມັດຈາກໜ້ານໍ້າ, ກໍ່ສ້າງຮ່ອງລະບາຍນໍ້າ ໂດຍແມ່ນບໍລິສັດ ບຸນໂຮມ ກໍ່ສ້າງ-ຂົວທາງ ແລະ ຊົນລະປະທານ ຈຳກັດ ເປັນຜູ້ຮັບເໝົາກໍ່ສ້າງ ເລີ່ມລົງມືກໍ່ສ້າງ ແຕ່ວັນທີ 1 ກໍລະກົດ 2019 ຫາ ວັນທີ 30 ພຶດສະພາ 2020 ໃຫ້ສໍາເລັດ.

ໃນໄລຍະດໍາເນີນການກໍ່ສ້າງ ຄະນະກໍາມະການຂັ້ນແຂວງ ໄດ້ລົງຕິດຕາມກວດກາເປັນແຕ່ລະໄລຍະ ສ່ວນການລົງກວດກາຄັ້ງນີ້ ເປັນການກວດກາຄັ້ງສຸດທ້າຍ ຕາມແຜນຂອງໂຄງການ ພາຍຫຼັງກວດກາໂຄງການສໍາເລັດ 100% ຈະກະກຽມການມອບ-ຮັບ ຊົ່ວຄາວ ຈາກນັ້ນ ຈະມີການຄໍ້າປະກັນໄລຍະ 1 ປີ ນັບແຕ່ມື້ຄະນະກໍາມະການລົງກວດກາໂຄງການ 100% ຈຶ່ງຈະຈັດໃຫ້ມີພິທີມອບ-ຮັບຢ່າງເປັນທາງການ.

ຂ່າວ: ແຫຼ້ ສຸລີນພອນ

LEAVE A REPLY

Please enter your comment!
Please enter your name here