ວັນທີ 5 ພະຈິກນີ້ ທ່ານປອ ສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ກຳມະການຄຸ້ມຄອງໄພພິບັດຂັ້ນສູນກາງ ໄດ້ເດີນທາງມາຢ້ຽມຢາມ ແລະ ພົບປະພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມໃນໄລຍະຜ່ານມາ ພ້ອມມອບເງີນ ແລະ ເຄື່ອງຊ່ວຍເຫລືອບັນເທົາທຸກໃຫ້ເມືອງ ຈຳພອນ ນຳພາທາງໂດຍທ່ານ ສັນຕິພາບ ພົມວິຫານ ເຈົ້າແຂວງ ສະຫວັນນະເຂດພ້ອມບັນດາຫົວໜ້າ ຮອງຫົວໜ້າພະແນກການຂອງແຂວງ, ໃຫ້ກຽດຕ້ອນຮັບການເດີນທາງມາຢ້ຽມຢາມໃນຄັ້ງນີ້ມີທ່ານ ຄຳລຸຍ ຍາດຕິວົງ ເຈົ້າເມືອງຈຳພອນພ້ອມພະນັກງານການນຳຂອງເມືອງເຂົ້າຮ່ວມ.

.

.

ໃນພິທີໄດ້ຮັບຟັງການລາຍງານຄວາມເສຍຫາຍຂອງເມືອງໃນໄລຍະນ້ຳຖ້ວມ, ບ້ານທີ່ຖືກນ້ຳຖ້ວມມີ 18 ບ້ານ,ມີ 2ພັນ42 ຄອບຄົວ , ມີ 1ໝື່ນ49 ຄົນ ໃນນີ້ຍົກຍ້າຍປະຊາຊົນ1 ພັນ212ຄອບຄົວມີ 6 ພັນ150 ຄົນ ແລະສັດລ້ຽງງົວຄວາຍໄປຢູ່ບ່ອນຈຸດພັກຊົ່ວຄາວ, ເນື້ອທີ່ຜະລິດເຂົ້ານາປີຖືກຖ້ວມ 6 ພັນ 920 ເຮັກຕາ ທຽບກັບເນື້ອທີ່ປັກດຳນາປີໃນທົ່ວເມືອງກວມ 60 ບ້ານ ເນື້ອທີ່ເສຍຫາຍ 4 ພັນ 694 ເຮັກຕາ,ເນື້ອທີ່ປູກພືດຖືກຖ້ວມ 123 ເຮັກຕາ ເສຍຫາຍ 13 ເຮັກຕາ , ລະບົບຊົນລະປະທານຖືກຖ້ວມ 23 ໂຄງການມີອ່າງເກັບນ້ຳ 2 ແຫ່ງ ຄອງຊົນລະປທານ 10 ໂຄງການ, ປະຕູນ້ຳ 3 ແຫ່ງ ,ໜອງປາຖືກຖ້ວມ 218 ໜອງ , ສິ່ງທີ່ຕ້ອງການການຊ່ວຍເຫລືອມີເຂົ້າກິນໃນໄລຍະກຸ້ມ 5 ເດືອນຕໍ່ໜ້າ , ຢາປົວພະຍາດຄົນ ແລະ ສັດ , ແນວພັນເຂົ້າຜະລິດນາແຊງ 200 ໂຕນຊ່ວຍໂຕເອງໄດ້ 200 ໂຕນ, ແນວພັນພືດ ປູດທົດແທນບ່ອນເຮັດນາແຊງບໍ່ໄດ້ , ກະສອບ ສ້ອມແປງທາງ , ຄູກັນນ້ຳແລະ ປ້ານຝາຍກັກເກັບນ້ຳຜະລິດລະດູແລ້ງ , ສະເໜີຂັ້ນເທິງພິຈາລະນາແຜນງົບປະມານສ້າງທາງປູຢາງແຕ່ຫລັກ 35 ຫາແກ້ງກອກ 19 ກິໂລແມັດ ເຄື່ອງທີ່ນຳມາມອບໃນຄັ້ງນີ້ມີເຂົ້າສານຈຳນວນ 1ໝື່ນ 2 ພັນໂຕນ ,ນ້ຳດື່ມ250 ແພັກ , ໝໍ້ຕົ້ມນ້ຳ 210 ອັນ , ເຄື່ອງໃຊ້ຄົວເຮືອນ ລວມມູນຄ່າ 207ລ້ານກວ່າກີບ ແລະ ເງີນສົດຈຳນວນ 50 ລ້ານກີບ

.

.

LEAVE A REPLY

Please enter your comment!
Please enter your name here