ໃນວັນທີ 03 ພະຈິກ 2020 ຜ່ານມາ ຢູ່ທີ່ກົມຕໍາຫຼວດສະກັດກັ້ນ ແລະ ຕ້ານການຄ້າມະນຸດໄດ້ຈັດກອງປະຊຸມປຶກສາຫາລືກ່ຽວກັບ ງານແຂ່ງຂັນ ຮູບເງົາເລື່ອງສັ້ນ, ຫົວໂຄສະນາ (ສະປອດ) ແລະ ເພງຮ້ອງ ກ່ຽວກັບ ການຄ້າມະນຸດ ເພື່ອຊິງລາງວັນຂອງ ທ່ານ ປະທານຄະນະກໍາມະການຕ້ານການຄ້າມະນຸດລະດັບຊາດ ໂດຍການເປັນປະທານຂອງທ່ານ ພັອ.ປອ ເພັງສະຫວັນ ທິບພະວົງໄຊ ຮອງຫົວໜ້າກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ, ຫົວໜ້າກອງເລຂາຄະນະກໍາມະການຕ້ານການຄ້າມະນຸດລະດັບຊາດ, ມີທ່ານ ພັອ ນາງ ລີວົງ ລາວລີ ຫົວໜ້າກົມຕໍາຫຼວດສະກັດກັ້ນ ແລະ ຕ້ານການຄ້າມະນຸດ ແລະ ຄະນະຮັບຜິດຊອບທີ່ກ່ຽວຂ້ອງເຂົ້າຮ່ວມ.

.

ເພື່ອເປັນການຂໍ່ານັບຮັບຕ້ອນກອງປະຊຸມໃຫຍ່ຂອງ ພັກປະຊາຊົນປະຕິວັດລາວ ຄັ້ງທີ XI ແລະ ວັນຊາດທີ 2 ທັນວາ ທີ່ໄດ້ໝູນວຽນມາບັນຈົບຄົບຮອບອີກວາລະໜື່ງ, ເພື່ອຜັນຂະຫຍາຍວຽກງານຕ້ານການຄ້າມະນຸດ, ຄະນະກໍາມະການຕ້ານການຄ້າມະນຸດລະດັບຊາດຈຶ່ງໄດ້ຈັດ ກອງປະຊຸມປຶກສາຫາລືກ່ຽວກັບ ງານແຂ່ງຂັນ ຮູບເງົາເລື່ອງສັ້ນ, ຫົວໂຄສະນາ (ສະປອດ) ແລະ ເພງຮ້ອງ ກ່ຽວກັບ ການຄ້າມະນຸດ ເພື່ອຊິງລາງວັນຂອງ ທ່ານ ປະທານຄະນະກໍາມະການຕ້ານການຄ້າມະນຸດລະດັບຊາດ ໃນການຈັດກອງປະຊຸມໃນຄັ້ງນີ້ກໍເພື່ອເປັນການກະກຽມຄວາມພ້ອມຂອງບັນດາອະນຸກໍາມະການ ເພື່ອສຸມໃສ່ຕໍ່ງານແຂ່ງຂັນດັ່ງກ່າວ, ເຮັດໃຫ້ງານແຂ່ງຂັນເປັນຂະບວນຟົດຟື້ນ ແລະ ມີເນື້ອໃນຄົບຖ້ວນສົມບູນ ທັງເປັນການໂຄສະນາປຸກລະດົມໃຫ້ຜູ້ເຂົ້າແຂ່ງຂັນໄດ້ເຂົ້າໃຈເລິກເຊີ່ງຕໍ່ກັບວຽກງານຕ້ານການຄ້າມະນຸດ ສາມາດນຳເອົາເນື້ອໃນຈິດໃຈດັ່ງກ່າວໄປຖ່າຍທອດອອກມາເປັນຜົນງານຫຼາຍຮູບ ຫຼາຍສີ ເປັນຕົ້ນແມ່ນ ຮູບເງົາເລື່ອງສັ້ນ, ຫົວໂຄສະນາ, ເພງຮ້ອງ, ເຮັດໃຫ້ວຽກງານຕ້ານການຄ້າມະນຸດແຜ່ຂະຫຍາຍເປັນວົງກວ້າງ ແລະ ສາມາດເຂົ້າເຖິງທຸກຊັ້ນຄົນທີ່ຢູ່ໃນສັງຄົມ.

.

LEAVE A REPLY

Please enter your comment!
Please enter your name here